2021-11-29 14:40
Информагентства
ՏՀԿ-ի 15-րդ գագաթնաժողովում ընդունվել է Գործողությունների կոնսենսուս
Թուրքմենստանում նախագահ Գուրբանգուլի Բերդիմուհամեդովի նախագահությամբ տեղի է ունեցել Տնտեսական համագործակցության կազմակերպության (ՏՀԿ) 15-րդ գագաթնաժողովը։ Գագաթնաժողովին մասնակցել են Ադրբեջանի, Իրանի, Ղրղզստանի, Պակիստանի, Տաջիկստանի, Թուրքիայի, Ուզբեկստանի նախագահները և Ղազախստանի փոխվարչապետը, ինչպես նաև ՏՀԿ գլխավոր քարտուղար Խուսրավ Նոզիրին։
Կողմերը ստորագրել են ամփոփիչ փաստաթուղթը՝ Աշխաբադի Գործողությունների կոնսենսուսը։
Մասնավորապես, կողմերը մտադիր են ակտիվացնել կազմակերպության տարածքում ազատ առևտրի գոտու ստեղծման շուրջ բանակցություններ սկսելու գործընթացը, ինչպես նաև մշակել արդյունաբերական համագործակցության զարգացման ճանապարհային քարտեզներ։
Գագաթնաժողովի ավարտին ընդունված փաստաթղթում, որը հրապարակվել է Ղրղզստանի նախագահի կայքում, մասնավորապես նշվում է, որ կողմերը գիտակցում են «տարածաշրջանային համագործակցության, ինտեգրման և տրանսպորտային կապի կարևորությունը՝ որպես տնտեսական և սոցիալական առաջընթացի արագացման միջոց, տարածաշրջանում զարգացումը և կայունությունը»։
Գագաթաժողովի մասնակիցները պայմանավորվել են արագացնել համագործակցության տեմպերը հատկապես առևտրի, տրանսպորտի, էներգետիկայի և զբոսաշրջության ոլորտներում, ինչպես նաև կորոնավիրուսի տարածման և համաճարակի հետևանքների դեմ պայքարում։
Կողմերը մտադիր են նաև համապատասխան գերատեսչություններին հանձնարարել արագացնել խոչընդոտների վերացումը, այդ թվում՝ կորոնավիրուսի համաճարակի հետ կապված, «անդամ երկրների մասնակցությամբ առևտրային բանակցություններ սկսել, որոնք կհանգեցնեն ՏՀԿ-ի ազատ առևտրի գոտու ստեղծմանը»:
Փաստաթղթում ընդգծվում է տրանսպորտային միջանցքների ցանցի ընդլայնման հարցը դիտարկելու մտադրությունը, ինչպես նաև շարունակելու համագործակցությունը «տարածաշրջանում թվային անհավասարությունը հաղթահարելու նպատակով տեղեկատվական կառույցների ստեղծման և շահագործման գործում»։ Բացի այդ, կողմերը մտադիր են ամրապնդել համագործակցությունը այլ միջազգային կազմակերպությունների հետ տրանսպորտային, մաքսային և սահմանային ընթացակարգերի թվայնացման հարցում։ Գագաթնաժողովի մասնակիցները պայմանավորվել են «սերտորեն աշխատել այնպիսի ոլորտներում, ինչպիսիք են էլեկտրոնային կառավարումը, թվային տնտեսությունը, արհեստական ինտելեկտը, հեռահաղորդակցությունը և օպերատորների միջև փոխգործակցությունը»:
Համաճարակի հետևանքների դեմ պայքարի վերաբերյալ մի շարք որոշումներ են ընդունվել, մասնավորապես, կողմերը պայմանավորվել են ակտիվացնել աշխատանքները համաճարակային իրավիճակի մոնիտորինգի առողջապահական համակարգի ստեղծման և ներդրման ուղղությամբ, ինչպես նաև հանձնարարել զբոսաշրջության նախարարներին հրատապ միջոցներ ձեռնարկել այս ոլորտի լուրջ խնդիրների լուծման համար, տեղեկացնում է News.am-ը։
ПОСЛЕДНИЕ ОТ АВТОРА
-
New2025-07-15 19:36Магазины Армении с 1 августа должны будут делать уточнения к цене, пересчитывая ее на килограммы или литры. Об этом заявил Sputnik Армения член Комиссии по конкуренции Армении Тигран Маркосян, комментируя изменения в законе "Об экономической конкуренции", которые вступают в силу с 1 августа.
-
New2025-07-15 19:33Верховная Рада продлила на три месяца – до 5 ноября 2025 года – военное положение и мобилизацию в Украине.
-
New2025-07-15 19:30Аргишти Мехакян назначен и.о. руководителя общины Вагаршапат Армавирской области Армении. Об этом Новости Армении – NEWS.am сообщили в пресс-службе правительства республики.
-
New2025-07-15 19:25Депутаты парламента Армении представили личные поручительства в суд с просьбой изменить меру пресечения в отношении 36-летней Лианы Арутюнян. Об этом сообщила ее адвокат Заруи Постанджян.