Последние новости

ՍՈՂԱՑՈՂ ԲՌՆԱԶԱՎԹՈՒՄԸ ՑԱՆԿԱՑԱԾ ՊԱՀԻ ԿԱՐՈՂ Է ՓՈԽԱՐԿՎԵԼ ՑԱՏԿԻ

Ալիևը մտադիր չէ դուրս բերել զորքերը

Երբ Սոչիի հանդիպումից հետո, վկայակոչելով գյուղապետ Մարատ Պետրոսյանին, ապատեղեկատվություն տարածվեց այն մասին, թե իբր՝ ադրբեջանցիները հեռացել են Իշխանասարի մերձակայքից, լրագրողները մեկնաբանության համար անմիջապես դիմեցին ԱԺ պաշտպանության հանձնաժողովի նախագահ Անդրանիկ Քոչարյանին:

ԴԱ ԽՈՐՀՐԴԱՐԱՆԻ ՆԱԽԱՍՐԱՀՈՒՄ ԷՐ։ Հանձնաժողովի նախագահը դուրս եկավ աշխատասենյակից, նրա դեմքի արտահայտությունից երևում էր, որ առաջին անգամ է լսում այդ լուրը, բայց Քոչարյանն իրեն չկորցրեց, անմիջապես առաջ ցցեց մորուսը, ահեղ կեցվածք ընդունեց և պաթոսով արտասանեց, թե՝ միշտ էլ այն կարծիքին է եղել, որ ադրբեջանցիները պետք է լքեն ինքնիշխան Հայաստանի տարածքը։

Լրագրողների հետ շփման ընթացքում Քոչարյանը ձևացնում էր, թե իրեն հայտնի է մի ինչ-որ բան, որի մասին նախընտրում է լռել։ Ոչ ավելի, ոչ պակաս՝ «ռազմական գաղտնիք»։ Շատ ծիծաղելի ստացվեց, մանավանդ երբ «Հայաստան» խմբակցության պատգամավոր, Սյունիքի նախկին մարզպետ Վահե Հակոբյանն առանց որևէ պաթոսի տեղեկացրեց լրագրողներին, որ ադրբեջանցիները Իշխանասարի մերձակայքից ոչ մի տեղ էլ չեն հեռացել։

Հիշեցնեմ, որ Հակոբյանն առաջինն էր, ով հաղորդեց ադրբեջանցիների ներխուժման մասին, որոնց զավթիչներ անվանել իշխող ռեժիմը վախենում է առ այսօր, չնայած այն բանին, որ նրանք պարբերաբար գնդակոծում են հայկական դիրքերը, սպանում ու առևանգում մարդկանց, գողանում անասուններին, գնդակոծում սահմանամերձ համայնքները, փակում ջուրը, հրկիզում խոտհարքները։ Դեկտեմբերի 12-ին կլրանա բռնազավթման 7 ամիսը։ Սոչիում Փաշինյանը բանավոր հիշատակեց ներխուժման մասին, սակայն նոյեմբերի 26-ի փաստաթղթում մի բառ անգամ չկա այն մասին, որ Ադրբեջանը պարտավորվում է դուրս բերել զորքերը Հայաստանի տարածքից:

Ա.Քոչարյանին այլևս չանդրադառնալու համար մեջբերեմ նրա մի արտահայտություն, որն արդեն արժանի տեղ է զբաղեցրել դավաճանության անթոլոգիայում՝ Անուշ Բեղլոյանի կատարմամբ հնչած «Շուշայի» (Շուշիի փոխարեն) կողքին։ Լրագրողների այն դիտարկմանը, որ ադրբեջանցիները մայիսից մտել են ՀՀ տարածք և դուրս չեն գալիս, Ա.Քոչարյանը պատասխանեց. «Մենք էլ ենք շատ տեղեր մտել ու դուրս չենք գալիս»: Իրականում գոյություն չունեն ադրբեջանական այնպիսի տարածքներ, որոնք գտնվում են հայկական զինված ուժերի վերահսկողության տակ։ Ի բնե։ Պարզապես Հայաստանի խորհրդարանում կան մարդիկ, որոնց Սյունիքի 41 քառ.կմ տարածքի հանձնումն ավելի քիչ է մտահոգում, քան պատգամավորական աշխատավարձն ու պարգևավճարները։

41 քառ. կմ թիվը նշել է Փաշինյանը, իսկ թե իրականում քանի քառակուսի կիլոմետր են վերահսկում զավթիչները, յոթ կնիքի տակ պահվող նույնպիսի գաղտնիք է, ինչպիսին Սյունիքի և Գեղարքունիքի մարզերի տարածքում ադրբեջանցիների իրական թվաքանակը։ Ակնհայտ է, որ 1000 թիվը նվազեցված Է առնվազն երեք անգամ։ Հարց է ծագում. ինչո՞ւ է ռեժիմը թաքցնում սահմանամերձ գոտում տիրող իրական վիճակը, ինչո՞ւ են տարբեր մարզերի սահմանամերձ համայնքների գյուղապետերը նույնատիպ պատասխաններ տալիս ադրբեջանական ուժերի և տեխնիկայի տեղաշարժի մասին լրագրողների հարցերին: Ինչո՞ւ են «Պատիվ ունեմ» խմբակցության պատգամավոր, ռազմական փորձագետ Տիգրան Աբրահամյանին արգելում այցելել բռնազավթված գոտի։

Հիշեցնենք, որ Սյունիքում ադրբեջանական դիրքերում հակառակորդի ծանր զինտեխնիկայի առկայության վերաբերյալ ԶԼՄ-ների հրապարակումները պարբերաբար հերքվել են ռեժիմի կողմից, բայց նոյեմբերի 16-ի դիրքային պատերազմը ցույց տվեց, որ ռեժիմն այս անգամ էլ էր ստում։

Սյունիքի հանձնման ծրագիրը իրականացման փուլում է

Նոյեմբերի 16-ի իրադարձություններից հետո ոչ մի երաշխիք չկա, որ զավթիչները նոր սադրանքների չեն դիմի։ Հայտնի է, որ նոյեմբերի 16-ի մարտական բախումներում ադրբեջանցիներն օգտագործել են սպառազինության բոլոր տեսակները, բացի օդուժից։ Հետևաբար, այդ սպառազինությունը այսօր էլ դեռ Հայաստանի տարածքում է և կարող է գործարկվել ցանկացած պահի։

Յոթ ժամում՝ 6 սպանված, 32 գերեվարված, որոնցից 10-ին Բաքուն վերադարձրել է դեկտեմբերի 4-ին: Վարկած կա, որ գերիների իրական թիվը նվազեցված է... Նոյեմբերի 16-ի ադրբեջանական ագրեսիայի զոհերի մասին հայ հասարակությունը, ավաղ, այսօր անհամեմատ ավելի քիչ է խոսում, քան ամանորյա սեղանի խոզի բդի

«Գոլոս»-ը մեկ անգամ չէ, որ տեղեկություններ է հրապարակել ռազմական տեխնիկա տեղափոխելու համար դիրքեր տանող ճանապարհների կառուցման մասին, սակայն այդ թեմայի շուրջ ԶԼՄ-ների բոլոր հրապարակումներն ու ընդդիմության հայտարարությունները անտեսվել են։ Պաշտոնական Երևանը շարունակում է «չնկատել» երկու մարզերի տարածքների բռնազավթումը, իսկ դա նշանակում է, որ Սյունիքի հանձնման ծրագիրը իրականացման փուլում է։ Ամանորյա տոների նախաշեմին չի կարելի բացառել ևս մեկ հարձակում հայկական դիրքերի վրա։

Ռեժիմը տարանջատել է Արցախի Հանրապետության կարգավիճակի հարցը սահմանագծման ու սահմանազատման գործընթացից, Ալիևն ու Էրդողանը շարունակում են խոսել «Զանգեզուրի միջանցքի» մասին, ընդ որում Ալիևը, հիշեցնեմ, խոսում է միջանցքների մասին՝ հոգնակի թվով։ Փաշինյանի քարոզչամեքենան անբռնազբոսիկ կերպով արդեն նախանշել է հետագիծը՝ Մեղրիով, Սիսիանով ու Խնձորեսկով, մի խոսքով՝ որտեղով ստացվի։ Արդեն հայտարարվել է Հորադիզ-Աղբենդ երկաթուղու կառուցման մասին՝ «միջանցքային տրամաբանությանը» լիովին համապատասխան։ Զուգահեռաբար Ալիևը շարունակում է պնդել, թե չի պահում հայ գերիների, իսկ ովքեր էլ որ մնացել են, ռազմական հանցագործներ են։

Փաշինյանի ռեժիմը վախենում է զավթիչ անվանել զավթիչներին, իսկ Ալիևը 2020թ. նոյեմբերի 9-ից հետո շրջապատման մեջ ընկած ու գերեվարված զինվորներին անվանում է ռազմական հանցագործներ։ Ռեժիմը շարունակում է տարածքներ հանձնել, իսկ նրանք, ովքեր գտնվում են սահմանային գոտուց ինչ-որ հեռավորության վրա (այսօր այդ հեռավորությունը շատ հարաբերական հասկացություն է) շարունակում են համարել, թե բռնազավթումը հեռու է։ Նոյեմբերի 16-ի իրադարձությունները ցույց տվեցին, որ սողացող բռնազավթումը, որին մենք ականատես ենք մայիսի 12-ից ի վեր, ցանկացած պահի կարող է փոխարկվել ավելի ծավալուն առաջխաղացման (ցատկի) դեպի երկրի տարածքի խորք։ Դա, կրկնում եմ, կարող է տեղի ունենալ ցանկացած պահի...

Մի շարք քաղաքագետների կարծիքով, նոր սադրանքի սպառնալիքը կպահպանվի մինչև Փաշինյանի կողմից Ադրբեջանի տարածքային ամբողջականության ճանաչման փաստաթղթի ստորագրում, որը վերջնականապես խաչ կքաշի Արցախի Հանրապետությունից մնացած պատառիկի վրա։ Բայց նույնիսկ նման փաստաթղթի ստորագրման դեպքում Հայաստանի բռնազավթման շարունակման հավանականությունը բավական բարձր կմնա։ Փաշինյանը մեր երկիր բերեց զավթիչներին, հանձնեց Արցախի Հանրապետության 75%-ը, բացեց Սյունիքի դարպասները, Բրյուսելում հանդիպումից հետո կատարած պարտքի զգացումով կմեկնի դիմավորելու Նոր տարին, իսկ Սուրբ Ծնունդին կայցելի Եռաբլուր…

Основная тема:
Теги:

    ПОСЛЕДНИЕ ОТ АВТОРА

    • В ПОИСКАХ ИСКРЫ, или "СДАЧА ВОСКЕПАРА ОЗНАЧАЕТ СДАЧУ АРМЕНИИ"
      2024-03-27 09:54

      Шумиха вокруг несуществующего проекта новой Конституции уступила место дискуссии вокруг переноса всех вузов на территорию Академгородка. После того, как азербайджанские оккупанты своими GPS выселили жителей Шурнуха из 13 домов с хозяйственными пристройками и приусадебными участками, правительство Пашиняна обещало построить для них новые дома. Уже 4 года строят, однако ни одного не достроили!

    • ГДЕ ПИШУТ СЦЕНАРИЙ НОВОЙ ВОЙНЫ?
      2024-03-25 09:31

      В Тавуш прибывают добровольческие отряды, на днях о намерении отправиться в марз объявил командир отряда "Лчап" Левон Геворгян. Статья Конституции 205 (пункт 1) говорит о том, что "изменения территории Республики Армения решаются посредством референдума". Бывший судья КС Альвина Гюлумян по этому поводу заявила: "Сдача территорий в обход референдума антиконституционна, но проблема в том, что этот человек не считает деревни нашими". По ее словам, обращение в КС по данному вопросу в текущий момент лишено смысла, а апелляция в международные инстанции возможна только со стороны властей, увы, правящая верхушка вслед за Пашиняном считает, что 4 приграничные деревни Тавушского марза не наши. Мнение Пашиняна расходится с мнением народа, но марионетка Баку и Анкары давно перестала считаться с большинством!

    • 31 МАРТА 6 ЛЕТ СПУСТЯ…
      2024-03-22 10:07

      31 марта 2018 г. Пашинян с немногочисленной кучкой соратников вышел из Гюмри и направился в сторону Еревана. По дороге к ним на время присоединился лидер ОНС Паруйр Айрикян, который на днях в эфире телеканала "Центр" резко критиковал Пашиняна, забыв о том, как лично поддержал его первые шаги на стезе свержения законной власти. По ходу шествия к компании привязалась дворняжка, которой дали кличку Чало.

    • РАНЬШЕ МНОГОВЕКТОРНАЯ ВНЕШНЯЯ ПОЛИТИКА РА ИСХОДИЛА ИЗ ПРИНЦИПА ВЗАИМОДОПОЛНЯЕМОСТИ
      2024-03-21 09:23

      Кроме конфронтации с РФ, ничего "беспрецедентного" в отношениях Армении с ЕС и НАТО нет! "Уникальное", "историческое" предложение ЕС, "открытые двери Евросоюза" и прочие "беспрецедентные" (любимое слово Пашиняна) явления текущей политики способны произвести впечатление только на самые неискушенные слои армянского общества. На самом деле, нет ничего "беспрецедентного" в том, что западная коалиция использует нашу страну в качестве орудия против РФ. Прецедент известен на примере Грузии и Украины. Разговоры о том, что РА может подать заявку на статус кандидата в члены ЕС, повторяют те, что были в 2017 г. при Серже Саргсяне. Разница в том, что тогда интеграция протекала не на фоне военного противостояния на Украине, а главное – по принципу многовекторной внешней политики взаимодополняемости.






    ПОСЛЕДНЕЕ ПО ТЕМЕ

    • «ՈՂՋ ԱՇԽԱՐՀԻ ՀԱՅԵՐԸ ԴԱՐՁԵԼ ԵՆ ԽԵԼԱԳԱՐԻ ԲՌՆԱՊԵՏՈՒԹՅԱՆ ՊԱՏԱՆԴԸ»
      2022-05-02 19:27

      Սերժ Սարգսյանի հրաժարականը վերջի՞նն էր Երևանը վերածվել է ոստիկանական մեծ բաժանմունքի. յուրաքանչյուր 100 մետրը մեկ անցորդները բախվում են ոստիկանների և քաղաքացիներին բաժանմունքներ տեղափոխելու համար նախատեսված միկրոավտոբուսների կուտակումների։ Այդ ավտոբուսներում մարդկանց ենթարկում են ծեծի ու նվաստացումների։ 2011թ.-ին Հայաստանի խորհրդարանն ընդունել է աշխարհի ամենաառաջադեմ (եվրոպացի փորձագետների գնահատմամբ) օրենքներից մեկը՝ հավաքների, հանրահավաքների և երթերի քաղաքացիների իրավունքի մասին: Օրենքում ամրագրված է նույնիսկ չարտոնված ակցիաներին ոստիկանության միջամտության արգելքը, եթե դրանք խաղաղ բնույթ են կրում։

    • ՆՄԱՆ ԵԼՈՒՅԹՆԵՐԻՑ ՀԵՏՈ ՀՐԱԺԱՐԱԿԱ՛Ն ԵՆ ՏԱԼԻՍ
      2022-04-15 08:16

      Ադրբեջանը փորձում է արագացնել իրադարձությունները Երբ գործընթացը, որի արդյունքում նախատեսվում է խաղաղության համաձայնագիր ստորագրել, մեկնարկում է Արցախի կարգավիճակի հստակեցման շրջանցումով, ապա եզրահանգումը կարող է լինել միայն մեկը. իշխող ռեժիմի պարագլուխը կրկին որոշել է «ամեն ինչ սկսել սեփական կետից»։ Նման եզրակացության է հանգեցնում նաև խոշոր գործարար Գուրգեն Արսենյանի խորհրդարանի ամբիոնից Փաշինյանին ուղղած կոչը՝ «սթափեցնել Ղարաբաղի ղեկավարությանը»։ Գործարար պատգամավորը շա՜տ է շտապում բիզնես սկսել թուրքերի հետ…

    • ՁԱԽՈՂՎԱԾ ԲՐՅՈՒՍԵԼ
      2022-04-08 08:59

      Ինչ վերաբերում է Բրյուսելում Ալիևի, Փաշինյանի և Շառլ Միշելի բանակցությունների արդյունքներին։ Հայկական կողմի համար ամենադրականն այն է, որ համատեղ ճեպազրույց չեղավ։ Այդպիսի ճեպազրույցների ժամանակ Փաշինյանն Ալիևի կողքին ողորմելի է դիտվում։ Համատեղ ասուլիսի բացակայությունը բոնուս է Փաշինյանի համար, որը դժվար թե ասելիք ունենար՝ ի պատասխան հայ հասարակայնությանը հուզող հարցերին։

    • ԲՐՅՈՒՍԵԼԸ ԿԴԱՌՆԱ՞ ԴՈՒՇԱՆԲԵ-2. ԱԼԻԵՎՆ ՈՒ ՓԱՇԻՆՅԱՆԸ ՄՈՍԿՎԱՅԻ ԹԻԿՈՒՆՔՈՒՄ ԿՀԱՄԱՁԱՅՆԵՑՆԵՆ ՊԱՅՄԱՆԱՎՈՐՎԱԾ ՆՈՐ ՊԱՏԵՐԱԶՄԻ ՄԱՆՐԱՄԱՍՆԵՐԸ
      2022-04-05 19:27

      Կապիտուլյանտը վախեցնում է պատերազմով՝ հող նախապատրաստելով նոր դավաճանության համար։ Արցախի Հանրապետության Պաշտպանության բանակը պաշտպանեց Քարագլխի ռազմավարական գագաթի մի մասը, չնայած թուրքական «բայրաքթարերից» ռմբակոծմանը և հակառակ Փաշինյանի ռեժիմի գաղտնի հրահանգներին։ Այս մասին վերջին օրերին բացահայտ հայտարարում են ռազմական փորձագետները։ Մասնավորապես, Դավիթ Ջամալյանը նշել է, որ Արցախի ղեկավարության կախվածությունը կապիտուլյանտի ռեժիմի ազդեցությունից էականորեն նվազել է։ Փորձագետը բարձր է գնահատել Պաշտպանության բանակի ջանքերը՝ Քարագլուխից ադրբեջանցիների մասնակի հետմղման ուղղությամբ: