2021-12-27 11:19
Информагентства
Ռուս խաղաղապահները ապահովել են մոտ հազար մեքենայի մուտքը Լեռնային Ղարաբաղ
Ռուսական խաղաղապահ զորակազմի զինծառայողները ամանորյա և սուրբծննդյան տոների նախօրեին մեկ օրում ապահովել են մոտ հազար մեքենայի անվտանգ մուտքը և ելքը Լեռնային Ղարաբաղ Լաչինի միջանցքի դիտորդական կետերի միջոցով։ Այս մասին տեղեկացնում է ՌԴ պաշտպանության նախարարության մամուլի ծառայությունը։
Ռուսական խաղաղապահ զորակազմի զինծառայողը պատմել է իր ծառայությունն սկսելու և խաղաղապահ ուժերի առաջադրանքները կատարելու մասին Լեռնային Ղարաբաղի դիտորդական կետում։
«Ես ռուսական խաղաղապահ զորակազմի ներկայացուցիչ Դանիիլ Ռոմանովն եմ։ Ծնվել եմ Սմոլենսկի մարզում, Կոզիմիրովո գյուղում, սովորական բանվորական ընտանիքում։ Ռուսաստանի Դաշնության Զինված ուժերում եմ 2019 թվականից։
Սովորել եմ Կոզիմիրովի միջնակարգ հանակրթական դպրոցում։ Ավարտելուց հետո ընդունվել եմ Սմոլենսկի շինարարական քոլեջ։ Այստեղ ակտիվ զբաղվել եմ սպորտով, ինչը հետագայում օգնեց ինձ ընդունվել Ռուսաստանի Դաշնության Զինված ուժեր։
Ռուս խաղաղապահները ապահովում են տարանցիկ ավտոտրանսպորտի անվտանգ երթևեկը հսկիչ անցակետերով։ Հնարավոր սադրանքների նկատառումներով զննման են ենթարկվում բոլոր փոխադրամիջոցները, անհրաժեշտության դեպքում դրանք ստուգվում են։ Նոր տարվա նախաշեմին զգալիորեն ուժեղանում է տրանսպորտային հոսքը, ինչը մեզանից պահանջում է հատուկ ուշադրություն և զգոնություն հրադադարի ռեժիմի հսկման համար։
2019 թվականից զինվորական ծառայություն եմ իրականացնում Ռուսաստանի Դաշնության Զինված ուժերում։ Ընտրությանս համար չեմ ափսոսում։ Ընտանիքս հպարտանում է ինձանով և սատարում է ինձ ու միշտ սպասում տանը»,- ասել է ռուսական խաղաղապահ զորակազմի ներկայացուցիչ Դանիիլ Ռոմանովը։
Ռուս խաղաղապահներն ապահովում են իրադրության շուրջօրյա մոնիթորինգ և հրադադարի ռեժիմի պահպանման հսկում։ Ռուսաստանի խաղաղապահ ուժերի քսանյոթ դիտակետեր են տեղակայված Լաչինի միջանցքում և Լեռնային Ղարաբաղի սահմանազատման գոտու ողջ երկայնքով։
Դիտակետերում ծառայությունն իրականացնելու համար ռուս խաղաղապահները հանդերձավորված են «Ռատնիկ»-ով։ Դիտակետերն ունեն արդիական լուսադիոդային լուսարձակներ՝ անխափան էլեկտրամատակարարման աղբյուրներով և փողոցային գմբեթաձև տեսահսկիչներով։
Ռուսաստանի Դաշնության, Ադրբեջանի Հանրապետության նախագահների և Հայաստանի Հանրապետության վարչապետի համատեղ հայտարարության մեջ նշված պայմանավորվածությունների համապատասխան՝ 2020թ. նոյեմբերի 10-ի 00 ժամ 00 րոպեից (Մոսկվայի ժամանակով) հայտարարվել է լիակատար հրադադար և բոլոր ռազմական գործողությունների դադարեցում Լեռնային Ղարաբաղում։
Ռուսական խաղաղապահ զորակազմի պատասխանատվության գոտում հնարավոր միջադեպերի կանխմանն ուղղված ջանքերի համակարգման համար մշտական փոխգործակցություն է հաստատված Ադրբեջանի և Հայաստանի զինված ուժերի գլխավոր շտաբների հետ, տեղեկացնում է News.am-ը։
ПОСЛЕДНИЕ ОТ АВТОРА
-
New2025-06-11 18:17Окончательной четкости вокруг сроков процедуры выражения вотума недоверия премьер-министру Армении нет. Об этом заявил в беседе с журналистами после продлившейся около часа встречи с руководителем парламентской фракции «Честь имею» Айком Мамиджаняном 11 июня депутат от блока «Армения», представитель Верховного органа АРФ Дашнакцутюн Ишхан Сагателян.
-
New2025-06-11 18:11Расходы Министерства здравоохранения Армении в 2024 году составили 153,8 млрд драмов. Об этом на совместном заседании постоянных парламентских комиссий во время обсуждения отчета «Об исполнении Государственного бюджета Республики Армения в 2024 году» заявил 11 июня министр финансов республики Ваге Ованнисян.
-
New2025-06-11 18:09Нужно сдерживать попытки установления чьей-либо гегемонии на Южном Кавказе, заявил старший научный сотрудник иранского Института политических и международных исследований Сейед Мохаммад Казим Саджадпур на форуме APRI Armenia.
-
New2025-06-11 18:06Москва осведомлена об обеспокоенности Баку по поводу деятельности миссии ЕС в Армении. Об этом в ходе очередного брифинга заявила официальный представитель МИД РФ Мария Захарова.