2021-12-27 13:15
Информагентства
Հայտարարվել է ռազմական գործողությունների մասնակիցների համար նոր ծրագրի մասին
Հայաստանի աշխատանքի և սոցիալական հարցերի նախարարությունը նախատեսում է ծրագիր մշակել, որը թույլ կտա մարտական գործողությունների մասնակիցներին, ինչպես նաև հաշմանդամություն ունեցող զինվորականներին վերապատրաստման դասընթացներ անցնել կամ բարելավել իրենց առկա որակավորումը: Այս մասին դեկտեմբերի 27-ին լրագրողների հետ հանդիպման ժամանակ ասաց աշխատանքի և սոցիալական հարցերի նախարար Նարեկ Մկրտչյանը՝ ամփոփելով իր ղեկավարած գերատեսչության այս տարվա գործունեությունը։
Նրա խոսքով` հանրապետությունում գործում է սոցիալական աջակցության շուրջ 49 կենտրոն, որոնք տեղեկատվություն են հավաքում և լուծում մարտական գործողությունների մասնակիցների խնդիրները։
«Տվյալները մշակվելու են թիրախային խմբերի ձևավորման նպատակով։ Մի շարք խոշոր ընկերությունների հետ արդեն իսկ համագործակցության հուշագրեր են ստորագրվել։ Դրանք աջակցություն կցուցաբերեն վերոնշյալ ծրագրի մասնակիցների մասնագիտական զարգացման, պրակտիկայի, ինչպես նաև աշխատանքի տեղավորման հարցում։ Այս գաղափարն առաջացել է 44-օրյա պատերազմից հետո։ Այդ ժամանակ շատ երեխաներ հաշմանդամություն ստացան, և նրանց աշխատանքի տեղավորման անհրաժեշտություն առաջացավ»,- ասաց նախարարը։
Նա նաև հավելեց, որ մասնավոր հատվածի և պետական տարբեր գերատեսչությունների հետ համագործակցության շնորհիվ կրթական ծրագրերի, ինչպես նաև զբաղվածության ծրագրերի շահառու է դարձել մարտական գործողությունների 460 մասնակից, տեղեկացնում է News.am-ը:
ПОСЛЕДНИЕ ОТ АВТОРА
-
2025-06-12 19:45Иранские СМИ опубликовали первую серию документов, полученных от израильского режима.
-
2025-06-12 19:44Полиция Индии пока обнаружила двух выживших при крушении самолета, передает агентство ANI со ссылкой на комиссара полиции Ахмедабада Гьянендру Сингха Малика.
-
2025-06-12 19:37Армянский народ остановил даже русского царя, остановит и предателя Никола Пашиняна, написал в соцсети первый президент Армении Левон Тер-Петросян, комментируя ситуацию вокруг ААЦ.
-
2025-06-12 19:35Сегодняшнее внеочередное заседание Совета старейшин Вагаршапата не состоялось. Члены фракции правящей партии «Гражданский договор» бойкотировали заседание, на которое они не пришли.