«ՏԱՐՕՐԻՆԱԿ Է, ՈՐ ՏՈԿԱևՆ ԱՅԼևՍ ՀԱՊԿ-Ի ՕԳՆՈՒԹՅԱՆ ԿԱՐԻՔԸ ՉՈՒՆԻ». Դավիթ ՇԱՀՆԱԶԱՐՅԱՆ
Ղազախստանի իշխանության` ՀԱՊԿ խաղաղապահ ուժերի դուրսբերումը սկսելու որոշումը շատ տարօրինակ ու զարմանալի է թվում։ Sputnik Արմենիա մուլտիմեդիոն կենտրոնում կայացած ասուլիսի ժամանակ նման կարծիք հայտնեց Ազգային անվտանգության պետական վարչության նախկին ղեկավար, ընդդիմադիր քաղաքական գործիչ Դավիթ Շահնազարյանը։
Նրա կարծիքով՝ Ղազախստանը, որը մինչև վերջերս թվում էր կայուն զարգացող, տնտեսապես հաջողակ, բազմավեկտոր ու արդյունավետ արտաքին քաղաքականություն վարող, հաշված օրերի ընթացքում հայտնվեց պետականության փլուզման եզրին: Եվ խաղաղապահներ մտցնելու որոշումը փաստացի ուղղված էր երկրի հետագա փլուզման կանխարգելմանը։
«Եվ հիմա հանկարծ հայտարարվում է հունվարի 13-ից խաղաղապահների դուրսբերումը սկսելու մասին։ Ի՞նչ է, Տոկաևն արդեն ամբողջությամբ տիրապետո՞ւմ է իրավիճակին։ Արդեն վերահսկո՞ւմ է իրավիճակը։ Նախկինում խոսում էր 20 հազար ահաբեկիչների հարձակման մասին։ Արդեն ի վիճակի՞ է ինքնուրույն ապահովել երկրի կայունությունը։ Դեռ հունվարի 5-ին նա չէր տիրապետում իրավիճակին՝ ունենալով ավելի քան 70-հազարանոց բանակ, ազգային գվարդիա և այլ ուժային կառույցներ»,- ասաց Շահնազարյանը։
Նա նշեց, որ իրավապահները ձերբակալել են անկարգությունների շուրջ 10 հազար մասնակցի: Այսինքն` եթե ելնենք Տոկաևի նշած թվից (20 հազար ահաբեկիչ), ապա նրանց կեսը ազատության մեջ է, իսկ եթե ավելացնենք նաև ձերբակալվածների հարազատներին, ապա կարելի է խոսել առնվազն 70-80 հազար ագրեսիվ տրամադրված զանգվածի մասին։ Քաղաքագետը նշեց, որ սա արդեն առիթ է, որ լրջորեն մտածեն անկարգությունների կրկնության մասին:
Sputnik Արմենիա
ПОСЛЕДНИЕ ОТ АВТОРА
-
New2022-05-25 10:137Северная Корея осуществила испытательный пуск в море предполагаемой межконтинентальной баллистической ракеты и двух единиц оружия меньшей дальности, спустя несколько часов после того, как президент Джо Байден завершил поездку в Азию, утверждает Сеул, передает AP.
-
New2022-05-25 10:0713На Земле существуют около 500 видов утраченных животных, не объявленных вымершими. Статья об этом опубликована в Animal Conservation.
-
New2022-05-25 09:3066Госсекретарь Энтони Блинкен в беседе с премьер-министром Армении Николом Пашиняном подчеркнул важность нормализации отношений между Арменией и Турцией для обеспечения мира, стабильности и процветания во всем регионе.
-
New2022-05-25 09:2687Оппозиционное движение “Сопротивление” в среду решило заблокировать здание президентской резиденции на пр. Баграмяна в Ереване.
