Последние новости

ԱՆԿԱՐԱՅԻ ԵՎ ԵՐԵՎԱՆԻ ՄԵՍԻՋՆԵՐԸ ՀՈՒՆՎԱՐԻ 14-Ի ՆԱԽԱՇԵՄԻՆ

ՀԱՊԿ առաջնորդների հեռակոնֆերանսի ժամանակ Նիկոլ Փաշինյանը խիզախեց և ասաց, որ ոչ վաղ անցյալում Հայաստանը նույնպես բախվել է օտարերկրյա ահաբեկիչների ներթափանցման խնդրին: Ալիևն արձագանքեց շատ արագ. Արցախում վերսկսվեցին խաղաղ բնակիչների գնդակոծությունները, Բաքվում սկսվեց դատավարությունը «հայ ահաբեկիչների» դեմ, որոնք 2021-ի մայիսին իբր փորձել են պայթեցնել Բաքու-Ջեյհան գազատարը։ Դե, նույն այն գազատարը, որը պատերազմի ժամանակ այնքա՜ն ջանադրաբար պաշտպանում էին հայկական հրթիռների հարվածներից նախագահ Արմեն Սարգսյանն ու նախկին պատգամավոր Արման Բաբաջանյանը։

ԱԼԻևԻ ՄԵՍԻՋՆԵՐԸ ՆԻԿՈԼԻՆ ՊԱՐԶ ԵՆ. ասել է թե՝ խոսելը խոսիր, բայց չափդ ճանաչիր... Այստեղ ցուցանշական է թերևս միայն այն փաստը, որ ղազախական իրադարձությունների խորապատկերին Ալիևը անհամեմատ ավելի քչախոս է դարձել։ Թե ինչու՝ առայժմ դժվար է ասել։ Կա՛մ ինչ-որ բանից վախենում է, կա՛մ դարան է մտել։ Բայց մեսիջներն ուղարկեց, և Փաշինյանը, կարծում եմ, որսաց դրանք, ինչպես բոլոր այն ազդանշանները, որոնք Ալիևը ուղղակիորեն կամ անուղղակիորեն հղել է իրեն նախկինում։

Եթե ՀԱՊԿ առաջնորդների հետ բարեկամական հարաբերություններով կաշկանդված Իլհամ Ալիևը նախընտրում է լռել, որպեսզի հեղափոխական պատուհաս չբերի իր երկրի գլխին, ապա Անկարան շարունակում է ակտիվություն դրսևորել։ Եվ նույնպես հստակ ուղերձ է հղել Փաշինյանին, հաղորդելով Թուրքիայի պաշտպանության նախարար Հուլուսի Աքարի և թուրքական կողմից Երևանի հետ բանակցող նշանակված Սերդար Քըլըչի հանդիպման մասին։ Դա, ընդհանուր առմամբ, զվարճալի հաղորդագրություն է։ Աքարը և Քըլըչը կառավարական նույն թիմի անդամներ են և միմյանց հետ կարող են հանդիպել օրական թեկուզ տասն անգամ։ Բայց ահավասիկ որոշեցին պաշտոնական հաղորդագրություն տալ։ Դա նույնն է, թե Երևանը հաղորդի, որ ՀՀ առողջապահության նախարարը հանդիպել է, ասենք, Բուլղարիայում Հայաստանի դեսպանի հետ։

Այնպես որ Քըլըչի հետ Աքարի հանդիպման մասին հաղորդագրությունը Փաշինյանին ուղղված և ընդ որում հստակ մեսիջ է առ այն, որ Երևանը չպետք է մեղմ վերաբերմունք ակնկալի, քնքուշ խոսքերի հետևում լինելու են կոշտ ձևակերպումներ, Քըլըչի շուրթերով խոսելու է Աքարը։

Իսկ ինչպիսի՞ք են պաշտոնական Երևանի մեսիջները։ Ըստ էության, դրանցից գլխավորը հատուկ ներկայացուցչի դերում Ռուբեն Ռուբինյանի նշանակումն է, որը, շփոթելով կոճակները, ԵԽԽՎ-ում քվեարկում է հակառուսական բանաձևի օգտին, որոշ ժամանակ ապրել է Թուրքիայում, «հետազոտություններ» կատարելով թուրքական կազմակերպությունների դրամաշնորհների հաշվին, և որի վերաբերյալ, անկասկած, դոսյե կա այդ երկրի հատուկ ծառայություններում։ Հավանաբար, Փաշինյանի համար դժվար կլիներ ընտրել Անկարային ավելի ձեռնտու բանակցող։ Այնպես որ Հայաստանի վարչապետի մեսիջը միանգամայն պարզ է. պատրաստ եմ հանձնել ամեն ինչ, միայն թե հանգիստ թողեք։

Կարծում ենք, Անկարայի հետ բանակցություններում Փաշինյանի հույսն ամենևին էլ Ռուբինյանը չէ, այլ... Այո, կրկին Մոսկվան։ Նիկոլն արդեն Ռուսաստանի ուսերին է բարդել ռազմագերիների, Արցախի անվտանգության, Հայաստանի անվտանգության հարցերը... Իսկ հիմա դեմ չէ դրանց հավելել նաև հայ-թուրքական հարաբերությունների կարգավորման հարցը։

Ամենայն հավանականությամբ՝ այդպես էլ կլինի, եթե հաշվի առնենք, որ խոսքը ոչ թե պարզապես Հայաստանի հետ Թուրքիայի բանակցությունների, այլ ՀԱՊԿ անդամ Հայաստանի հետ ՆԱՏՕ-ի անդամ Թուրքիայի բանակցությունների մասին է։ Նույն այն ՆԱՏՕ-ի, որի առաջնորդը Վաշինգտոնն է, և որին Մոսկվան վերջնագիր է ներկայացրել դեպի Արևելք կազմակերպության ծավալումը դադարեցնելու մասին։ Նույն այն ՀԱՊԿ-ի, որի առաջատարը Ռուսաստանն է, որի կողի տակ հանկարծ բռնկվեց Ղազախստանը՝ ամերիկացիների հետ Ժնևում բանակցությունների մեկնարկի նախաշեմին։

Մեծ, շա՜տ մեծ խաղ՝ շա՜տ մեծ խաղադրույքներով։ Եվ այդ խորապատկերին որքան խղճուկ, եթե չասենք ՝ պակասավոր ու անպաշտպան է մեր կառավարությունը։ Հունվարի 14-ին Քըլըչի հետ բանակցությունների նաշօրեին Ռուբինյանին կարելի է մաղթել միայն մեկ բան. աշխատիր գոնե չափից ավելի արագ չհանձնել ամեն ինչ։

ПОСЛЕДНИЕ ОТ АВТОРА

  • МАНКУРТ: "ПОРАЖЕНИЕМ В ВОЙНЕ ПОЛУЧИЛИ ВОЗМОЖНОСТЬ СТРОИТЬ НЕЗАВИСИМОЕ ГОСУДАРСТВО"
    2025-02-05 09:26

    Добрый дядя Пашинян на встрече с представителями армянской общины США в Вашингтоне поднял еще одну "планку": заявил, что поражение в 44-дневной войне позволило Армении получить возможность построить независимое суверенное государство. Ну точь-в-точь по Оруэлу, как тут не вспомнить… 

  • ЛАВОЧКА ЗАКРЫВАЕТСЯ
    2025-02-04 09:57

    Трамп с Маском перекрыли кислород USAID. Илон Маск заявил, что "USAID - преступная организация, ей пора умереть". Он добавил, что управлялась организация "кучкой радикальных безумцев", и представители Департамента эффективности управления (DOGE), которое возглавляет Маск, взяли под контроль офисы агентства, включая доступ к его ключевым системам.

  • ОБОЛГАТЬ И ИЗВРАТИТЬ, ЧТОБЫ СОХРАНИТЬ ВЛАСТЬ
    2025-02-03 10:08

    Пытаясь сгладить впечатление от заявлений премьера в Швейцарии по Геноциду, сегодня Пашинян и обслуживающая его команда на всех перекрестках заверяют, что у них и в мыслях нет подвергать сомнению факт Геноцида. Дескать, премьер в Швейцарии только и имел в виду, что в 30-х годах в СССР тема Геноцида не поднималась, потому как это было невыгодно, а в 1950-х стала раскручиваться, потому как это стало выгодно Советской власти…

  • ДОКЛАДОМ БИТЬ ПО ОППОЗИЦИИ
    2025-01-30 11:12

    Заявление Никола Пашиняна о том, что внеочередных парламентских выборов не будет - свидетельство понимания властями, что, если пойдут на выборы в текущих условиях, их ожидает провал. Как свидетельствуют последние соцопросы различных структур, рейтинг доверия Пашиняну немного более 10%. Другое дело, что доверяться Пашиняну – дело наивное: «честный» премьер доказывал это не раз, и, если общая ситуация, в том числе и внешняя, изменятся так, что у правящей команды появится шанс переизбраться, Пашинян быстренько передумает.

ПОСЛЕДНЕЕ ПО ТЕМЕ