2022-01-12 18:13
Рубен МАРГАРЯН
ՆՈՐ ՍԱԴՐԱՆՔ՝ ՀԻՆ ՁԵՎԱՆՆԵՐՈՎ
Երեկ հայկական կողմը նոր կորուստներ է կրել սահմանի վրա. սպանվել է երեք զինծառայող, ևս երկուսը վիրավորվել են: Ադրբեջանական ավանդական շանտաժի քաղաքականությունն է՝ կարևոր հանդիպումներից առաջ։ Նախկինում նման սադրանքներ եղել են ամեն անգամ, երբ նախատեսվել է բանակցությունների հերթական փուլը Մինսկի խմբի համանախագահների ձևաչափով։ Հիմա դա տեղի ունեցավ Մոսկվայում հայ-թուրքական բանակցությունների նախաշեմին։
ԱՅՍՈՒՀԵՏ ՆՄԱՆ ՍԱԴՐԱՆՔՆԵՐ՝ ԻՆՉՊԵՍ ԱՐՑԱԽՈՒՄ, այնպես էլ Հայաստանում, կկազմակերպվեն արդեն ոչ միայն հայ-ադրբեջանական բանակցություններից, այլև հայ-թուրքական բանակցություններից առաջ։ Ավելորդ հաստատումն այն փաստի, որ Արցախի մեծ մասի հանձնումով Հայաստանի խնդիրներն անվտանգության ոլորտում լոկ բազմապատկվել են։
Իրոք որ. ինչպե՞ս կարող է Ալիևը չաջակցել Անկարային, եթե վերջինս մտադիր է Մոսկվայում թուրք-ադրբեջանական միջանցք կորզել Հայաստանի տարածքով։ Դրա համար էլ գործի են դրվել ոչ միայն հրետանին, այլև «Բայրաքթարները»։ Դիտորդները հավաստում են, որ սա տվյալ ԱՕԹՍ-ների առաջին մարտական կիրառումն է 2020 թվականի աշնան մարտական գործողությունների ակտիվ փուլի ավարտից հետո:
Բայց մեր գլխավոր խնդիրն ամենևին էլ «Բայրաքթարները» չեն։ Խնդիրն այլ է. ինչպե՞ս Փաշինյանի ուղեղին հասցնել, որ իր գլխավոր խնդիրը ոչ թե պոլիէթիլենային տոպրակներն են, այլ Հայաստանի, նրա քաղաքացիների անվտանգության ապահովումը։ Թե ինչպես է լուծելու այդ հարցը՝ դա իր խնդիրն է, հենց դրա համար էլ իշխանություն է։ Եվ եթե ոչ մի կերպ չի կարողանում հաղթահարել այդ խնդիրը, ապա թող հեռանա գրողի ծոցը՝ իր ուսապարկային ողջ թիմով հանդերձ։ Քանզի պարզ է, որ ձգձգել՝ կնշանակի լոկ խորացնել խնդիրները, ավելացնել կորուստները, է՛լ ավելի ծանրացնել իր ու իր թիմի մեղքը։ Հուսալ, թե ժամանակի ընթացքում ամեն ինչ կմոռացվի, անմտություն է. սա այն դեպքը չէ։
«Բայրաքթարների» հարվածները հայկական սահմանային դիրքերին, 18-ամյա երեք զինծառայողների սպանությունը ոչ միայն հերթական շանտաժն է մոսկովյան բանակցությունների նախօրեին։ Դա նաև թուրք-ադրբեջանական ուղերձն է Փաշինյանին, որպեսզի ղազախստանյան իրադարձություններից հետո օգնություն չակնկալի ՀԱՊԿ-ից։ Ասել է թե՝ քեզ, Փաշինյան, կազմակերպությունը չի օգնի։
Կարևոր հարց. գոնե հիմա պաշտոնապես կդիմի՞ արդյոք Նիկոլը ՀԱՊԿ-ին, մանավանդ որ նա այնտեղ, հասկանում ես, նախագահում է և վերջերս աշխարհով մեկ գլուխ էր գովում, թե ինչ օպերատիվ է որոշումներ կայացնում Ղազախստանի վերաբերյալ։ Չէ՞ որ Հավաքական անվտանգության պայմանագրի 4-րդ հոդվածն ասում է, որ «Եթե ՀԱՊԿ անդամ պետություններից մեկը ենթարկվի ագրեսիայի (զինված հարձակում, որը սպառնում է անվտանգությանը, կայունությանը, տարածքային ամբողջականությանը և ինքնիշխանությանը), ապա դա ՀԱՊԿ բոլոր անդամ պետությունների կողմից կդիտարկվի որպես ագրեսիա Պայմանագրի բոլոր անդամ-պետությունների դեմ»։ Իսկ նույն հոդվածի 2-րդ կետն այն մասին է, որ անդամ պետությունից դիմում ստանալու դեպքում կազմակերպությունն օգնություն է տրամադրում անհապաղ, այդ թվում՝ ռազմական։
Իսկ եթե ՀԱՊԿ-ում նախագահող Հայաստանի անունից Փաշինյանը կրկին պաշտոնական դիմում չներկայացնի, ապա գուցե գոնե խնդրի վերադարձնե՞լ Ղազախստան ուղարկված իր զորակազմին, որի պրոֆեսիոնալիզմի կարիքն անչափ ունեն սահմանը «Բայրաքթարերից» պաշտպանող ժամկետային զինվորները։ Կամ գուցե նոր նախարար Պապիկյանի համարձակությունը բավականացնի՞ ժամանակակից սպառազինություն գնել, որը կարող է դիմակայել Իսրայելի և Թուրքիայի անօդաչու թռչող սարքերին։
Ավաղ, ամենահավանական սցենարն այլ է. Փաշինյանի թիմը, իսկ առավել հավանական է՝ ինքն անձամբ, շուտով կկազմակերպեն հերթական ներքաղաքական մի ինչ-որ սկանդալ, հերթական շոու, որպեսզի սահմանի վրա երեք զինծառայողների սպանությունը շատ արագ երկրորդ պլան մղվի լուրերի ամփոփագրերում և քաղաքական գործիչների ու փորձագետների մեկնաբանություններում:
Ողջ այս կանխատեսելի և ողբերգական պատմությունը շարունակվելու է այնքան ժամանակ, քանի դեռ Երևանի կողմից կոշտ հակահարված չի հաջորդել։ Նման բան, միանշանակ, հնարավոր է։ Բայց մի պայմանով, որ իշխանության ղեկին լինեն ոչ թե վախկոտներ, որոնց հետաքրքրում է միայն սեփական իշխանությունը և այդ իշխանությամբ տրամադրվող արտոնությունների պահպանումը, այլ մարդիկ, որոնց համար պետության և ժողովրդի անվտանգությունը գլխավոր խնդիրն է։
ПОСЛЕДНИЕ ОТ АВТОРА
-
2025-04-03 13:26По выборам в Гюмри. Понятна радость победы над «Гражданским договором». Вдвойне понятна радость команды Вардана Гукасяна и всех, кто его поддерживал: их лидер набрал больше всех голосов из числа оппозиционных кандидатов и потому рассчитывает, что остальные кандидаты его поддержат и он станет градоначальником. Все правильно. Но, представляется, не совсем правильно в эйфории от общей, именно общей, победы оппозиции над «Гражданским договором», требовать от занявшего по итогу третье место кандидата от оппозиции Мартуна Григоряна, чтобы он сейчас, немедленно, принес заверения в своей готовности отдать голоса своей команды Вардану Гукасяну и, тем более, сделал это заявление в той форме, в какой от него это требуют…
-
2025-04-03 09:17Наш парламент недавно принял во втором чтении законопроект «О начале процесса членства Армении в Европейском Союзе». Хотя все понимают, что в ЕС к этому стремлению относятся постольку-поскольку и что в обозримом будущем такой перспективы просто нет. Но Никол Воваевич и команда аргументировали, что, дескать, лучше поддержать инициативу в парламенте, иначе общественные организации инициируют референдум и наберут 300 тысяч голосов… Гюмри показал, что этот довод не более чем очередная манипуляция правящей команды.
-
2025-04-01 09:53Выборы в Гюмри и Паракаре дают старт последнему этапу отстранения от власти в Армении «Гражданского договора». Главное, что показали эти выборы: кардинальная смена общественных настроений.
-
2025-03-31 09:20Все-таки Всемирная паутина – полезная вещь: напоминает, что политики говорили и делали раньше. И вот паутина напомнила, как перед камерами Никол Пашинян отвечает на вопрос о том, что является самым большим достижением Армении за 30 лет, а сделана запись 20 февраля 2018 года… Что отвечает Никол? Он говорит, что самым большим достижением была победа в карабахской войне…
ПОСЛЕДНЕЕ ПО ТЕМЕ
-
2022-01-14 18:53Ադրբեջանական հեռուստաալիքներին Իլհամ Ալիևի տված վերջին հարցազրույցն այլ կերպ, քան պարծենկոտության ու ինքնագովության նմուշ, չես անվանի: Ծաղրալից ու վիրավորական արտահայտություններն առավել քան լիառատ էին, բաժին հասավ բոլորին. Հայաստանին, ռուս խաղաղապահներին, ԵԱՀԿ Մինսկի խմբի համանախագահներին…
-
2020-07-13 17:07Այսօր բոլոր մտքերը հայ-ադրբեջանական սահմանի Տավուշի հատվածում տիրող իրավիճակի մասին են, որտեղ հակառակորդի սադրանքներին դիմակայում է երրորդ բանակային կորպուսը՝ գեներալ-մայոր Գրիգորի Խաչատուրովի հրամանատարությամբ: