2022-01-13 19:49
Информагентства
ՌԴ ԱԳՆ-ն թուրք պաշտոնյաներին կոչ է արել զերծ մնալ Ղազախստանի վերաբերյալ չմտածված դատողություններից
Ռուսաստանն ակնկալում է, որ Թուրքիան զերծ կմնա Ղազախստանի վերաբերյալ չմտածված հայտարարություններից։ Այս մասին հայտարարել է ՌԴ ԱԳՆ պաշտոնական ներկայացուցիչ Մարիա Զախարովան՝ մեկնաբանելով Թուրքիայի նախագահի խորհրդականի հայտարարությունը։
«Այն կազմակերպությունները, ուժերը, գործիչները, կառույցները, որոնք օգտագործում են նման արտահայտություններ, և միևնույն ժամանակ Ղազախստանի քաղաքացիներ չեն, չեն հարգում այս երկրի ինքնիշխանությունը։ Նրանք պարզապես կտրված են իրականությունից, միջազգային իրավական դաշտի ըմբռնումից։ Ես տեսա թուրքական իշխանությունների ներկայացուցչի հայտարարությունը, և հասկանում եմ, որ Ղազախստանի որոշակի օկուպացիայի մեջ մեր հասցեին ուղղակի մեղադրանքներ չեն եղել։ Այնուամենայնիվ, այս պաշտոնյան Ղազախստանը բնութագրում է որպես երկիր, որը սկզբում «ազատվել է խորհրդային ճնշումներից», իսկ այժմ որոշ ուժեր, իբր, սպառնում են նրան դնել «անիմաստ լծի տակ»: Թուրք պաշտոնատար անձի կողմից Ղազախստանի ինչպես խորհրդային, այնպես էլ ժամանակակից պատմության նման մեկնաբանությունը, մեղմ ասած, տարակուսանք է առաջացնում։ Մենք կարծում ենք, որ նման հայտարարությունները, հատկապես Ղազախստանի համար նման զգայուն շրջանում, ոչ մի կերպ չեն նպաստում մթնոլորտի բարելավմանը, այս երկրում կյանքը կայուն հուն վերադարձնելուն։ Երկրորդ, Ղազախստանի խորհրդային անցյալի անհարգալից հիշատակումը կարծես հակասում է ռուս-թուրքական բարեկամության ոգուն: Սա հարյուր տոկոսով։ Դա հարգալից չէ նաև Ղազախստանի հանդեպ, որը շատ խնամքով է վերաբերվում մեր ընդհանուր պատմական ժառանգությանը։
Դժվար պահերին, որոնցից ոչ մի պետություն ապահովագրված չէ, և որոնց միջով Թուրքիան բոլորովին վերջերս անցել է... Չէ՞ որ նրա իսկական ընկերները սատարեցին, ձեռք մեկնեցին, օգնեցին և իրավիճակը չօգտագործեցին ոչ մի այլ նպատակով, բացի բարեկամական օգնությունից... Ղազախստանի համար այս ողբերգական, դժվարին, արտառոց իրավիճակը պահանջում էր ջանքերի համադրում և, անշուշտ, չպետք է դիտարկվի որպես պղտոր ջրում ձուկ բռնելու հնարավորություն… Մենք ակնկալում ենք, որ թուրք պաշտոնատար անձինք այսուհետ զերծ կմնան նման չմտածված դատողություններ բարձրաձայնելուց»,- նշել է նա, տեղեկացնում է News.am-ը։
ПОСЛЕДНИЕ ОТ АВТОРА
-
New2025-06-03 13:37Комиссия по предотвращению коррупции не выявила признаков нарушения в действиях министра иностранных дел Армении Арарата Мирзояна во время его перепалки с журналисткой. Об этом говорится в отчете комиссии по итогам анализа публикаций в СМИ за первый квартал 2025 года.
-
New2025-06-03 13:35Россельхознадзор заявил об участившихся нарушениях при поставках растительной продукции из Армении в Россию. Об этом сообщили в ведомстве.
-
New2025-06-03 13:08Глава исполнительной власти Армении дополнил многолетние посягательства на Армянскую Апостольскую Церковь и ее служителей открытым разжиганием ненависти и вражды. Этот процесс носит систематический характер, к которому присоединились депутаты НС от фракции «Гражданский договор» и сама партия «Гражданский договор» в целом.
-
New2025-06-03 11:46Варварская бакинская администрация усиливает антиармянские настроения, угрожая безопасности Армении, считает заведующий Кафедрой иранистики факультета востоковедения ЕГУ Вардан ВОСКАНЯН.