Օհանյան․ Եթե Ղազախստանում կարողանում է ՀԱՊԿ-ը գործարկել, պարտավոր է դա անել նաև ՀՀ-ում
Բոլոր այն տարածքներում, որտեղ հակառակորդը մխրճվել է ՀՀ ինքնիշխան տարածք, հակառակորդն ինքը պետք է հետ քաշվի միակողմանի: Այսօր ԱԺ-ում լրագրողների հետ ճեպազրույցում նման դիտարկում արեց «Հայաստան» խմբակցության ղեկավար, ՀՀ պաշտպանության նախկին նախարար Սեյրան Օհանյանը՝ անդրադառնալով երկու կողմերի հայելային հետքաշման վերաբերյալ Նիկոլ Փաշինյանի առաջարկին:
«Մենք արդեն մեկ անգամ կառավարության ղեկավարի բանավոր ցուցմամբ, պատերազմական գործողությունների դադարից հետո հետ ենք քաշել մեր զորքերը Սյունիքի հատվածում: Դրանից հետո հակառակորդը եկավ, կանգնեց սահմանին, այնուհետև սադրանքներ կազմակերպեց ու նաև մխրճվեց մեր տարածք (Կապանի հատվածը՝ ճանապարհները, Սև լիճը, ռազմավարական բարձունքները՝ Իշխանասարում, Գեղարքունիքի հատվածում, Ջերմուկի հատվածում): Հիմա ի՞նչ է նշանակում հայելային հետ քաշվել, որտե՞ղ, ամբողջ սահմանո՞վ, թե՞ այն հատվածներում, որտեղ հակառակորդը մխրճվել է: Եթե այն հատվածներում, որտեղ հակառակորդը մխրճվել է մեր տարածք, ապա հակառակորդն ինքը պետք է միակողմանի հետ քաշվի»,- ասաց Օհանյանը:
Սեյրան Օհանյանը նաև հիշեցրեց ԱԳ նախարարի վերջին հայտարարությունն այն մասին, որ Հայաստանն աշխատում է ՀԱՊԿ-ի հետ, բայց չմանրամասնեց՝ ինչ հարցերի շուրջ:
«Ասում է` ՀԱՊԿ-ի հետ մենք քաղաքական գործընթացներ ենք սկսել: Լավ կլիներ` պարզ բացատրեր, որ մենք բանակցում ենք ՀԱՊԿ-ի բոլոր երկրների, քաղաքական ղեկավարության, ՀԱՊԿ-ի ռազմական կոմիտեի հետ, որոնք պետք է բոլոր միջազգային կազմակերպությունների հետ աշխատեն ու ստիպեն Ադրբեջանին հետ քաշվել: Այդ է մեր այսօրվա աշխատանքը: Եվ, եթե չստիպեն հետ քաշվել, ապա մենք ստիպված ենք լինելու գործադրել ՀԱՊԿ-ի ռազմական կոմպոնենտը՝ ՀՀ ռազմական ներուժի հետ մեկտեղ»,- ասաց Օհանյանը, տեղեկացնում է Sputnik Արմենիա-ն:
Ղազախստանի օրինակով, ըստ Օհանյանի, ՀԱՊԿ-ը ցույց տվեց, որ ի զորու է աշխատել, ՀՀ իշխանություններն էլ ցույց տվեցին, որ ի զորու են այդ կառույցն աշխատեցնել:
«Ի դեպ, այդ հարցում մենք ուրախ ենք, որ մեր ղեկավարությունն է այսօր այդ կառույցը ղեկավարում, ու, եթե Միջինասիական տարածաշրջանում կարողանում է այդ խաղաղապահ կոմպոնենտը գործարկել, ապա պարտավոր է այն գործարկել նաև ՀՀ տարածքում»,- ասաց Օհանյանը:
Հակառակ դեպքում բոլոր այդ հայտարարությունները պաշտպանության նախկին նախարարը «օդի մեջ խոսակցություններ» է համարում, քանի որ սահմանագծման գործընթաց սկսելու համար թշնամի պետությունները պետք է վերածվեն հարևան պետությունների, ստեղծեն համատեղ մասնագիտական հանձնաժողովներ, որոնք կկարողանան ճշգրտումներ իրականացնել:
Մինչդեռ ներկայիս Ադրբեջանին՝ իր թշնամական հոխորտանքներով ու երկրի ղեկավարի մակարդակով տարվող ռազմական հռետորաբանությամբ, սադրանքներով ու ռազմական հարձակումներով, Սեյրան Օհանյանը հարևան չի համարում:
ПОСЛЕДНИЕ ОТ АВТОРА
-
New2023-09-27 13:1275Во время 44-дневной войны оригиналы рукописей, выставленных в Научно-культурном центре Матенадаран-Гандзасар, редкие документы и старинные книги, касающиеся истории Арцаха, были перевезены в Матенадаран им. Месропа Маштоца.
-
New2023-09-27 13:1070Продолжается перевозка из Арцаха в Армению лиц, пострадавших в результате развязанной Азербайджаном 19 сентября агрессии и взрыва на прилегающей к Степанакерту территории. Об этом сообщает Минздрав Армении.
-
New2023-09-27 13:05106Помощь США армянам Арцаха – это оскорбление. Об этом в микроблоге X написал директор по коммуникациям Американского национального комитета Америки (ANCA) Алекс Галицкий.
-
New2023-09-27 13:0479По состоянию на 08։00 27 сентября число прибывших в Армению насильственно депортированных из Арцаха граждан выросло до 42 500. Об этом сообщила пресс-секретарь премьера Армении Назели Багдасарян.
