Последние новости

Էբրահիմ Ռայիսի․ Իսրայելը ոչ մի դեպքում չի կարող մահմեդականների բարեկամը լինել

«Իսրայելական ռեժիմը ոչ մի դեպքում չի կարող մահմեդական ժողովուրդների բարեկամը լինել»։ Այս մասին հայտարարել է Իրանի նախագահ Էբրահիմ Ռայիսին՝ Ադրբեջանի պաշտպանության նախարար Զաքիր Հասանովի հետ հանդիպման ժամանակ, գրում է Mehr-ը։

Նրա խոսքով՝ Թեհրանի և Բաքվի հարաբերությունները հիմնված են ընդհանուր կրոնական համոզմունքների վրա, իսկ «իսրայելական ռեժիմը մարդկության թշնամին է և չի կարող մահմեդական պետությունների բարեկամը լինել»։

Անդրադառնալով Թուրքմենստանում ՏՀԿ-ի գագաթաժողովի շրջանակներում Ադրբեջանի նախագահի հետ հանդիպմանը՝ Ռայիսին հավելել է, որ հանդիպումից հետո առևտրատնտեսական հարաբերությունների զարգացման գործընթացը, այդ թվում՝ երկու երկրների միջև տարանցիկ փոխգործակցությունը, արագանում է։

Ռայիսին հայտարարել է, որ «թաքֆիրիի և ԴԱԻՇ-ի խմբերի առկայությունը չի բխում տարածաշրջանի բնակիչների շահերից»։ «Այդ ավազակախմբերը ստեղծվել են ամերիկացիների և սիոնիստների կողմից և հանցավոր գործողություններ են իրականացրել, որտեղ էլ որ եղել են»։ Նա հույս է հայտնել, որ «ադրբեջանական զինված ուժերի գիտակցված ներկայության և պլանավորման դեպքում թաքֆիրական շարժումները և նրանք, ովքեր ապացուցել են իրենց թշնամությունը մահմեդականների նկատմամբ, չեն կարող ամրանալ տարածաշրջանում», տեղեկացնում է News.am։

    ПОСЛЕДНИЕ ОТ АВТОРА






    ПОСЛЕДНЕЕ ПО ТЕМЕ