2022-01-27 11:34
Информагентства
Դմիտրի Մեդվեդևն ասել է` ինչը կօգնի խուսափել պատերազմից
Պատերազմից խուսափելու միակ հնարավորությունը պայմանավորվելն է, սակայն կան շատ մարդիկ, որոնք շահարկում են էսկալացիայի թեման։ Այս մասին, ՌԻԱ Նովոստիի փոխանցմամբ, ռուսական առաջատար ԶԼՄ–ներին տված հարցազրույցում հայտարարել է ՌԴ ԱԽ փոխնախագահ Դմիտրի Մեդվեդևը։
«Ակնհայտ է, որ ամենակարևոր և միակ հնարավորությունը անվտանգության երաշխիքների վերաբերյալ պայմանավորվածություն ձեռք բերելն է, դրանք քաղաքական և դիվանագիտական միջոցներն են։ Բանակցությունները մեր հարաբերություններում անբաժանելի անվտանգության սկզբունքի կիրառումն է, որն ամրագրված է եվրոպական և միջազգային բոլոր հիմնարար փաստաթղթերում, երբ մի կողմի անվտանգությունը չի կարող ձեռք բերվել մյուս կողմի անվտանգության հաշվին», – ասել է Մեդվեդևը։
Մեկնաբանելով այն հարցը, թե ում է ձեռնտու առճակատումը` քաղաքական գործիչը մեջբերեց ամերիկյան սենատորի արտահայտություններից մեկը։
Մոտ մեկ շաբաթ առաջ կարդացի. ԱՄՆ Սենատի մարազմատիկ (չեմ կարող այլ կերպ անվանել) ծերուկներից մեկը, ազգանունը չեմ հիշում, ասաց, որ ինքը Ռուսաստանի և ԱՄՆ–ի միջև միջուկային սահմանափակ բախման, միջուկային հարվածների փոխանակման հավանականությունը չի բացառում։ Նրան միգուցե միևնույնն է, նա արդեն տարիքով է, նա կարծում է, որ իր դարն ապրել է և ժամանակն է բոլորին փոխհատուցել ըստ արժանվույն։ Բայց դա պարանոյա է, նույնիսկ մեկնաբանել չեմ ցանկանում», – ասել է Մեդվեդևը։
Նրա խոսքով` երբ «այդ մասին խոսում են ամերիկյան Սենատում իշխանություն ունեցողները, դա շատ տխուր է»։ Ըստ նրա՝ Կարիբյան ճգնաժամը ցույց տվեց, որ նման քայլերը կարող են մարդկության քաղաքակրթության վերջը լինել։
«Նման արտահայտություններ են անում։ Ինչպե՞ս արձագանքել դրանց։ Ի՞նչ է դա. մարա՞զմ, թե՞ այսպես կոչված քաղաքական շահարկում։ Ամեն դեպքում՝ շատ վտանգավոր են», – կարծում է ՌԴ ԱԽ փոխնախագահը։
Անցած տարեվերջին Մոսկվան Բրյուսելին և Վաշինգտոնին փոխանցեց անվտանգության երաշխիքների մասին փաստաթղթերի նախագծերը։ Կրեմլը պնդում է, որ պետք է դադարեցնել հետխորհրդային երկրների հետ դաշինքի ռազմական համագործակցությունը, հրաժարվել դրանց տարածքում բազաներ ստեղծելուց, սահմանափակել ռուսական սահմանների մոտ հարվածային միջոցների տեղակայումը, Եվրոպայից դուրս բերել ամերիկյան միջուկային զենքն ու երաշխիքներ ստանալ արևելքում ՆԱՏՕ–ի չընդլայնման վերաբերյալ։
Հունվարին այս հարցով Ռուսաստանի, ԱՄՆ–ի և դաշինքի միջև մի շարք խորհրդակցություններ տեղի ունեցան. հունվարի 9-10-ը հարցը քննարկվեց Ժնևում ամերիկյան կողմի հետ հանդիպումների ժամանակ, հունվարի 12-ին` Ռուսաստան–ՆԱՏՕ խորհրդի նիստին, հունվարի 13-ին` ԵԱՀԿ հարթակում։ Դեռ նախքան բանակցությունները Վաշինգտոնը փաստաթղթի որոշ կետեր անընդունելի անվանեց, Մոսկվան նշեց, որ դա վերջնագիր չէ, սակայն միակողմանի զիջումների, առավել ևս ճնշման տակ, ինքը չի գնա, տեղեկացնում է Sputnik Արմենիա-ն։
ПОСЛЕДНИЕ ОТ АВТОРА
-
New2025-07-10 10:35Премьер-министр Армении Никол Пашинян и президент Азербайджана Ильхам Алиев могут подписать промежуточный документ или совместное заявление на предстоящей в Абу-Даби встрече. Об этом в беседе со Sputnik Армения заявил глава Армянского центра американских исследований Сурен Саркисян.
-
New2025-07-10 10:29Встреча премьера Армении Никола Пашиняна и президента Азербайджана Ильхама Алиева началась в Абу-Даби.
-
New2025-07-10 10:22Сына оппозиционного депутата и члена партии АРФ “Дашнакцутюн” Гегама Манукяна – Тарона Манукяна задержали. Об этом сообщила депутат фракции “Армения” Кристине Варданян.
-
New2025-07-10 10:21О взаимосвязанности происходящего внутри Армении и вокруг неё говорилось немало, в том числе и мной. В политологии это считается закономерностью: внешняя политика — продолжение внутренней. Однако в случае Армении даже эта закономерность искажена: если в большинстве стран внутренняя политика определяет внешнюю, то у нас — наоборот, внутренняя политика производна от внешней. Причина этой очередной аномалии — в том, что правящий режим в Армении выступает в роли внешнего ставленника и действует как оккупационный.