ԿԽՄԿ․ Պատերազմից հետո 300 հայ և ադրբեջանցի դեռևս անհետ կորած են համարվում
2020-ին Լեռնային Ղարաբաղում ռազմական գործողություններից հետո մոտ 300 մարդ դեռևս անհետ կորած է համարվում (հայեր և ադրբեջանցիներ)։ Կարմիր խաչի միջազգային կոմիտեն (ԿԽՄԿ) հոդված է հրապարակել՝ անդրադառնալով հետպատերազմական իրավիճակում արվող աշխատանքներին և դրանց արդյունքներին։
«Շուրջ 300 մարդ դեռևս անհայտ կորած է համարվում Ղարաբաղյան հակամարտության սրման հետևանքով։ 2020թ. նոյեմբերին հրադադարի մասին համաձայնագրի ստորագրման պահից հետո հայտնաբերվել են ավելի քան 1700 մարդու մասունքներ։ Դրանից հետո սկսվել է մասունքների նույնականացման և նրանց ընտանիքներին վերադարձնելու գործընթացը»,-ասվում է ԿԽՄԿ-ի հայտարարության մեջ, տեղեկացնում է Sputnik Արմենիա-ն:
Նշվում է, որ ԿԽՄԿ-ն ռուս խաղաղապահների հետ համատեղ աջակցել է աճյունների որոնման աշխատանքների անցկացմանը՝ տեղական փրկարարական խմբերին աջակցելով։
ԿԽՄԿ-ի ականների, պատերազմի պայթյունավտանգ մնացորդների և հրաձգային զենքի տարածաշրջանային մասնագետների ղեկավար Քրիստոֆեր Փուլը հայտնել է, որ փրկարարական խմբերի աշխատանքի պայմանները չափազանց վտանգավոր են, քանի որ տեղանքը ականներով և չպայթած զինամթերքով է լեցուն։ Դրան գումարվում են նաև եղանակային պայմանները՝ ձմռանը տեսանելիությունը գրեթե զրոյի է հասնում:
«Մարդկանց մասունքները հանելու համար փրկարարական թիմերը մահացու վտանգի առաջ են կանգնում։ Խոսքը ոչ միայն մասունքների հետ «արժանապատիվ վերաբերմունքի», այլև նրանց հետ անվտանգ վարվելու մասին է»,-ասել է Փուլը։
Նշվում է նաև, որ ավելի քան 4500 հայ և ադրբեջանցի անհետ կորած ենհամարվում 1990-ականների հակամարտության հետևանքով:
Հիշեցնենք, որ հունվարի 19-ին ՀՀ քննչական կոմիտեն հայտնել էր՝ Ադրբեջանի կողմից սանձազերծված ագրեսիվ պատերազմի հետևանքով 2022 թվականի հունվարի 19-ի դրությամբ ՀՀ–ում և Արցախում զոհված զինծառայողների և քաղաքացիական անձանց ընդհանուր թիվը 3809 է:
Անհետ կորած է համարվում 199 զինծառայող և քաղաքացիական անձ։ Մինչև օրս Ադրբեջանի Հանրապետության կողմից Հայաստանի Հանրապետությանն է հանձնվել գերեվարված ընդհանուր թվով 141 զինծառայող և քաղաքացիական անձ։
ПОСЛЕДНИЕ ОТ АВТОРА
-
2022-09-24 16:24333Сокращение энергоснабжения из-за санкций против России и закрытия Москвой ключевых маршрутов экспорта газа по трубопроводам заставит Европу бороться за нефтяные и газовые скважины после наступающей зимы, поскольку нынешний кризис — это не «история на одну зиму», считают аналитики консалтинговой компании Energy Aspects.
-
2022-09-24 16:23338Тегеран готов провести консультации с Ереваном и Баку для содействия мирному урегулированию проблем и разногласий. Об этом глава МИД Ирана Хосейн Амир Абдоллахиан заявил на встрече с азербайджанским коллегой Джейхуном Байрамовым на полях Генассамблеи ООН в Нью-Йорке.
-
2022-09-24 16:21323Число жертв крушения судна с мигрантами у берегов сирийской провинции Тартус возросло до 88 человек. Об этом в субботу сообщает Минздрав Сирии.
-
2022-09-24 16:12340В течение 2018-2020 годов Никол Пашинян сделал все, чтобы Россия меньше была представлена на Южном Кавказе, заявил сегодня в ходе обсуждения по теме «Непрекращающаяся война: кто и как привел к войне» заместитель председателя Республиканской партии Армении (РПА) Армен Ашотян.
