ՀՅԴ․ Թույլ չենք տա նսեմացնել մեր ազգի ու պետության անվտանգության երաշխավոր Հայոց բանակը
ՀՅԴ Հայաստանի Գերագույն մարմինը հայտարարություն է տարածել Բանակի օրվա առթիվ:
«30 տարի առաջ՝ 1992 թ․ հունվարի 28-ին, «Հայաստանի Հանրապետության պաշտպանության վերաբերյալ» պատմական որոշումով ազդարարվեց Հայոց Ազգային բանակի ստեղծումը: Այն ծնունդն էր մեր արդար պայքարի, մեր պոռթկած արժանապատվության՝ ծառայելու մեր անվտանգությանն ու պետականության ամրապնդմանը։
Հայոց բանակը կոփվեց հերոսական մարտերում՝ դառնալով հզոր ու մարտունակ: Յուրաքանչյուր հայ հպարտ էր իր բանակով և իր զինվորով։ Մեզ միացնում էր այն հաստատ համոզումը, որ Հայրենիքի սահմանին կանգնած զինվորը գիտակցում և ծառայում է վեհ գաղափարի՝ ինքն է հայկական պետության և անվտանգության հիմնական երաշխավորը:
Հայոց բանակն ու Հայոց պետականությունն իրենց կայացման ճանապարհին դժվար փորձություններով են անցել, արձանագրել հերոսական էջեր, դիմագրավել և շարունակում են դիմագրավել լրջագույն մարտահրավերներ։
Մեր ժողովրդի և բանակի համար այս ծանր օրերին պետք է գիտակցենք և առաջնորդվենք կամքով և հավատով, որ մեր նահանջները ժամանակավոր են, որ մեր բանակն ու զինվորը յուրաքանչյուրիս անվերապահ զորակցության կարիքն ունեն։ Միասնական նվիրումով զորացնենք մեր ազգային բանակը, սահմանին կանգնած մեր որդիներին հավատ ու վստահություն ներշնչենք սեփական ուժերի և վսեմ առաքելության նկատմամբ։
ՀՅԴ-ն, լինելով Հայոց բանակի կազմավորման ակունքներում, մշտապես սատարել է Հայոց բանակին։ Մենք դա գործով ենք ապացուցել՝ պետականության և հայ զինվորի կողքին կանգնելով Արցախյան ողջ ազատամարտի, նաև 44-օրյա պատերազմի օրերին։ Մենք դա արել ենք անսակարկ, մեր տասնյակ նվիրյալ ընկերների կյանքի գնով, նրանց հերոսական զոհողություններով։ Այսօր էլ կանգնած ենք հայրենիքի և պետականության, նրա նվիրյալ գեներալների, սպաների ու զինվորների կողքին և թույլ չենք տա նսեմացնել մեր ազգի ու պետության անվտանգության երաշխավոր Հայոց բանակը, այն էլ` անվտանգային լրջագույն սպառնալիքներով լի այս ժամանակներում:
Խոնարհում հայ զինվորին։
Շնորհավո´ր տոնդ, Հայո՛ց բանակ: Շնորհավո´ր տոնդ, հա՛յ ժողովուրդ, անկոտրում կամքով դեպի նոր հաղթանակներ», - նշված է հայտարարությունում, տեղեկացնում է News.am-ը:
ПОСЛЕДНИЕ ОТ АВТОРА
-
2024-09-23 15:21
Фонд здоровья детей Армении (HFC), в партнерстве с Фондом армянской помощи, банком ACBA и Армянской евангелической ассоциацией, успешно привлек около 40 миллионов драмов для финансирования лечения детей, перемещённых из Арцаха и проживающих сейчас в Армении.
-
2024-09-23 15:19
У Великой китайской стены 25 сентября будет дан старт Дням культуры Армении в Китае, сообщил председатель "Центра армяно-китайского партнёрства" Армен Мхитарян.
-
2024-09-23 14:03
Армения не должна налаживать связи с Западом за счет ухудшения отношений с РФ. Об этом лидер оппозиционного блока "Мать Армения" Андраник Теванян заявил в мультимедийном пресс-центре Sputnik Армения, комментируя свой визит в Донбасс.
-
2024-09-23 14:01
Самолеты израильских ВВС совершили утром налеты на десятки населенных пунктов и районов на юге Ливана, где базируются формирования шиитской милиции "Хезболлах". Как сообщило агентство Al Wataniya, только по округу Набатия авиация Израиля нанесла не менее 80 ударов.