2022-01-28 20:25
Ара МЕЛИКСЕТЯН
ԱՌԱՆՑ ԱՆԸՆԴՈՒՆԵԼԻՈՒԹՅԱՆ ՍԵՓԱԿԱՆ ՍԱՀՄԱՆՆԵՐԻ
Հայկական կողմը փորձում է հասկանալ, թե ինչն է անընդունելի Ադրբեջանի համար սահմանագծման և սահմանազատման հարցում։ Այդ մասին Եռաբլուրում լրագրողների հետ զրույցում հայտարարել է ՀՀ ԱԳ նախարար Արարատ Միրզոյանը, հաղորդում է Sputnik Արմենիան։
Հունվարի 20-ին Ադրբեջանի ԱԳ նախարար Ջեյհուն Բայրամովը հայտարարել է, որ Հայաստանի ցուցաբերած դիրքորոշումն ու սահմանազատման գործընթացն սկսելու մի շարք նախապայմանները բացարձակապես անընդունելի են Ադրբեջանի համար: Մինչ այդ Երևանը հաղորդել էր առաջարկների փաթեթը Բաքվին ու Մոսկվային փոխանցելու մասին։ «Թե ինչն է անընդունելի, մենք հստակեցումները դեռ չունենք, ճշգրտման փուլում են դրանք։ Քննարկում անընդհատ կա, քննարկումը շարունակվում է»,- նշել է Միրզոյանը։
Նախարարը պատմել է, որ փորձում են պարզաբանումներ ստանալ, թե հատկապես որ մասն է անընդունելի, ինչ հիմնավորմամբ և, ըստ այդմ, ինչ նոր լուծումներ կարող են առաջ քաշվել:
Նշենք, որ ՀՀ վարչապետ Նիկոլ Փաշինյանը պատմել է, որ Բաքվին և Մոսկվային է փոխանցվել առաջարկությունների փաթեթ: Նրա խոսքերով՝ առաջարկությունները վերաբերում են ոչ թե սահմանագծմանը, այլ սահմանի վրա անվտանգության ու կայունության մակարդակի բարձրացմանն ուղղված քայլերին։ Խոսքը, մասնավորապես, զորքերի «հայելային» հետքաշման մասին է։ Փաշինյանը համարում է, որ սահմանագծման և սահմանազատման հանձնաժողովը պետք է ձևավորվի հնարավորինս շուտ։
ԲԱՅՑ ԱՆՀՆԱՐ Է ԼՌԵԼ. դա լավ է, որ հայկական իշխանությունները փորձում են պարզել, թե հատկապես ինչն է անընդունելի Բաքվի համար։ Սակայն շատ ավելի լավ կլիներ, եթե հայկական կողմը իմանար, թե ինչն է անընդունելի իր համար։ Ցավոք, այդ հարցում նույնպես ոչ մի հստակություն չկա։ Ոչ ոք տեղյակ չէ, թե որտեղով են անցնում Երևանի այսպես կոչված կարմիր գծերը, մասնավորապես՝ սահմանագծման և սահմանազատման հարցում, և ընդհանրապես՝ հայ-ադրբեջանական ու հայ-թուրքական երկխոսության գործընթացում։ Ոչ ոք չգիտի, թե որ հարցերում Հայաստանը փոխզիջումների չի գնա ոչ մի պարագայում։
Ըստ էության, զորքերի «հայելային» հետքաշման վերաբերյալ Երևանի առաջարկն ինքնին չի կարող ընդունելի լինել Երևանի համար մեկ պարզ պատճառով։ Նման սխեման ենթադրում է, որ Ադրբեջանը պետք է հեռացնի զորքերը հայկական տարածքներից, իսկ Հայաստանն էլ «հայելային» կերպով՝... նույնպես հայկական տարածքներից։ Հիշեցնենք, որ անցած տարվա մայիսից հայ-ադրբեջանական սահմանի առանձին հատվածներում ադրբեջանական ստորաբաժանումները ներխուժել են հայկական տարածքներ և շարունակում են այնտեղ մնալ առ այսօր։ Համաձայնեք, «հայելին» ծուռ է ստացվում, քանզի արտացոլում է միայն Ադրբեջանի շահերը։ Այդուհանդերձ, պարզվում է, այդ տարբերակը ոչ միայն ընդունելի է հայաստանյան իշխանությունների համար, այլև համառորեն առաջարկվում է նրանց կողմից։
Միանգամայն տրամաբանական է, որ Բաքվին նման սխեման չի գոհացնում։ Տեսնելով, որ Երևանն ինքն է նախաձեռնում իր հերթական ծառայությունը, ադրբեջանցիներն ավելին են պահանջում։ Զարմանալի ոչինչ չկա, և հուսալու հարկ էլ չկա, թե Ադրբեջանը հստակ կնախանշի իր շահերի սահմանները, եթե Հայաստանը չի հստակեցնում սեփական «կարմիր գծերը»։ Չի անում դա նույնիսկ հայ հասարակության համար։ Հայաստանում որևէ մեկը գիտի՞, թե ինչը հաստատ չի զոհաբերի Փաշինյանը, չի զիջի Ադրբեջանին կամ Թուրքիային՝ հանուն տարածաշրջանում խաղաղության տխրահռչակ օրակարգի իրականացման։ Չի զոհաբերի թերևս միայն իր իշխանությունը…
Արարատ Միրզոյանը հավաստիացնում է, թե փորձում է հասկանալ՝ Երևանի առաջարկների որ մասն է անընդունելի Բաքվի համար։ Մինչդեռ հայ հասարակությունը փորձում է հասկանալ, օրինակ, թե ինչո՞ւ է մոռացության մատնվել հայ ռազմագերիների վերադարձի հարցը։ Եվ առհասարակ, ինչպես բազմիցս ընդգծել են հայ պաշտոնյաները, Բաքուն չի կատարում 2020-ի նոյեմբերի 9-ի եռակողմ հայտարարության կետերից գրեթե ոչ մեկը։ Մի՞թե դա բավական չէ, որպեսզի Երևանը հայտարարի բանակցությունների ցանկացած նոր թեմաների անընդունելիության մասին, քանի դեռ Ադրբեջանը չի կատարել արդեն գոյություն ունեցող պայմանավորվածությունները։ Սրանք ամենևին էլ նախապայմաններ չեն։ Սրանք այն տարրական պայմաններն են, որոնց առկայության դեպքում են միայն սկզբունքորեն հնարավոր երկխոսությունը, կողմերի փոխզիջումները։
Զուր է Միրզոյանը փորձում հասկանալ, թե Երևանի առաջարկների որ մասն է անընդունելի Բաքվի համար։ Իրականում Ալիևի համար քիչ է և միշտ էլ քիչ կլինի այն, ինչ իրեն առաջարկում է անընդունելիության սեփական սահմանները չնախանշած կողմը։
ПОСЛЕДНИЕ ОТ АВТОРА
-
2025-07-16 11:28В рамках стратегии «Global Gateway» ожидается, что инвестиции ЕС в Армению достигнут 2,5 млрд евро, что будет способствовать инклюзивному росту и развитию связей, говорится в совместном заявлении по итогам трёхсторонней встречи премьер-министра РА Никола Пашиняна, председателя Европейского совета Антониу Кошты и председателя Еврокомисси Урсулы фон дер Ляйен, передает АРКА.
-
2025-07-11 09:48Правительство Армении на заседании в четверг одобрило предложение о подписании кредитного соглашения с Международным банком реконструкции и развития (МБРР, структура ВБ) по программе «Туризм и региональная инфраструктура Армении» на 120,5 млн евро, передает АРКА. Как заявил замминистра экономики Армении Арман Ходжоян, программа нацелена на поддержку семи отдельных туристических кластеров из 20-ти в общинах Арени, Дилижан, Двин, Гюмри, Джермук, Горис и Ехегис с целью стимулирования винного, оздоровительного, приключенческого, культурно-образовательного туризма, а также экотуризма в различных областях Армении. Он сообщил, что общая стоимость программы, которая будет реализована до конца 2030 года, составляет 120,5 млн евро, из которых 24,1 млн софинансирует правительство.
-
2025-07-10 09:33Внешняя торговля Армении бешеными темпами катится вниз. По данным статистического комитета в январе-мае внешний и взаимный торговый оборот сократился вдвое по сравнению с тем же периодом прошлого года. Если в 2024-м этот показатель достигал 15,5 миллиардов долларов, то в этом году снизился до 7,9 миллиардов.
-
2025-07-07 10:03В Армении в июне 2025 года по сравнению с июнем 2024 года зарегистрирована инфляция в 3,9%, а за месяц – дефляция в 1,3%. Об этом свидетельствуют данные отчета Национального статистического комитета (НСК) Армении, передает АРКА. Согласно данным НСК, в июне 2025 года по сравнению с июнем 2024 года цены на продовольственные товары и безалкогольные напитки повысились на 6,2%.