2022-02-02 11:37
Информагентства
ՀՀ–ում սուր շնչառական վարակներով հոսպիտալացվածների 89.6%–ը երեխաներ են
Փետրվարի 1-ի դրությամբ հայաստանյան հիվանդանոցներում սուր շնչառական վարակներով հոսպիտալացված 436 պացիենտ կա, որոնցից 89.6%–ը երեխաներ են։ Sputnik Արմենիայի հետ զրույցում հայտնեց Հիվանդությունների վերահսկման և կանխարգելման ազգային կենտրոնի (ՀՎԿԱԿ) վարակիչ և ոչ վարակիչ հիվանդությունների վարչության համաճարակաբան Եվգենյա Խաչատրյանը։
«ՀՀ–ում շարունակվում է սուր շնչառական վարակներով (ՍՇՎ) պայմանավորված բարձր ակտիվությունը։ Բարձր է ինչպես ամբուլատոր պոլիկլինիկական հաստատություններ դիմելիությունը, այնպես էլ շտապօգնության կանչերի թիվն ու հոսպիտալացումները։ Նախորդ տարվա նույն ժամանակահատվածի համեմատ ՍՇՎ–ներով պոլիկլինիկական կազմակերպության դիմելիությունը 1.2 անգամ բարձր է։ Նույն պատկերն է շտապօգնության կանչերի մասով»,–ասաց Խաչատրյանը։
Նա տեղեկացրեց, որ վերակենդանացման բաժանմունքում բուժում են ստանում 24 պացիենտ, որից 19-ը 0-18 տարեկաններն են. վերակենդանացման բաժանմունքում գտնվող երեխաների զգալի մասը 0-4 տարեկաններն են։ Նրա խոսքով` նախորդ տարվա այս նույն ժամանակաշրջանի համեմատ հոսպիտալացումների թիվն աճել է 1.5 անգամ։ Ամենաշատը երևանյան ԲԿ-ներում են երեխաները բուժում ստանում։
Մասնագետի խոսքով` դեռ նախորդ տարվա նոյեմբերից սկսած` հանրապետությունում շրջանառվում է գրիպի Ա տեսակի H3N2 ենթատեսակը։ Այս պահին գրիպի ուրիշ տեսակ չի հայտնաբերվել։ Սակայն լինում են դեպքեր, երբ ՍՇՎ-ն համակցվում է կորոնավիրուսի հետ, և եթե պատվաստված են լինում, ապա հաջողվում է խուսափել բարդություններից։
«Բոլորս էլ գիտենք, որ գրիպի դեմ միակ կանխարգելումը պատվաստումն է։ Ի դեպ, կորոնավիրուսի դեմ պատվաստմանը զուգահեռ կարող են պատվաստվել նաև գրիպի դեմ Covid-ի պատվաստումը ստանալուց 14 օր անց։ Այս պահին գտնվում ենք ՍՇՎ-ների ակտիվության փուլում, ինչը բնորոշ է այս սեզոնին. գրիպի սեզոնը տևում է մինչև մայիս»,–ասաց Խաչատրյանը։
Ինչ վերաբերում է ՍՇՎ–ների` երեխաների մոտ առաջ եկող ախտանշաններին, համաճարակաբանը նշեց, որ նրանց դեպքում ախտանշանները գրեթե չեն տարբերվում, սակայն հիվանդությունը կարող է մի քիչ բուռն ընթանալ, հատկապես 0-4 տարեկան երեխաների մոտ, քանի որ ավելի խոցելի են։ Այս սեզոնին շրջանառվող ՍՇՎ–ների ախտանշաններն են` հարբուխ, հազ, գլխացավ, մկանացավ։
Համաճարակաբանը խորհուրդ է տալիս հագնվել եղանակին համահունչ, հիվանդ լինելու դեպքում մնալ տանը, քանի որ վարակի տարածմանը հենց դա է նպաստում. փակ տարածքներում գտնվելով ու չօդափոխելով տարածքը` շատ հանգիստ վարակը տարածվում է։
ПОСЛЕДНИЕ ОТ АВТОРА
-
2025-07-26 14:32Несмотря на то, что власти подавляли митинги и акции народа Арцаха угрозами и шантажом применения силы, ситуация не изменилась, заявил депутат Национального собрания Армении Тигран Абрамян.
-
2025-07-26 14:31Представитель МИД Армении Ани Бадалян обвинила армянскую службу «Радио Свобода» в распространении дезинформации о дороге, проходящей через Сюник, и её возможной передаче под контроль США. Она отметила, что ложные тезисы были опубликованы параллельно с материалами российского телеканала «Россия сегодня».
-
2025-07-26 14:29После ремонта газопровода, с 13:40 субботы возобновлена подача газа в Армению. Об этом сообщает "Газпром Армения".
-
2025-07-26 14:27Новоназначенный заместитель директора по сбыту компании «Электросети Армении» (ЭСА), директор по обслуживанию электроснабжения Еревана Арман Смбатян получил должность благодаря тому, что катался на велосипеде с премьер-министром Николом Пашиняном и сблизился с ним, пишет газета «Грапарак».