Չարչյանի գործով նիստը հետաձգվեց
«Հայաստան» խմբակցության պատգամավոր, պրոֆեսոր, «Իզմիրլյան» բժշկական կենտրոնի նախկին տնօրեն Արմեն Չարչյանի գործով այսօրվա դատական նիստը հետաձգվեց, քանի որ գործով դատախազը ներկա չէր նիստին։
Նշենք, որ նիստն ընթանում էր Երևանի ընդհանուր իրավասության դատարանում՝ դատավոր Վահե Միսակյանի նախագահությամբ։
Դատական նիստերի քարտուղարը հայտնեց` գործով դատախազը չի ներկայացել նիստի, քանի որ կարծել է` այն պետք է հետաձգվի։ Չարչյանի պաշտպանական կողմն էր մինչ այս ուզել հետաձգել նիստը, սակայն հետո որոշել էր, որ կարող են մասնակցել նիստին` դատախազի մոտ էլ շփոթություն է առաջացել։
«Դատախազի բացակայության պայմաններում նիստը շարունակվել չի կարող և այն պետք է հետաձգվի։ Հաջորդ դատական նիստը կնշանակվի կողմերի հետ խոսելուց հետո` դատական նիստերի անհարկի հետաձգումներից խուսափելու համար»,–ասաց դատավոր Միսակյանը։
Միաժամանակ, Չարչյանի պաշտպան Էրիկ Ալեքսանյանը միջնորդեց, որպեսզի Չարչյանի բջջային հեռախոսը, որը 2021-ին առգրավվել էին, երբ Չարչյանը կալանավորվել էր, վերադարձնեն։ Այն, ըստ Ալեքսանյանի, իրեղեն ապացույց չի համարվում, քրգործում որևէ նշանակություն չունի։ Ի պատասխան դատավոր նշեց, որ խնդիր չի տեսնում հեռախոսը վերադարձնելու մեջ, սակայն նյութերը հետազոտելուց հետո 1 օրվա ընթացքում գրավոր կներկայացնի պատասխանը։
Ալեքսանյանը լրագրողների հետ զրույցում նշեց, որ միջոցներ են ձեռնարկվելու, որպեսզի Չարչյանի գործով դատավոր Ռուբեն Մխիթարյանը, որի որոշմամբ 5 ամիս պրոֆեսորն ապօրինի կալանքի տակ է եղել, պատասխանատվության ենթարկվի, տեղեկացնում է Sputnik Արմենիա-ն։
Հիշեցնենք, որ պատգամավոր, «Իզմիրլյան» բժշկական կենտրոնի նախկին տնօրեն Արմեն Չարչյանը մեղադրվում է ընտրակաշառք բաժանելու և ընտրողներին ճնշելու մեջ:
ПОСЛЕДНИЕ ОТ АВТОРА
-
New2022-10-03 11:0325Спецпредставитель ЕС по Южному Кавказу и кризису в Грузии Тойво Клаар в своем микроблоге в Twitter написал, что сегодня получил несколько видеоматериалов о военных преступлениях в отношении Азербайджана.
-
New2022-10-03 11:0217Евразийский экономический союз (ЕАЭС) располагает достаточным количеством ресурсов для нормальной работы в условиях санкций. Об этом в воскресенье, 2 октября, заявил председатель коллегии Евразийской экономической комиссии (ЕЭК) Михаил Мясникович в эфире телеканала «Беларусь 1», передает «Известия».
-
New2022-10-03 11:0031Экономическая активность в Армении в январе — августе увеличилась на 13,9% г/г, а в августе — на 18,5% г/г., сообщает Евразийский банк развития (ЕАБР).
-
New2022-10-03 10:5833Секретарь Совета безопасности Армен Григорян 3 октября отправится с рабочим визитом в Брюссель.
