2022-02-09 20:06
Информагентства
Հայտարարություն․ Այսուհետ կոշտ հակահարված տալ ՀՀ անկախությանը սպառնացող հայտարարություններին
Շուրջ 2 տասնյակ ՀԿ-ներ հանդես են եկել հայտարարությամբ՝ կապված Բելառուսի նախագահ Ա.Լուկաշենկոյի հարցազրույցի հետ: Հայտարարությունում ասվում է.
«2022 թվականի փետրվարի 7-ին «Սոլովյով Live» հաղորդմամբ Վլադիմիր.Սոլովյովին տված հարցազրույցում Բելառուսի նախագահ Ալեքսանդր Լուկաշենկոն ասել է. «Դե, Հայաստանը գնալու տեղ չունի: Կարծում եք նրանք ինչ-որ մեկին պե՞տք են: Նրանք դա տեսան: Նիկոլ Վովաևիչը դա տեսավ: Ադրբեջանը ինչ-որ կերպ դուրս է գալիս այդ խմբից, քանի որ մենք էլ ենք շատ սխալներ գործել: Առանձին թեմա է: Այնտեղ Թուրքիան, իհարկե շատ լուրջ աջակցություն է ցուցաբերում Ադրբեջանին: Թուրքիայով են անցնում գազը, նավթը: Իսկ Թուրքմենստանը, Ուզբեկստանը և Տաջիկստանը, կարծում եմ, անհրաժեշտությունից, (առաջին հերթին՝ տնտեսական), դրդված, նույնպես կմիանան»:
Ակնհայտորեն, Լուկաշենկոյի այդ հայտարարությունը համահունչ է Հայաստանի ինքնիշխանության թշնամիների, հայաստանյան որոշ քաղաքական ուժերի և գործիչների՝ պարբերաբար հնչող հայտարարություններին, որով անթաքույց պնդումներ են արվում ռուսական կամ խորհրդային կայսրության և դրա երբեմնի գաղութների վերականգնման քարոզի համատեքստում:
Մենք՝ ներքոստորագրյալ կազմակերպություններս, Լուկաշենկոյի տվյալ հայտարարությունը գնահատում ենք որպես Հայաստանի ինքնիշխանության դեմ տարվող բացահայտ արշավի բաղադրիչ:
Համարելով, որ Հայաստանի Հանրապետությունը ոչ մի ապագա չունի հակաժողովրդավարական ռեժիմներով երկրների որևէ միավորման մեջ լինելով՝ պահանջում ենք ՀՀ իշխանություններից այժմ և այսուհետ՝ աներկբա, միանշանակ, կոշտ, հրապարակային և դիվանագիտական եղանակներով հակահարված տալ Հայաստանի Հանրապետության անկախությանը և ինքնիշխանությանը սպառնացող ինչպե՛ս բանավոր ու գրավոր հայտարարություններին, այնպե՛ս էլ՝ բոլոր գործողություններին:
Հայաստանի Հանրապետության իշխանությունները կրում են առաջնահերթ պարտավորություն՝ ներդնելու անհրաժեշտ և բավարար ջանքեր, որպեսզի Հայաստանում կամ արտերկրում որևէ քաղաքական կամ պետական գործիչ չհամարձակվի մեր երկրի և ժողովրդի նկատմամբ թույլ տալ նմանօրինակ ոտնձգություններ:
Ժուռնալիստների «Ասպարեզ» ակումբ
Հելսինկյան քաղաքացիական ասամբլեայի Վանաձորի գրասենյակ
Թրանսփարենսի Ինթերնեշնլ հակակոռուպցիոն կենտրոն
Հանրային լրագրության ակումբ
Գլոբալիզացիայի և տարածաշրջանային համագործակցության վերլուծական կենտրոն
Բաց հասարակության հիմնադրամներ - Հայաստան
«Հանուն հավասար իրավունքների» կրթական կենտրոն ՀԿ
Իրավունքների պաշտպանություն առանց սահմանների ՀԿ
«Խաղաղության երկխոսություն» ՀԿ
Հելսինկյան ասոցիացիա իրավապաշտպան ՀԿ
«Մարդու իրավունքների հետազոտությունների կենտրոն» ՀԿ
«Համայնքային համախմբման և աջակցության կենտրոն» ՀԿ
«Կանանց իրավունքների տուն» ՀԿ
«Փինք» իրավապաշտպան ՀԿ
Իրազեկ քաղաքացիների միավորում
Մեդիա նախաձեռնությունների կենտրոն
«Ազատ քաղաքացի» ՀԿ
Մարտունու կանանց համայնքային խորհուրդ ՀԿ
News.am
ПОСЛЕДНИЕ ОТ АВТОРА
-
New2025-07-01 12:52Посол Азербайджана в Москве Рахман Мустафаев покинул здание МИД России, куда был вызван в связи с "недружественными действиями Баку и незаконным задержанием российских журналистов", передает корреспондент РИА Новости.
-
New2025-07-01 12:49Растущее влияние Турции на Азербайджан привело к тому, что Баку последовательно дистанцируется от России, причем делает это максимально показательно, заявил в интервью URA.ru замдиректора Института стратегических исследований и прогнозов РУДН Евгений Семибратов. По его словам, Баку и Анкара даже готовы на силовое подчинение Армении, этому пока мешает шаткое, но все же членство Еревана в ОДКБ.
-
New2025-07-01 12:47Турция намерена подписать международные контракты на строительство двух новых атомных электростанций к концу года, если получит предложения по конкурентоспособным ценам, соответствующие ее целям локализации, заявил во вторник высокопоставленный чиновник в сфере энергетики, сообщает Reuters.
-
New2025-07-01 12:42Брифинг для американских политиков, посвященный праву армян на возвращение в оккупированный Азербайджаном Арцах, проведут швейцарские законодатели в Вашингтоне. Об этом сообщает Армянский национальный комитет Америки (ANCA).