Последние новости

Դավիթ Բաբայան. Արցախի կապը աշխարհի հետ չի կարող վերահսկվել Ադրբեջանի կողմից

Պետք է ապահովել Լեռնային Ղարաբաղի անխափան կապը Հայաստանի և արտաքին աշխարհի հետ, և այդ կապը չի կարող վերահսկվել Ադրբեջանի կողմից։ Այս մասին ՀՀ ԳԱԱ-ում կայացած հանդիպմանը հայտարարեց Արցախի արտգործնախարար Դավիթ Բաբայանը։

Պատասխանելով Լաչինը շրջանցող ճանապարհի կառուցման հնարավորության մասին հարցին, որի արդյունքում մի քանի հայկական գյուղ կհայտնվի Ադրբեջանի վերահսկողության տակ, նախարարն ընդգծեց, որ անխափան հաղորդակցության հարցն Արցախի իշխանությունների ուշադրության կենտրոնում է։ «Վերջնական որոշում չկա, բանակցությունները շարունակվում են։ Մենք պաշտպանելու ենք մեր շահերը»,- շեշտեց նախարարը։

«Պետք է ապահովվի Լեռնային Ղարաբաղի անխափան կապը Հայաստանի և արտաքին աշխարհի հետ, և այդ կապը չի կարող վերահսկվել Ադրբեջանի կողմից։ Այդպիսի բան չի լինի։ Ադրբեջանից խոսակցություններ եղան անցակետի տեղադրման մասին։ Դա բացարձակապես անընդունելի է»,- ասաց Դավիթ Բաբայանը, տեղեկացնում է News.am։

    ПОСЛЕДНИЕ ОТ АВТОРА






    ПОСЛЕДНЕЕ ПО ТЕМЕ