2022-02-14 16:05
Информагентства
Փաշինյանը կանչվելու է 44-օրյա պատերազմի քննիչ հանձնաժողով
ԱԺ պաշտպանության և անվտանգության հարցերի մշտական հանձնաժողովի նախագահ Անդրանիկ Քոչարյանը ենթադրում է, որ ընդդիմության շահերից չի բխում, որպեսզի 44-օրյա պատերազմի հանգամանքներն ուսումնասիրող քննիչ հանձնաժողովի աշխատանքները հաջողված լինեն։ Քոչարյանը նիստից հետո հրավիրված ասուլիսի ժամանակ նման կարծիք հայտնեց։
Հայտնել էինք, որ չնայած այն հանգամանքին, որ հանձնաժողովի անդրանիկ նիստին ընդդիմադիրները ներկա էին, սակայն նրանք հայտարարեցին, որ կասկածում են ներկայիս իշխանության օրոք նման հանձնաժողովի օբյեկտիվության վրա և լքեցին նիստը։
«Հանձնաժողովի աշխատանքներին մասնակցելու են լավագույն փորձագետները՝ ոչ միայն զինված ուժերի։ Եթե մեր ընդդիմադիր գործընկերներին Ռոբերտ Քոչարյանը չթողեց գան և իրենց հետաքրքրող հարցերը ուղղեն ցանկացած պաշտոնյայի, ցանկացած փաստաթղթի ծանոթանալու առումով, դա արդեն խոսում է, թե ինչ տեսակի ընդդիմություն ունենք»,–ասաց Քոչարյանը։
Նրա խոսքով` օրեր առաջ իր մոտ է եղել «Հայաստան» խմբակցության պատգամավոր Գեղամ Նազարյանը, որն ասել է, թե չի կարող չմասնակցել նիստերին, քանի որ զավակ է կորցրել։
Անդրանիկ Քոչարյանը նշեց, թե գաղտնիության ամենաբարձր ռեժիմի պատկանող փաստաթղթերը հասանելի են լինելու հանձնաժողովին։ Նա հայտնեց նաև, որ այս պահին որևէ արտախորհրդարանական ուժ ներգրավված չէ հանձնաժողովի աշխատանքներին, չնայած նման ցանկություն հայտնածներ կան։
Լրագրողների հարցին, թե ՊՆ նախկին խոսնակ Արծրուն Հովհաննիսյանը, որը հիմա ԱԺ պաշտպանության հանձնաժողովի փորձագետ է` մասնակցելո՞ւ է 44-օրյա պատերազմի հանգամանքներն ուսումնասիրող աշխատանքներին` Քոչարյանը նշեց, որ նա մեծ տեղեկատվության է տիրապետում։ Ըստ Քոչարյանի` Հովհաննիսյանը շատ պետքական լինելու հանձնաժողովի աշխատանքների ընթացքում։
Անդրանիկ Քոչարյանը հայտնեց, որ վարչապետ Նիկոլ Փաշինյանը նույնպես կանչվելու է քննիչ հանձնաժողով։ Ըստ նրա` դա Նիկոլ Փաշինյանի ցանկությունն է։
Նախատեսված է, որ հանձնաժողովը իր աշխատանքները կիրականացնի 6 ամսում։
Նշենք, որ փետրվարի 10–ին հայտնի դարձավ, որ «Քաղաքացիական պայմանագիր» խմբակցության պատգամավորների նախաձեռնությամբ ՀՀ Ազգային ժողովում քննիչ հանձնաժողով է ստեղծվել։ Հանձնաժողովը ստեղծվել է 2020 թվականի սեպտեմբերի 27-ին սանձազերծված ռազմական գործողությունների հանգամանքներն ուսումնասիրելու նպատակով, տեղեկացնում է Sputnik Արմենիա-ն։
ПОСЛЕДНИЕ ОТ АВТОРА
-
New2025-06-04 15:01Азербайджанский «демократ» на конференции БДИПЧ ОБСЕ угрожал Армении. Об этом сообщает фонд «Гегард».
-
New2025-06-04 14:59В Грузии с 1 июля закрывается информационный центр НАТО и ЕС.
-
New2025-06-04 14:57Спецпредставитель президента США по Украине Кит Келлог выразил уверенность, что новые санкции США против России готовы. Как передает Арменпресс, об этом сообщил Fox News.
-
New2025-06-04 14:55В Национальном собрании продолжается обсуждение годового отчёта о выполнении государственного бюджета за 2024 год. Министр финансов Ваагн Ованнисян представил подробный доклад, в котором осветил основные макроэкономические показатели, структуру формирования доходов, направления налоговой и таможенной политики, а также данные по расходам и дефициту.