2022-02-15 16:37
Информагентства
Ուրցաձորի նախկին ղեկավարը իր թեկնածությունը կառաջադրի ընտրություններին
Ուրցաձորի նախկին վարչական ղեկավար Ռաֆիկ Անդրեասյանն իր թեկնածությունը կառաջադրի սպասվող ՏԻՄ նոր ընտրություններին։ Այս մասին այսօր՝ փետրվարի 15-ին, NEWS.am-ի հետ զրույցում ասաց Ռաֆիկ Անդրեասյանը։
Նշենք, որ Արարատի մարզի Վեդի համայնքի ժամանակավոր պաշտոնակատար Գարիկ Սարգսյանը մարտի 27-ին սպասվող արտահերթ ընտրություններից առաջ համայնքի կազմում ընդգրկված բնակավայրերում վարչական ղեկավարներ է նշանակել։ Այս նշանակումներով, Գարիկ Սարգսյանը, ըստ էության, ազատել է դեկտեմբերի 5-ին տեղի ունեցած ՏԻՄ համամասանական ընտրությունների արդյունքում իրեն պարտության մատնած համայնքապետերին։
«Որտեղ Անդրեասյանը 2015 թվականից իր աշխատանքով արևային կայաններ է նախատեսել, կոկորդիլոսաբուծը շրջում է և իր նշանակած վարչական ղեկավարի հետ կարմիր ժապավեն կտրում։ Իմ փոխարեն նշանակվել է մանկապարտեզի նախկին վարիչը։ Նա վերջին 2 տարում եղել է ՀՀԿ-ի վառ կարկառուն ներկայացուցիչ, նա դեմ է քվեարկել համայնքի բոլոր ծրագրերին և այսօր լենտ է կտրում։ Այդ ամենը մեր ընտրողների աչքիս չի վրիպի և ինչպես միշտ ես կանցնեմ։ Ես պատրաստ եմ նոր ընտրության»,- ասաց Ռաֆիկ Անդրեասյանը։
Անդրադառնալով իր որդու նկատմամբ առաջադրված մեղադրանքին, Անդրեասյանն ասաց. «Իմ որդին հանցագործություն չի կատարել։ Ոստիկանները չեն կարողանում գործ կարել»։
Նա նշեց, որ իր որդին շարունակում է կալանքի տակ մնալ։
Ավելի վաղ տեղեկացրել էինք, որ 2022թ. հունվարի 15-ին, Ուրցաձոր համայնքի նախկին ղեկավարի որդին, դժգոհելով հորը ոստիկանության բաժին բերման ենթարկելու հանգամանքից, իր կողմից վարած «Վազ 2121» մակնիշի ավտոմեքենայով դուրս էր եկել հանդիպակաց երթևեկելի գոտի և ավտոմեքենայի առջևի մասով հարվածել Ոստիկանության ծառայողական «Տոյոտա» մակնիշի ավտոմեքենայի առջևի մասին, ապա, իջնելով ավտոմեքենայից, սպառնացել էր ոստիկաններին՝ չենթարկվելով վերջիններիս օրինական պահանջներին:
Հիշեցնենք, որ դեկտեմբերի 5-ին Վեդի խոշորացված համայնքի ընտրություններին մասնակցում էին «Քաղաքացիական պայմանագիր», «Իմ հզոր համայնք» և «Հանրապետություն» կուսակցությունները։ Առավել շատ ձայներ էր ստացել «Իմ հզոր համայնքը», որի ընտրացուցակը գլխավորում էր Սիսավան համայնքի արդեն նախկին ղեկավար Սպարտակ Թարթիկյանը։ Այդ ցուցակում էր նաև Ռաֆիկ Անդրեասյանը։
Միանձնյա իշխանություն ձևավորել որևէ ուժ չկարողացավ, սակայն կոալիցիա ևս չկազմվեց։
Դեկտեմբերի 16-ին ավագանու «Հանրապետություն» և «Քաղաքացիական պայմանագիր» խմբակցությունների անդամները ինքնաբացարկ հայտնեցին և հրաժարվեցին մանդատներից, որից հետո էլ հայտարարվեց նոր ընտրություններ անցկացնելու մասին։ Իսկ տարեսկզբին, վարչապետի որոշմամբ, Վեդի համայնքի ղեկավարի պաշտոնակատար նշանակվեց Գարիկ Սարգսյանը, որը ընտրություններում գլխավորում էր ՔՊ–ի ցուցակը։
ПОСЛЕДНИЕ ОТ АВТОРА
-
New2025-06-12 15:51"Воздержусь от комментариев на эту тему – всё уже сказал Айк Мамиджанян", – заявил третий президент Армении Серж Саргсян, отвечая журналистам на вопрос о действиях фракции «Армения» в рамках процесса импичмента.
-
New2025-06-12 15:47Не знаю, в чем проблема, но фактом является то, что на данный момент под бланком процесса выражения вотума недоверия премьер-министру подписались лишь 6 депутатов. Об этом заявил в беседе с журналистами в Республиканском Пантеоне в парке имени Комитаса 12 июня выдвинутый парламентской фракцией «Честь имею» кандидат в премьер-министры Армении, глава укрупненной общины Масис Давид Амбарцумян.
-
New2025-06-12 15:42Совет управляющих МАГАТЭ одобрил резолюцию, согласно которой Иран не соблюдает свои обязательства в ядерной сфере, сообщает Associated Press (AP) со ссылкой на источники.
-
New2025-06-12 14:26С 8 по 11 июня 2025 года на Армянской атомной электростанции (ААЭС) состоялся предварительный визит Корпоративной партнерской проверки с участием экспертов Всемирной ассоциации организаций, эксплуатирующих атомные электростанции (ВАО АЭС).