Последние новости

Amnesty International-ը Պուտինի հայտարարությունից հետո կոչ է արել պահպանել մարդասիրական իրավունքը

Ռուսաստանի նախագահ Վլադիմիր Պուտինի՝ Ուկրաինայի արևելքում գտնվով ԴԺՀ և ԼԺՀ զորքեր մտցնելու հրահանգի հետ կապված լայնամասշտաբ հակամարտության հավանականությունը չափազանց բարձր է դարձել։ Նման համոզմունք է հայտնել Amnesty International-ի (AI) գլխավոր քարտուղար Անյես Կալամարը։

«Մի քանի շաբաթ տևողությամբ անարդյունք բանակցություններից հետո Ուկրաինայում քաղաքացիական անձանց պաշտպանությունն այժմ պետք է բացարձակ առաջնահերթություն դառնա», - նշել է նա։

«Կողմերը պետք է ձեռնպահ մնան արգելված զենք կիրառելուց»

AI-ն հակամարտության բոլոր կողմերին կոչ է անում խստորեն հետևել միջազգային մարդասիրական իրավունքին և մարդու իրավունքների միջազգային իրավունքին։

Կողմերը պետք է ապահովեն քաղաքացիական անձանց պաշտպանությունը, զերծ մնան անխնա հարձակումներից և արգելված զենքի կիրառումից, ինչպիսին է կասետային զինամթերքը, նշել են կազմակերպությունում։

«Մենք նաև կոչ ենք անում բոլոր կողմերին․․․ հեշտացնել մարդասիրական կազմակերպությունների մուտքը քաղաքացիական բնակչությանը օգնություն ցուցաբերելու համար, որը կարող է տուժել մարտական գործողությունների հետևանքով»,- հավելել են Amnesty International-ում։

AI-ը կշարունակի ուշադիր հետևել իրավիճակին՝ միջազգային իրավունքի հնարավոր խախտումները բացահայտելու նպատակով, տեղեկացնում է News.am։

    ПОСЛЕДНИЕ ОТ АВТОРА






    ПОСЛЕДНЕЕ ПО ТЕМЕ