Կարապետյան․ Երևանում ընդունված հայտարարությունն ակնհայտ հակառուսական է
Եվրանեսթ խորհրդարանական վեհաժողովի Բյուրոյի` Երևանում ընդունած հայտարարությունն ակնհայտ հակառուսական է՝ ՌԴ-ն որակվում է որպես ագրեսոր, քննադատվում է Դոնեցկի ու Լուգանսկի հանրապետությունների ճանաչումը։ Facebook–ի իր էջում նման գրառում է արել «Հայացք» վերլուծական կենտրոնի տնօրեն Աննա Կարապետյանը։
Նշենք, որ հայտարարության տեքստն արդեն իսկ հրապարակվել է։ Եվրանեսթում Հայաստանի պատվիրակության ղեկավար Մարիա Կարապետյանն ավելի վաղ հայտնել էր, որ կողմ չի քվեարկել հայտարարությանը։
«Այնտեղ խոսվում է Վրաստանի տարածքների «օկուպացիայի և անեքսիայի» մասին, կոչ արվում միավորվել ՌԴ հետագա ռազմական ագրեսիայի դեմ և այլն: Ընդգծվում է տարածքային ամբողջականության սկզբունքի կարևորությունը և ոչ մի խոսք ինքնորոշման իրավունքի, ոչ մի խոսք արցախյան հիմնախնդրի ու չլուծված հարցերի մասին: Ոչ մի խոսք ՀՀ սուվերեն տարածքի նկատմամբ այսօր առկա ագրեսիայի մասին»,–գրել է Աննա Կարապետյանը։
Նա հավելել է, որ այս հայտարարությունն ընդունվել է Երևանում, մարմնի կողմից, որում ՀՀ պատվիրակության ղեկավարն ունի հավասար ձայն և վետոյի իրավունք: Իսկ վերջինս, ըստ Աննա Կարապետյանի, նույնիսկ հստակ չի մեկնաբանել` ձեռնպա՞հ է մնացել, թե՞ չի քվեարկել:
«Մի բան պարզ է՝ դեմ չի քվեարկել և վետո չի կիրառել: Նշված փաստը և վերջին զարգացումները ցույց են տալիս, որ արտաքին գործընկերներից ոչ մեկը չի էլ փորձում հաշվի նստել Հայաստանի ազգային, պետական շահերի, հայ հանրության հույզերի հետ: Եվ սա գործող իշխանության ձեռագրի ու որդեգրած քաղաքականության ուղղակի արդյունքն է»,–իր խոսքն ամփոփել է Կարապետյանը։
Հավելենք, որ Երևանում ընդունված հայտարարության տեքստում ասվում է, մասնավորապես, որ դատապարտում են «Ուկրաինայի Դոնեցկի և Լուգանսկի մարզերի գրավյալ շրջանները որպես անկախ պետություն Ռուսաստանի կողմից ապօրինի ճանաչումը»։
Դա, ըստ հայտարարության, Մինսկի համաձայնությունների համատեքստում միջազգային իրավունքի և Ուկրաինայի տարածքային ամբողջականության աղաղակող խախտում է։
«Կոչ ենք անում մեր կառավարություններին` ԵՄ-ում և Արևելյան գործընկեր երկրներում այս հարցի առնչությամբ արձագանքել միասնական ձևով, հաստատակամությամբ և վճռականությամբ՝ ի նշան Ուկրաինայի հետ համերաշխության»,–ասվում է հայտարարության մեջ։
Նշվում է նաև, որ Ռուսաստանն անօրինական օկուպացրել է Վրաստանի տարածքների մի մասը։ Սա և Մոլդովայի հանրապետության Մերձդնեստրյան տարածաշրջանում չլուծված հակամարտությունը լուրջ վտանգ են ներկայացնում տարածաշրջանում և Եվրոպայում, տեղեկացնում է Sputnik Արմենիա-ն։
ПОСЛЕДНИЕ ОТ АВТОРА
-
New2022-10-06 06:28116Лидер партии «Единая Родина», военный и политический деятель Самвел Бабаян встретился с группой граждан в Степанакерте.
-
New2022-10-06 06:22117В суде общей юрисдикции города Еревана 5 октября изучили выступление премьер-министра Армении Никола Пашиняна о втором президенте РА Роберте Кочаряне, произнесенное 1 марта 2021 года.
-
New2022-10-06 06:19118История дипломатии не замечает визгов сиюминутных фальшивок, в истории остаются славные победы, подобные Мадридскому документу и Стамбульскому документу, а также, к сожалению, останутся предательские, уже подписанные, планируемые к подписанию на основе устных договоренностей трагические поражения. Так прокомментировал выступление в парламенте премьер-министра Никола Пашиняна координатор офиса второго президента Баграт Микоян.
-
New2022-10-06 06:15111Король Великобритании Карл III будет коронован 3 июня следующего года на церемонии в Вестминстерском аббатстве, сообщает Bloomberg со ссылкой на официальных лиц.
