2022-02-24 16:23
Информагентства
Եվրապատգամավոր․ Ղարաբաղի հարցը մնում է չլուծված
Անկախ Բաքվի միակողմանի հայտարարություններից՝ մենք պնդում ենք, որ պատերազմը առկա խնդիրների լուծում չէ։ Ղարաբաղյան հակամարտությունը լուծված չէ։ Այս մասին փետրվարի 24-ին Հայաստան-ԵՄ Խորհրդարանական գործընկերության կոմիտեի նիստի արդյունքներով ճեպազրույցի ժամանակ հայտարարեց հանձնաժողովի համանախագահ, Էստոնիան ներկայացնող Եվրախորհրդարանի պատգամավոր Մարինա Կալյուրանդը։
Նրա խոսքով՝ կոմիտեի այսօրվա նիստի շրջանակում կարևորվել է ԵԱՀԿ Մինսկի խմբի դիվանագիտական ջանքերի շարունակումը՝ ղարաբաղյան հարցի վերջնական և երկարաժամկետ լուծմանը հասնելու համար։
Կալյուրանդը նաև տեղեկացրեց, որ քննարկումների ընթացքում ընդգծվել է առանց բացառության բոլոր հայ գերիներին վերադարձնելու անհրաժեշտությունը։
«Մենք կշարունակենք դա պնդել այնքան ժամանակ, քանի դեռ Ադրբեջանի բանտերում պահվող Հայաստանի բոլոր քաղաքացիները չեն վերադարձվել հայրենիք։ Ռազմագերիները և առհասարակ մարդկային կյանքերը չեն կարող առևտրի առարկա լինել։ Ուստի ԵՄ-ն ողջունում է ականապատ դաշտերի քարտեզները տրամադրելու Երևանի քայլը»,- ասաց եվրապատգամավորը։
Բացի այդ, քննարկումների ընթացքում կողմերն անդրադարձան հայկական մշակութային ժառանգության պահպանության խնդրին, ինչպես նաև տարածաշրջանում ՅՈՒՆԵՍԿՕ-ի առաքելության աշխատանքն ապահովելուն ուղղված քայլերին։ Կալյուրանդը նշեց, որ քննարկել են նաև Հայաստանի և Ադրբեջանի հարաբերությունները, թե ինչպես առաջընթացի հասնել այդ հարաբերություններում, քննարկվել է նաև հաղորդակցությունների ապաշրջափակումը, երկաթուղու գործարկումը, ինչպես նաև այն միջոցառումները, որոնք կօգնեն աստիճանաբար հասնել համապատասխան լուծումների ձեռքբերման։
Նրա խոսքով՝ անդրադարձ է կատարվել նաև հայ-թուրքական հարաբերությունների կարգավորման խնդրին և այսօր Վիեննայում կայանալիք հատուկ բանագնացների հանդիպմանը։
Հայաստանը, նրա խոսքով, ԵՄ-ի կարևոր գործընկերն է։
«Մենք միշտ կլինենք Հայաստանի կողքին, կնպաստենք այստեղ իրականացվող բարեփոխումներին»,- շեշտեց պատգամավորը, տեղեկացնում է News.am-ը։
ПОСЛЕДНИЕ ОТ АВТОРА
-
New2025-07-14 05:5213 июля на Площади Свободы в Ереване продолжилась сидячая забастовка, инициированная Советом по защите прав арцахцев. Основное требование сидячей забастовки – решение экстренных проблем насильственно перемещенных жителей Арцаха.
-
New2025-07-14 05:48В Ереване в воскресенье начал работу XXII международный кинофестиваль «Золотой абрикос». Торжественное открытие главного армянского киносмотра проходит в Доме кино.
-
New2025-07-14 05:44Турция внимательно следит за начавшимися в Абу-Даби мирными переговорами между Арменией и Азербайджаном, заявил президент страны Реджеп Тайип Эрдоган в телефонном разговоре с с президентом ОАЭ шейхом Мухаммедом бин Заидом Аль Нахайяном, передает Анадолу.
-
New2025-07-14 05:43По одному представителю со стороны Израиля и протурецкого правительства Сирии встретились в Азербайджане в субботу, 12 июля, передает агентство AFP со ссылкой на источники в дипломатических кругах в Дамаске.