2022-03-16 18:45
Информагентства
Պուտին․ Ռուսաստանը մտադիր չէ օկուպացնել Ուկրաինան
Կիևի և Ուկրաինայի այլ քաղաքների մոտ ռուսական զորքերի հայտնվելը կապված չէ այդ երկիրն օկուպացնելու մտադրության հետ։ Մենք նման նպատակ չունենք։ Այս մասին հայտարարել է ՌԴ նախագահ Վլադիմիր Պուտինը։
Նրա խոսքով՝ Կիևի իշխանություններն այս տարիների ընթացքում ոչ միայն անտեսել, այլև սաբոտաժի են ենթարկել ճգնաժամի խաղաղ կարգավորման հարցով Մինսկի համաձայնագրերն ու հրաժարվել դրա իրականացումից։
«Նրանք նաև սկսել են ՆԱՏՕ-ին անդամակցելու ծրագրերի գործնական իրականացումը։ Ավելին, Կիևի իշխանությունները հայտարարում էին, որ մտադիր են ստեղծել սեփական միջուկային զենք և դրա մատակարարման համար միջոցներ։ Սա իրական սպառնալիք էր։ Արդեն տեսանելի ապագայում արտաքին տեխնիկական աջակցությամբ Կիևի նացիստամետ վարչակարգը կարող էր ձեռք բերել զանգվածային ոչնչացման զենքեր, և դրա թիրախը, իհարկե, կլիներ Ռուսաստանը։
Ուկրաինայում գործում էր նաև տասնյակ լաբորատորիաների ցանց, որտեղ Պենտագոնի ղեկավարությամբ և ֆինանսական աջակցությամբ իրականացվել են ռազմական-կենսաբանական ծրագրեր, այդ թվում՝ փորձեր կորոնավիրուսի, սիբիրախտի, խոլերայի, խոզերի աֆրիկյան ժանտախտի և այլ մահացու հիվանդությունների նմուշներով։ Այս գաղտնի ծրագրերի հետքերը այժմ ջանասիրաբար փորձում են քողարկել: Բայց մենք բոլոր հիմքերն ունենք ենթադրելու, որ Ռուսաստանի անմիջապես մոտակայքում՝ Ուկրաինայի տարածքում ստեղծվել են կենսաբանական զենքի բաղադրիչներ։
Մենք բազմիցս զգուշացրել ենք, որ իրադարձությունների նման զարգացումն ուղղակի վտանգ է ներկայացնում Ռուսաստանի անվտանգության համար։
Այսպիսով, դիվանագիտական բոլոր հնարավորությունները լիովին սպառվել են։ Պարզապես խնդիրները խաղաղ ճանապարհով լուծելու տարբերակ չեն թողել մեզ։ Եվ այս առումով մեզ ուղղակի ստիպեցին սկսել հատուկ ռազմական գործողությունը։
Կիևի և Ուկրաինայի այլ քաղաքների մոտ ռուսական զորքերի հայտնվելը կապված չէ այս երկիրն օկուպացնելու մտադրության հետ։ Մենք նման նպատակ չունենք, և ես դրա մասին ուղիղ հայտարարել եմ փետրվարի 24-ի իմ ուղերձում»,- ասել է Պուտինը, տեղեկացնում է News.am-ը։
ПОСЛЕДНИЕ ОТ АВТОРА
-
2025-07-28 19:43Антикоррупционный суд Республики Армения 25 июля вынес очередное решение в пользу прокуратуры по делу о защите государственных интересов.
-
2025-07-28 19:41Я больше не заинтересован в разговорах, заявил президент США Дональд Трамп в ответ на вопрос журналиста о том, может ли личная встреча с Путиным помочь достижению перемирия в Украине, передает BBC.
-
2025-07-28 19:40Австрийская энергетическая группа OMV заявила, что обнаружила загрязнение органическим хлоридом в партиях азербайджанской сырой нефти, запланированных к доставке на ее нефтеперерабатывающие заводы, добавив, что ей удалось предотвратить какие-либо сбои в поставках. Об этом сообщает Reuters.
-
2025-07-28 19:39Причиной сбоя в работе информационной системы «Аэрофлота» стала хакерская атака, сообщила Генпрокуратура. По материалам проверки возбуждено уголовное дело о неправомерном доступе к компьютерной информации (часть 4 статьи 272 УК).