2022-03-18 14:51
Соб.инф.
ՄԻՋԱԶԳԱՅԻՆ ՀԱՆՐՈՒԹՅՈՒՆԸ ՊԵՏՔ Է ԴԱՏԱՊԱՐՏԻ ԱԴՐԲԵՋԱՆԻ ԱՀԱԲԵԿՉԱԿԱՆ ՔԱՂԱՔԱԿԱՆՈՒԹՅՈՒՆԸ
Ստեփանակերտում կայացած միջազգային գիտաժողովի մասնակիցների հայտարարությունը
Մենք՝ Մեսրոպ Մաշտոց համալսարանում տեղի ունեցած «Կովկասյան տարածաշրջանի արդի հիմնախնդիրները. հնարավորություններ և մարտահրավերներ» թեմայով միջազգային գիտաժողովի գիտնականներս, հանդես գալով միասնական հայտարարությամբ, նպատակ ունենք միջազգային հանրության ուշադրությունը հրավիրել Արցախի Հանրապետությունում և Արցախի Հանրապետության՝ Ադրբեջանի կողմից բռնազավթված տարածքներում տիրող իրավիճակին:
Հայտարարությամբ արձանագրում ենք, որ
-2020 թ. աշնանն Ադրբեջանի կողմից Արցախի Հանրապետության դեմ իրականացված ռազմական ագրեսիան ուղեկցվել է Ադրբեջանի կողմից իրականացված ռազմական հանցագործություններով, քաղաքացիական բնակավայրերի և քաղաքացիական բնակչության թիրախավորմամբ, հայկական մշակութային ժառանգության թիրախավորմամբ և ոչնչացմամբ, Արցախի Հանրապետության տարածքների բռնազավթմամբ:
-2020 թ. նոյեմբերի 10-ին ՌԴ նախագահի, ՀՀ վարչապետի և Ադրբեջանի նախագահի ստորագրած Եռակողմ պայմանավորվածությունից և Արցախի Հանարապետությունում տեղակայված ՌԴ խաղաղապահ զորակազմի տեղակայումից հետո Ադրբեջանը չի հրաժարվել պետական մակարդակով խրախուսվող անպատժելի մնացած հայատյաց ահաբեկչական քաղաքականությունից, որի նպատակներից մեկն էլ ՌԴ խաղաղապահ առաքելության վարկանիշին հարվածելը և դուրս մղելն է:
-Ադրբեջանը շարունակում է ուժ կիրառել՝ թիրախավորելով շփման գծի մերձակայքի հայկական խաղաղ բնակավայրերը և քաղաքացիական բնակչությանը: Նախկինում փոքր տրամաչափի զինատեսակներով կրակոցներին վերջին շրջանում հաջորդել են խոշոր տրամաչափի զինատեսակների կիրառումը, մասնավորապես՝ ականանետային հարվածները: Նման գործելակերպի հետևանք են խաղաղ բնակիչների շրջանում ահաբեկման, սպանության և վիրավորման դեպքերը: Համատարած խախտումներ են արձանագրվել Արցախում ապրող մարդկանց իրավունքների հարցում։
-Ադրբեջանը չի խորշում նաև հումանիտար ճգնաժամ ստեղծելու գործելակերպից. վերջին օրերին ՀՀ-ից Արցախի Հանրապետությունը սնուցող միակ գազատարի վթարի վերականգնումը խոչընդոտվում է ադրբեջանական կողմից:
-Ադրբեջանն Արցախի Հանրապետության դեմ գործադրում է հոգեբանական ահաբեկչություն, մասնավորապես` շփման գծի մերձակա խաղաղ բնակավայրերի բնակչությանը պարբերաբար բարձրախոսներով կոչ է արվում անհապաղ լքել բնակավայրերը:
-Շարունակվում է Ադրբեջանի տեղեկատվական ահաբեկչությունը, որն արտահայտվում է հայկական տեղեկատվական կայքերի և սոցցանցային էջերի նկատմամբ ցանցահենային (հաքերային) հարձակումներով: Միաժամանակ Ադրբեջանի տեղեկատվական դաշտը շարունակում է մնալ հայատյացության քարոզչության դրսևորման գլխավոր հարթակ:
-Ադրբեջանի կողմից Արցախի Հանրապետության բռնազավթված տարածքներում պետական մակարդակով ամրագրված հայկական մշակութային ժառանգության ոչնչացման քաղաքականություն է իրականացվում:
Ադրբեջանը որևէ կերպ չի հրաժարվել հայատյացության քաղաքականության տեսական և գործնական դրսևորումներից: Ադրբեջանի կողմից պետական մակարդակով իրականացվող գործողությունները նպատակաուղղված են Արցախի Հանրապետության հայաթափմանը, առաջին իսկ հնարավորության դեպքում` նաև էթնիկ բնաջնջմանը:
Հաշվի առնելով ստեղծված իրողությունները՝ մենք՝ գիտական հանրույթի ներկայացուցիչներս, դիմում ենք միջազգային հանրությանը, կիրառելու բոլոր հնարավոր լծակները, Ադրբեջանի պետական ահաբեկչական քաղաքականությունը զսպելու նպատակով: Կոչ ենք անում ԵԱՀԿ Մինսկի խմբի համանախագահությանը վերագործարկելու ադրբեջանա-ղարաբաղյան հակամարտության կարգավորման գործընթացն իրենց իսկ կողմից ընդունված սկզբունքների հիմքով: Արցախի Հանրապետության ժողովրդի ինքնորոշման իրավունքի իրացումն այլընտրանք չունի:
Մեսրոպ Մաշտոց համալսարանը,
Արցախի Հանրապետություն, ք. Ստեփանակերտ, 12 մարտի, 2022թ.
ПОСЛЕДНИЕ ОТ АВТОРА
-
2025-06-07 09:13Артем Саркисович Саркисян родился в селе Чартар (Мартунинский район НКАО) в 1926 году. С отличием окончил среднюю школу в 1944 г., а потом в 1950 - физико-математический факультет Азербайджанского государственного университета. Далее последовал рывок в научной карьере.
-
2025-06-07 08:44«Продолжается опасная эскалация в конфликте вокруг Украины. Мир ждет, каким будет ответ России на нападение на ее стратегические аэропорты, - пишет на своей странице в Фейсбук доктор политологии Артур Хачикян. - После своего разговора с Путиным, Трамп заявил, что ответ будет жестким. Снова взорваны железнодорожные пути на территории России. Ведущий эксперт по международным отношениям Джон Миршаймер вчера заявил, что он видит растущую угрозу ядерной войны.
-
2025-06-05 18:29Однажды будет обнародовано, «дипломаты» каких стран готовили 1 марта, затем эвакуировали с места событий «стрелков» и визжащего из-за убийств на улице Никола, написал на своей странице в ФБ бывший депутат НС, кандидат исторических наук Мигран АКОПЯН. Он уверен, что выяснится также, почему то, что не сработало в 2008 году, получилось в 2018 году… Публикацию полностью приводим ниже.
-
2025-06-05 16:10Со 2 июня по 2 сентября Ардшинбанк проводит акцию «Cashback всем держателям Mastercard» отмечая лето еще одним приятным и полезным сотрудничеством.