2022-04-21 11:26
Информагентства
Արցախը չի կարող լինել Ադրբեջանի կազմում, Արցախի ժողովուրդն իր պատմական տարածքում պետք է ինքնորոշված լինի․ Սեյրան Օհանյան (տեսանյութ)
Արցախցին և հայ ժողովրդի մեծամասնությունը ցանկանում է, որ Արցախի ժողովուրդն իր պատմական տարածքում ինքնորոշված լինի իր բոլոր իրավունքներով, այս մասին Ազատության հրապարակում լրագրողների հետ զրույցում ասաց ԱԺ «Հայաստան» խմբակցության ղեկավար Սեյրան Օհանյանը՝ լրագրողների խնդրանքով մեկնաբանելով լուրը, որ Մոսկվայում Պուտին–Փաշինյան բանակցությունների ընթացքում վերջնական համաձայնություն է կայացվել ԼՂ հիմնահարցի շուրջ, թեև կառավարության մամուլի ծառայությունն ավելի ուշ խմբագրել է այդ հաղորդագրությունը և հանել «վերջնական» բառը։
«Արցախցին և հայ ժողովրդի մեծամասնությունը, գիտակից մասը մեր ժողովրդի ցանկանում է, որ Արցախի ժողովուրդն իր իսկ պատմական տարածքում ինքնորոշված լինի իր բոլոր իրավունքներով, և Արցախը նաև չի կարող լինել Ադրբեջանի կազմում, որովհետև, նախ՝ Արցախը Խորհրդային Միության փլուզման ժամանակահատվածում Ադրբեջանի հետ մեկտեղ ինքնորոշվել է, և Ադրբեջանի տարածքային ամբողջականությունը որևէ կապ չունի Արցախի հետ»,– ասաց նա։
Սեյրան Օհանյանը նշել է, որ Ադրբեջանն ինքը չի ցանկանում, որ Արցախն իր կազմում լինի։ «Որովհետև, եթե ցանկանար, նա իր գործողությունների մեջ կգնար խաղաղության։ Խաղաղության քողի տակ Ադրբեջանն անընդհատ շարունակում է ճնշումները Հայաստանի և Արցախի իշխանությունների վրա»,– ասել է նա։
Անդրադառնալով իշխանությունների նախաձեռնած խաղաղության օրակարգին, Սեյրան Օհանյանն ասել է, որ ոչ ոք չի ասում, որ տարածաշրջանում խաղաղություն չպետք է լինի, սակայն խաղաղության համար պետք լինեն պայմաններ։
«Խաղաղության համար նախ հայ–թուրքական հարաբերությունները հայ–ադրբեջանական հարաբերությունների հետ չպետք է կապեն, որովհետև հենց դա կապում են հայ–ադրբեջանական հարաբերությունների հետ, Ադրբեջանի տարածքային ամբողջականության ընդունմամբ մեծ քար ենք նետում Արցախի ճակատագրին, և նրա հեռանկարն անորոշ է դառնում։ Եվ մյուսը՝ նույն Ադրբեջանը, արդյո՞ք ցանկանում է ընդունել Հայաստանի տարածքային ամբողջականությունը։ Եթե Ադրբեջանը պատրաստ է ընդունել Հայաստանի տարածքային ամբողջականությունը, ապա օր առաջ իր զորքերը ՀՀ տարածքից, սահմաններից պետք է հետ քաշի։ Իհարկե, նաև մյուս նախապայմանները, որոնք մեզ համար անընդունելի են։ Օրինակ՝ Հայոց ցեղասպանության հարցը»,– ասաց նա։
News.am
ПОСЛЕДНИЕ ОТ АВТОРА
-
New2025-06-16 12:27Власти в лице Никола Пашиняна пытаются назначить виновных в собственных провалах. Об этом заявил архиепископ Аршак Хачатрян на проходящем в Ереване обсуждении, посвященном проблемам в отношениях государства и церкви.
-
New2025-06-16 12:16«Министр внутренних дел, открой глаза и посмотри на это. Это поведение полицейского или скотины? Ни достоинства, ни мужественности, ни намека на совесть. Если таковы представители вашей системы, значит, вы не министр, а менеджер преступной структуры», - написал в соцсети Фейсбук адвокат Роман Ерицян, комментируя скандальное поведение полицейского в ходе акции протеста жителей Касаха.
-
New2025-06-16 12:03Часть армянских грузов застряла в порту Бандар-Аббас и на дорогах в Иране. Об этом заявил министр экономики Армении Геворк Папоян, на обсуждении отчета о выполнении бюджета за 2024 год в комиссии парламента по экономическим вопросам, отвечая на вопрос одного из депутатов.
-
New2025-06-16 12:00Жертвами трех атак Израиля на Иран стали более 70 женщин и детей. Об этом сообщил представитель МИД исламской республики Исмаил Багаи.