2022-05-01 20:33
Информагентства
Իշխան Սաղաթելյանը դիմել է ՔՊ-ականներին
ՀՀ ԱԺ փոխխոսնակ, «Դիմադրություն» շարժման անդամ Իշխան Սաղաթելյանը շարունակում է կոչ անել Քաղաքացիական պայմանագիր խմբակցության պատգամավորներին` միանալ ժողովրդին։
Հայտնել ենք, որ մի քանի ժամ առաջ Սաղաթելյանը դիմելով ՀՀ ԱԺ «Քաղաքացիական պայմանագիր» խմբակցությանը` հայտարարել է, որ ՔՊ-ականներն այժմ պատմական և վերջին շանս ունեն` սխալն ուղղելու և կանգնելու ժողովրդի կողքին։ Որոշում կայացնելու համար Սաղաթելյանը 1-2 օր ժամանակ էր տվել։
«Մի քանի ոչնչություն արձագանքել են, ու հավանաբար Նիկոլն է տեքստերը գրել։ Նրանք վերջացած մարդիկ են ու հասկանում են, թե իրենց վերջը որտեղ է լինելու։ Այդ պատասխաններին չեմ արձագանքնելու, դրանք մեզ համար ոչինչ են։ Շարունակում եմ դիմել այն անձանց, ովքեր արյունոտված չեն, դավաճանության մեջ չեն ու չեն ցանկանում լինել, ապա պետք է միանան ժողովրդին։ Արձագանքողներին ուղղակի կասեմ` տղե՛րք, Նիկոլը փախչելու է, եթե ձեզ էլ խոսք է տվել, որ փրկելու է, ապա չի կարող այդքան անասուն տեղավորել իր նավի մեջ։ Չնայած Նիկոլն էլ չի հասցնելու փախչել»,- նշեց Սաղաթելյանը։
Նա զգուշացրեց, որ այն ՔՊ-ականները, որոնք բացասական արձագանք են տվել իր կոչին, պատասխան են տալու ամեն ասածի համար։
ԱԺ փոխխոսնակը հիշեցրեց, որ առավոտյան ժամը 11-ից բոլոր խմբերը քայլում են, արդեն 4 ժամ է, ինչ Ֆրանսիայի հրապարակում են, և այն պետք է մինչև վերջ պահել։
ՔՊ-ական պատգամավոր Վահագն Ալեքսանյանն՝ ի պատասխան Իշխան Սաղաթելյանի կոչի, «Ֆեյսբուքի» իր էջում գրել է. «Իմ անունից հայտնում եմ, որ դատապարտում եմ Հայաստանի տարբեր ջրավազաններ թափոններ, թունավոր քիմիկատներ և թմրադեղեր լցնելու բոլոր դեպքերը։ Սիրելի քաղաքացիներ, մտածեք ձկների և առհասարակ շրջակա միջավայրի առողջության մասին։ Հայաստանի Օլիմպիական կոմիտեին էլ իր հերթին կոչ եմ անում վերջիվերջո լրջորեն դիտարկել Իշխան Սաղաթելյանի թեկնածությունը Հայաստանի թեթև ատլետիկայի հավաքականում՝ որպես 100 մետր սպրինտի վազորդ։ Կարծում եմ՝ դրանով կօգնեք նրան վերջապես գտնել իր տեղը աշխատաշուկայում», տեղեկացնում է Sputnik Արմենիա-ն։
ПОСЛЕДНИЕ ОТ АВТОРА
-
New2025-06-14 14:06Российская сторона выражает признательность Азербайджану за оказанное содействие в возвращении на родину российских граждан, пребывавших в Иране в момент атаки Израиля. Об этом говорится в сообщении МИД РФ.
-
New2025-06-14 14:03Армия обороны Израиля (ЦАХАЛ) расширяет масштабы военной операции против ядерной программы Ирана и наносит удары по десяткам военных объектов. Об этом заявил советник канцелярии израильского премьера Бениамина Нетаньяху Дмитрий Гендельман.
-
New2025-06-14 14:02Депутат Государственной Думы и директор Института стран СНГ Константин Затулин прокомментировал усиливающуюся антироссийскую риторику Азербайджана. В интервью изданию «Свободная пресса» он отметил, что официальный Баку, используя любые поводы, стремится дискредитировать российскую позицию, особенно в контексте карабахского конфликта.
-
New2025-06-14 13:59В Израиле среди армян, к счастью, пострадавших нет. Об этом Новости Армении-NEWS.am сообщил архимандрит (вардапет) Эммануэл Атаджанян.