2022-05-11 15:27
Информагентства
Փաստաբան․ Գործում քրեական իրավունք չկա, սա ՔԿ-ի կողմից պատժիչ գործողություն է
Խուլիգանություն կատարելու հատկանիշներով կալանավորված Դավիթ Ավագյանի փաստաբան Մհեր Հակոբյանի համոզմամբ՝ Ավագյանին մեղադրանք է առաջադրվել փողոց փակելու համար, որի նպատակը ակցիայի մյուս մասնակիցների աչքը վախեցնելն է։
«Քննչական կոմիտեն նրան մեղադրանք է առաջադրել խուլիգանություն կատարելու հոդվածով: Սակայն, փաստացի, Դավիթ Ավագյանին մեղադրանք է առաջադրվել փողոց փակելու համար, դա մյուսների աչքը վախեցնելու համար է, այդտեղ խուլիգանություն չկա։ Այս գործում քրեական իրավունք չկա, սա քննչական կոմիտեի կողմից պատժիչ գործողություն է։ Երևի հանձնարարություն կա, ով աչքի է ընկնում, բռնում, հետո մի ամսով կալանավորում են»,– NEWS.am-ի հետ զրույցում ասաց Մհեր Հակոբյանը։
Նշենք, որ Դավիթ Ավագյանը մայիսի 2–ին վարչապետ Նիկոլ Փաշինյանի հրաժարականի պահանջով մասնակցել էր Երևանում անցկացվող անհնազանդության ակցիաներին։ Երկու օր անց՝ մայիսի 4–ին, կարմիրբերետավորները Ավագյանին բերման էին ենթարկել Կիևյան կամրջի մոտից։ Ըստ փաստաբանի՝ Արաբկիրի ոստիկանության բաժնում գրել են, որ Դավիթ Ավագյանին բերման են ենթարկել խուլիգանություն կատարելու կասկածանքով։
Ըստ ոստիկանության, Դավիթ Ավագյանին ձերբակալելու հիմք էր հանդիսացել այն հանգամանքը, որ նա չունի բնակության մշտական հասցե։
Մհեր Հակոբյանի խոսքով՝ Դավիթը Հադրութից է, պատերազմի հետևանքով կորցրել է տունն ու տեղափոխվել Երևան:
Երևան քաղաքի առաջին ատյանի ընդհանուր իրավասության դատարանը ավելի վաղ ոչ իրավաչափ էր ճանաչել ձերբակալումը, սակայն բավարարել էր ՔԿ–ի միջնորդությունը և մեկ ամսով կալանավորել ակցիայի մասնակից Դավիթ Ավագյանին։
Փաստաբանը բողոքարկել է դատարանի որոշումը։ Ըստ Հակոբյանի՝ գործը նախաքննության փուլում է, քննչական գործողություններ չեն կատարվել։
ПОСЛЕДНИЕ ОТ АВТОРА
-
New2025-06-13 06:08Решение о возможном нападении Израиля на Иран зависит конкретно от премьера еврейского государства Биньямина Нетаньяху. Об этом сказал Sputnik Армения научный сотрудник аналитического центра APRI, востоковед Сергей МЕЛКОНЯН на полях форума APRI-2025 в Ереване.
-
2025-06-12 19:45Иранские СМИ опубликовали первую серию документов, полученных от израильского режима.
-
2025-06-12 19:44Полиция Индии пока обнаружила двух выживших при крушении самолета, передает агентство ANI со ссылкой на комиссара полиции Ахмедабада Гьянендру Сингха Малика.
-
2025-06-12 19:37Армянский народ остановил даже русского царя, остановит и предателя Никола Пашиняна, написал в соцсети первый президент Армении Левон Тер-Петросян, комментируя ситуацию вокруг ААЦ.