2022-05-31 09:11
Ара МЕЛИКСЕТЯН
560 ՖՈՒՏԲՈԼԱՅԻՆ ԴԱՇՏ՝ ԿԵՍ ՏԱՐՎԱ ԸՆԹԱՑՔՈՒՄ
Հայաստանի ԱԳՆ-ը կրկին առաջարկել է Ադրբեջանին հայելային կերպով հետ քաշել զորքերը, հաղորդում է Sputnik Արմենիան: ՀՀ արտաքին քաղաքական գերատեսչությունը դատապարտել է հրադադարի ռեժիմի խախտումը, որի հետևանքով զոհվել է շարքային Դավիթ Վարդանյանը: ԱԳՆ-ը ուշադրություն է հրավիրում այն հանգամանքի վրա, որ դրան նախորդել են Ադրբեջանի նախագահի ապակառուցողական և ռազմատենչ հայտարարությունները, այդ թվում՝ նկրտումները Հայաստանի ինքնիշխան տարածքի նկատմամբ:
«Այս առումով ցանկանում ենք հիշեցնել, որ Ադրբեջանի ԶՈՒ ստորաբաժանումները 2021թ. մայիսից Սոթք-Խոզնավար հատվածում ապօրինի կերպով ներխուժել են Հայաստանի Հանրապետության ինքնիշխան տարածք և օկուպացրել ավելի քան 45 քառակուսի կիլոմետր տարածք», - ասվում է հայտարարության մեջ:
Մայիսի 28-ի սադրանքը և համանման նախորդ միջադեպերը, հրադադարի ռեժիմի խախտման փաստերը, ԱԳՆ-ի պնդմամբ, ևս մեկ անգամ հիմնավորում են Հայաստան-Ադրբեջան սահմանագծից զորքերի հայելային հետքաշման անհրաժեշտությունը, ինչի մասին հայկական կողմը բազմիցս բարձրաձայնել է:
ԲԱՅՑ ԱՆՀՆԱՐ Է ԼՌԵԼ. առհասարակ ե՛վ մայիսի 28-ի սադրանքը, և՛ հրադադարի ռեժիմի նախորդ խախտումները հիմնավորում են միանգամայն այլ բաներ։ Օրինակ՝ այն, որ այսպիսի ագրեսիվ հարևանի առկայության պարագայում խաղաղության տխրահռչակ հայկական օրակարգը բացարձակապես իրատեսական չէ։ Կամ՝ որ Ադրբեջանի հետ ընդհանրապես հնարավոր չէ որևէ բանի շուրջ պայմանավորվել, առավելևս՝ գործող հայկական իշխանությունը, որի հետ ցանկացած պայմանավորվածության վրա Ալիևը բացահայտ թքած ունի։
Ինչ վերաբերում է զինվորական ստորաբաժանումների հայելային հետքաշման գաղափարին, ինչին համաձայնել Բաքվում չեն ցանկանում, ապա դա բոլորովին չի համապատասխանում հայկական շահերին, ինչի մասին բազմիցս խոսվել է փորձագետների կողմից: Այստեղ նույնիսկ փորձագետ լինելու կարիք էլ չկա։ Բավական է լինել Հայաստանի քաղաքացի և ունենալ պարզ տրամաբանություն։ Զորքերի հայելային հետքաշումը Հայաստանի ինքնիշխան տարածքում ադրբեջանական ստորաբաժանումների գտնվելու պայմաններում ենթադրում է, պատկերավոր ասած, երկու կողմերի հետընթաց քայլ։ Միայն թե ադրբեջանցիները, անելով այդ քայլը, այդուհանդերձ մնում են հայկական տարածքում, իսկ հայկական ստորաբաժանումները՝ կրկին նահանջում։ Այսինքն երկու քայլերն էլ արվում են մեր ինքնիշխան տարածքում, ինչը, բնականաբար, շատ հեռու է Հայաստանի շահերից։
Երևանի առաջարկած հայելային բանաձևն, ըստ էության, ձեռնտու է Բաքվին։ Այդուհանդերձ հայկական իշխանությունն ակտիվորեն առաջ է մղում դա՝ մեր հողից զավթիչներին պարզապես վռնդելու փոխարեն։ Կամ առնվազն հայտարարելու, որ դուրս է գալիս ցանկացած բանակցություններից, քանի դեռ ադրբեջանցիները չեն դեօկուպացրել Հայաստանի ինքնիշխան տարածքը։ Ասենք, ինչպես նշեցինք վերը, այդպես մտածելու համար պետք է լինել Հայաստանի քաղաքացի և տրամաբանություն ունենալ։ Ո՛չ մեկը, ո՛չ մյուսը գործող հայկական իշխանության ներկայացուցիչների հետ, թերևս, որևէ առնչություն չունի։
Բայց ՀՀ ԱԳՆ-ի այս հայտարարության մեջ այնուամենայնիվ այլ բան է հետաքրքիր։ Բանն այն է, որ տեքստում ընդգծվում Է Ադրբեջանի կողմից հայկական 45 քառ.կմ տարածքի բռնազավթումը։ Դեռևս կես տարի առաջ այդ թիվը պաշտոնապես կազմում էր 41 քառակուսի կիլոմետր։ Այսպես, նախորդ տարվա նոյեմբերին Նիկոլ Փաշինյանը Անվտանգության խորհրդի նիստում հայտարարեց. «Սույն թվականի մայիսի 12-ին մեկնարկած ագրեսիվ գործողությունների հետևանքով Ադրբեջանն օկուպացրել է Հայաստանի շուրջ 41 քառակուսի կիլոմետր ինքնիշխան տարածք»։ Այսօր՝ Փաշինյանի այդ խոսքերից 6 ամիս անց, ՀՀ ԱԳՆ-ը հայտնում է, որ օկուպացված է արդեն 45 քառակուսի կիլոմետր տարածք։ Այսինքն մինչ Երևանը բացում էր «խաղաղության դարաշրջանը», որպես բարի կամքի քայլ Բաքվին նվիրում ականադաշտերի քարտեզները, բացում իր երկինքը (կրկին իսկ առանձնահատուկ մարդասիրությունից ելնելով) Ադրբեջանի և Նախիջևանի միջև օդային հաղորդակցության համար, ադրբեջանական զինվորական ստորաբաժանումները շարունակում էին ներխուժել մեր տարածք…
Երբ հնչում են ձայներ, որոնք պնդում են, որ այս իշխանության ու նրա խաղաղ օրակարգի օրոք ադրբեջանական ռազմական ստորաբաժանումները շատ շուտով կհայտնվեն Երևանի մատույցներում, շատերին թվում է, թե խնդիրն ուռճացվում է։ Ամենևին։ Փաշինյանի «խաղաղության դարաշրջանի» կոնկրետ կես տարում Հայաստանը զիջել է իր տարածքի ևս 4 քառակուսի կիլոմետր։ Առանց պատերազմի և առանց չնչին իսկ դիմադրության։ Այսպիսի տեմպերով և այսպիսի խաղաղության պարագայում ադրբեջանցիները շուտով կվռնդեն երևանցիներին իրենց բնակարաններից։ Հարց. ո՞վ է դրա գլխավոր պատասխանատուն ու մեղավորը։ Ո՞վ է աջուձախ բաժանում հայկական հողերը՝ լինելով մեր երկրի տարածքային ամբողջականության երաշխավորը։
Հարցերը, թեպետ, հասցեագրված են նրանց, ովքեր անցած տարվա հունիսին «պողպատե մանդատն» ու երկրի կառավարման ղեկը հերթական անգամ դրեցին պրոֆեսիոնալ կապիտուլյանտի ձեռքը։ Հենց պրոֆեսիոնալ, քանզի Փաշինյանի ու իր թիմի մշտական «հաջողակությունը» կապիտուլյանտային գործերում, քրոնիկական նահանջը թշնամու առջև, դա արդեն բնավ սիրողական մակարդակ չէ։ Դա պրոֆեսիոնալիզմ է։
Հաճախ տարածքի մեծությունն ավելի ակներև ներկայացնելու համար օգտագործվում է համեմատությունը ֆուտբոլային դաշտի հետ։ Ահա ուրեմն, միայն անցած տարվա նոյեմբերից մինչև ընթացիկ տարվա մայիս Հայաստանը Ադրբեջանին է զիջել 560 ֆուտբոլային դաշտի չափով տարածք…
ПОСЛЕДНИЕ ОТ АВТОРА
-
2025-02-22 09:42То, что происходило вечером в четверг в Ереване, многие называли транспортным коллапсом. Отчасти это верное определение. Но только отчасти. На самом деле столица в очередной раз столкнулась с коллапсом системы управления, по сути приведшей к локдауну. Утром в пятницу практически не работал наземный транспорт, были отменены занятия в школах и вузах, работодателей власть призвала перейти на «удаленку». Разве не напоминает локдаун эпохи ковида? Только вот тогда в страну пришла глобальная проблема опасной пандемии, уносящей сотни тысяч человеческих жизней по всему миру, а сейчас просто выпал снег. Причем снег выпал зимой. Причем за несколько дней до этого все знали о грядущем изменении погоды…
-
2025-02-21 10:07Правительство Армении одобрило законопроект, предлагающий увеличить допустимый лимит штрафных баллов для водителей с 9 до 13, передает Sputnik Армения.
-
2025-02-20 09:12Чем больше представители правительства Армении и ее начальник пытаются продвигать идею всеобщей декларации доходов, тем меньше остается оснований считать внедрение этой системы разумным, актуальным, оправданным. Уж лучше бы совсем молчали, нежели пиарили новшество так, как это делают сейчас. Для них лучше - для тех, кто хочет навязать обществу очередной бредовый план. Тем не менее, они молчать не хотят и постоянно приводят какие-то аргументы в поддержку практики декларирования доходов населения, которые на самом деле становятся контраргументами.
-
2025-02-19 09:43Министр экономики Армении Геворг Папоян опроверг распространяющуюся информацию о том, что внешний долг Республики Армения достиг $12 миллиардов. Как сообщает Арменпресс, об этом министр сказал в видео, опубликованном на его странице в Facebook, передает Арменпресс. «В последнее время я получаю от вас много писем, комментариев на страницах в социальных сетях и беспокойств по поводу того, что мы будем делать или как так получилось, что внешний долг Республики Армения составил $12 миллиардов. Уважаемые соотечественники, внешний долг Республики Армения составляет не $12 миллиардов, внешний долг Республики Армения составляет $5 миллиардов 962 миллиона. Люди, которые распространяют эту цифру в $12 миллиардов, либо не информированы, либо намеренно манипулируют, чтобы получить политические дивиденды, предоставляя вам неверную информацию», - сказал Папоян.