2022-06-03 15:28
Информагентства
Ադրբեջանի կողմից հայկական կրոնական ժառանգության ոչնչացումը՝ ԱՄՆ Պետդեպի նոր զեկույցում
Միջազգային կրոնական ազատության մասին 2021 թվականի զեկույցում ԱՄՆ Պետդեպարտամենտը փաստում է Ադրբեջանի կողմից հայկական հուշարձանների շարունակական ոչնչացումը և անդրադառնում հայկական ժառանգությունը «ալբանականացնելու» փորձերին։
Զեկույցում նշվում է, որ ըստ հայ առաքելական եկեղեցու մի եպիսկոպոսի՝ մայիսից ադրբեջանական կառավարությունը մերժել է հայ ուխտավորների մուտքը վանք այն տարածքում, որը 2020 թվականի պատերազմից հետո գտնվում է Ադրբեջանի վերահսկողության տակ։
Զեկույցը հղում է կատարում 2021 թվականի սեպտեմբերի 27-ին Եվրոպայի խորհրդի խորհրդարանական վեհաժողովի (ԵԽԽՎ) կողմից ընդունված բանաձևին, որում դատապարտել է 6-շաբաթյա պատերազմի ընթացքում մշակութային ժառանգությանը միտումնավոր պատճառված վնասը և Շուշիի Ղազանչեցոց տաճարի, ինչպես նաև այլ եկեղեցիների ու գերեզմանատների ավերումը կամ վնասումը հակամարտության ընթացքում և դրանից հետո։
Բանաձևում նաև ասվում է, որ ԵԽԽՎ-ն «նախկին ավերածությունների լույսի ներքո մտահոգված է Ադրբեջանի վերահսկողության տակ գտնվող տարածքներում բազմաթիվ հայկական եկեղեցիների, վանքերի, ներառյալ Դադիվանքի վանական համալիրի, խաչքարերի և մշակութային ժառանգության այլ ձևերի ապագայով»:
«Տարվա ընթացքում բազմաթիվ հաղորդումներ եղան հայկական մշակութային և կրոնական վայրերի վանդալիզմի և ոչնչացման, ինչպես նաև կառավարության կանխամտածված գործողությունների մասին՝ խզելու և խեղաթյուրելու կրոնական վայրերի կապը հայկական ժառանգության հետ: Կառավարության գործողություններն ու հռետորաբանություններն այն մասին, թե եկեղեցիները «ալբանական» են, դրդեցին միջազգային դիտորդներին, հայ պաշտոնյաներին, քաղաքացիական հասարակության ներկայացուցիչներին և Հայ Առաքելական Եկեղեցուն լուրջ մտահոգություններ հայտնել հայկական ժառանգության պահպանման վերաբերյալ»,-նշվում է Պետդեպի զեկույցում:
Զեկույցում անդրադարձ է կատարվում նաև Art Newspaper հոդվածին, որտեղ մանրամասն նկարագրված են Նախիջևանի Ագուլիս քաղաքի միջնադարյան հայկական եկեղեցիների ավերածությունները:
ArmRadio.am
ПОСЛЕДНИЕ ОТ АВТОРА
-
2025-06-14 15:51Верховный лидер Ирана Али Хаменеи назначил Маджида Мусави командующим военно-космическими силами Корпуса стражей исламской революции Ирана, отвечающими за ракетный потенциал республики.
-
2025-06-14 15:48Иран официально уведомил Францию, Великобританию и США о том, что он начнет очень масштабные атаки против Израиля, сообщает Telegram-канал Mehr.
-
2025-06-14 15:47Азербайджан ожидает от Армении конкретных шагов по реализации Зангезурского коридора, который имеет стратегическое значение для всего региона. об этом заявил помощник президента Азербайджана Хикмет Гаджиев, выступая на панельной дискуссии «Средний коридор: новая геополитическая и экономическая линия жизни» в рамках форума GLOBSEC-2025.
-
2025-06-14 15:44Все представители Ирана, участвовавшие в переговорах с США по ядерной сделке, были убиты в ходе ударов Израиля по иранской территории. Об этом рассказал президент США Дональд Трамп в разговоре с журналисткой CNN Даной Баш.