2022-06-03 16:26
Информагентства
Միրզոյանը Տոյվո Կլաարին՝ Իրականությանը չհամապատասխանող մեկնաբանություններն անթույլատրելի են
Հունիսի 3-ին ՀՀ արտաքին գործերի նախարար Արարատ Միրզոյանն ընդունել է Հարավային Կովկասում և Վրաստանի ճգնաժամի հարցերով ԵՄ հատուկ ներկայացուցիչ Տոյվո Կլաարին:
ԱԳՆ-ից NEWS.am-ին հայտնում են, որ Արարատ Միրզոյանը ներկայացրել է Հայաստանի դիրքորոշումը՝ տարածաշրջանային խաղաղության ու կայունության հաստատման և Լեռնային Ղարաբաղի հակամարտության խաղաղ կարգավորման վերաբերյալ և այս համատեքստում վերահաստատել ԵԱՀԿ Մինսկի խմբի համանախագահության աշխատանքների վերականգնման կարևորությունը։
Կողմերը քննարկել են բրյուսելյան հանդիպումների արդյունքներով ձեռք բերված պայմանավորվածությունների իրականացման ընթացքը: Նախարար Միրզոյանն ընդգծել է պայմանավորվածությունների կամայական, իրականությանը չհամապատասխանող մեկնաբանությունների անթույլատրելիությունը և կարևորել կառուցողական մթնոլորտի ապահովմանն ուղղված հռետորաբանության և գործնական քայլերի անհրաժեշտությունը։
Զրուցակիցները մտքեր են փոխանակել սահմանազատման և սահմանային անվտանգության հանձնաժողովի աշխատանքների, տարածաշրջանի տնտեսական և տրանսպորտային ենթակառուցվածքների ապաշրջափակման հետ կապված հարցերի շուրջ։
Նախարար Միրզոյանն անընդունելի է համարել ռազմատենչ հայտարարությունների և սահմանային սադրանքների միջոցով Հարավային Կովկասում իրավիճակը ապակայուցանցնելու Ադրբեջանի շարունակական փորձերը։
ПОСЛЕДНИЕ ОТ АВТОРА
-
New2025-06-13 11:44Военные удары израильских сил по Тегерану унесли жизни по меньшей мере шести иранских ученых-ядерщиков, сообщает Tasnim.
-
New2025-06-13 11:42Армения проголосовала за резолюцию Генассамблеи ООН, требующую немедленного прекращения огня в секторе Газа. Об этом сообщает пресс-служба организации.
-
New2025-06-13 11:40В воскресенье было объявлено о проведении шестого раунда переговоров между США и Ираном. А Израиль напал на ИРИ, чтобы сорвать эти переговоры и втянуть США и Иран в войну. Об этом заявил в беседе с корреспондентом Новости Армении – NEWS.am иранский аналитик Пуйя Хоссейни.
-
New2025-06-13 11:39Тегеран запросил экстренное заседание Совбеза ООН в связи с ударами Израиля по Ирану, передает агентство IRNA.