Последние новости

ՄԱԿ-ը Սյունիքում գրասենյակներ է բացում, Իրանը` հյուպատոսարան

Սյունիքի մարզպետ Ռոբերտ Ղուկասյանն ի պաշտոնավարման 100 օրվան նվիրված ասուլիսում ի թիվս այլ հարցերի պատասխանեց նաև վերջին շրջանում ԱՄՆ-ի ու ԵՄ երկրների դեսպանների հաճախակիացած այցերի մասին հարցին։

«ԱՄՆ-ի հետ ՀՀ-ը բազմաթիվ ծրագրեր է իրականացնում, որոնց շրջանակներում ԱՄՆ դեսպանն այցելել էր Սյունիքի մարզ։ Նույն օրը կամ նախորդ օրը, եթե չեմ սխալվում, ԵՄ դեսպանն էր եկել` 6 երկրների դեսպանների հետ։ Հանդիպմանը քննարկվել են մարզի սոցիալ-տնտեսական տարբեր ծրագրեր։ Մենք պայմանագիր ունենք կնքած Պարենի համաշխարհային ծրագրի հետ` շուրջ 4 մլն ԱՄՆ դոլարի, և իրենց ներկայացուցիչը գտնվում է մարզպետարանում, տրամադրվել է տարածք։ Շուտով նաև ՄԱԿ-ի Զարգացման ծրագիրը կունենա գրասենյակ, կնքվել են համագործակցության հուշագրեր»,- ասաց մարզպետը։

Ղուկասյանը նաև նշեց, որ հանդիպումներ է ունեցել նաև ՌԴ և Իրանի դեսպանների հետ։ Իրանն առաջիկայում Կապանում հյուպատոսարան է հիմնելու։

«Բոլոր այն երկրները, որ կուզեն Սյունիքի համար ծրագրեր իրականացնել, մենք միշտ պատրաստ ենք իրենց հետ աշխատել»,- ասաց Ղուկասյանը։

Սյունիքի մարզպետը նշեց, որ դիվանագետների այցերն այսքանով չեն ավարտվում։ Առաջիկայում նախանշված են ևս 4 դեսպանների այցեր մարզ, որոնց օրակարգում դարձյալ մարզի սոցիալ-տնտեսական հարցերն են լինելու։

Sputnik Արմենիա

ПОСЛЕДНИЕ ОТ АВТОРА

ПОСЛЕДНЕЕ ПО ТЕМЕ