2022-06-16 09:11
Информагентства
0
Արտակ ԶԱՔԱՐՅԱՆ․ ԵԼՈՒՅԹԴ ԽՈՍՈՒՄ ԷՐ ՔՈ ՏԽՐԱՀՌՉԱԿ ԻՇԽԱՆՈՒԹՅԱՆ ՑԱՅՏՆՈՏԻ ՄԱՍԻՆ
Պաշտպանության նախկին փոխնախարար, ՀՀԿ խորհրդի անդամ Արտակ Զաքարյանն անդրադարձել է խորհրդարանում վարչապետ Նիկոլ Փաշինյանի ելույթին։
«Կապիտուլյանտ Նիկոլն այսօր պառլամենտում կրկին հիշել է Սերժ Սարգսյանի խոսքերը, բայց քանի որ ազնիվ չէ, ու չի էլ կարող լինել, փորձել է հերթական անգամ Արցախի հարցում իր դավադիր ձախողումները կապել նախկին տարիների հետ»:
Ողորմելի ու խղճուկ են Նիկոլի արդարացումները, իսկ քաղաքական տգիտությամբ ու ադրբեջանահաճո քայլերով միտումնավոր բերած իր պարտությունը ոչ մի արդարացում չունի:
5000 զոհերը, 9500 ք/կմ կորցված տարածքը, միլիարդավոր դոլարների կորուստները, բանակն ավիրելու, պետությունը քայքայելու, Հայաստանն աշխարհում թուրքերի կամակատար դարձնելու մեղքն ու քաղաքական պատասխանատվությունը Նիկոլի ու իր խունտայի վրա է:
Մենք բազմաթիվ անգամ ասել ենք, որ պատրաստ ենք կրել մեր բաժին պատասխանատվությունը մեր տարիների իշխանության համար, բայց ոչ երբեք թրքահաճո ՔՊ-ականների ու դավադիր Նիկոլի կործանարար գործողությունների համար:
Դու եթե Սերժ Սարգսյանի, Ռոբերտ Քոչարյանի, Լևոն Տեր Պետրոսյանի կառավարչական ու քաղաքական կարողությունների 1 տոկոսի չափ խելք և հմտություն ունենայիր, այսօր այդ ամբիոնից ոչ թե ամոթալի ու կեղծ արդարացումներից կխոսեիր, այլ քո ձեռքբերումներից, որոնք գոյություն չունեն ոչ մի ոլորտում:
Դո'ւ ես խաբել ու մոլորեցրել հայ ժողովրդին՝ օտարածին կառույցների օգնությամբ, 2018թ. զավթել իշխանությունը և երկիրը հասցրել այս վիճակին: Ոչ ոք քեզ չէր խնդրում գալ և «փրկել» Արցախը «նախկիններից»: Երբ 2018թ. ապրիլին Սերժ Սարգսյանն ասում էր, որ Ադրբեջանի ապակառուցողական գործողությունները բանակցային հույս չեն ներշնչում, նկատի չուներ, որ քեզ նման մեկը պետք է գա և ծնկաչոք անի Հայաստանն ու Արցախը:
Նիկո՛լ, դու երևի մոռացել ես նաև, որ դու էիր Ալիևին ասում, որ կառուցողական ու կիրթ մարդ է: Նաև մոռացել ես, որ քո սիրելի Ալիևը քեզ էր ծաղրում՝ ասելով՝ «ի՞նչ եղավ, Փաշինյան»:
Դո՞ւ չէիր, որ ասում էիր՝ ինչ պետք է այն էլ բանակցում ես՝ առանց պարզաբանելու թե ի՞նչ ես բանակցում: Դո՞ւ չէիր, որ ՀԱՊԿ-ի միջազգային հեղինակութունը դրեցիր վատ վիճակի մեջ՝ հանիրավի բերման ենթարկելով նրա գլխավոր քարտուղարին: Դո՞ւ չէիր հրապարակել մյունխենյան հիմար սկզբունքները, որով վերջնականապես արժեզրկեցիր ԵԱՀԿ ՄԽ դերն ու նշանակությունը, թե՞ դա էլ էր Սերժ Սարգսյանն արել: Իսկ գուցե Սերժ Սարգսյա՞նն է ասել, որ միջազգային հանրությունը ստիպում է իջեցնել Արցախի կարգավիճակի նշաձողը, թե՞ էլի դու էիր: Իսկ ո՞վ էր Ստեփանակերտում գոչում, որ Արցախը Հայաստան է և վերջ, իսկ հիմա վախենում է անգամ Արցախ գնալ:
Երևի ես եմ սևացրել, պախարակել, «գող» ու «ավազակ» անվանել այն գեներալներին ու հրամանատարներին, ովքեր գիտեին՝ ինչպես կռվել Ադրբեջանի դեմ ու ինչպես պաշտպանել սեփական երկիրը:
Նիկո՛լ, հավատա, մարդկայնորեն հասկանում եմ քեզ, նաև պառլամենտում այսօրվա քո ելույթի իմաստը: Դու այլ տարբերակ այսօր ուղղակի չունես և ստիպված փորձեր ես անում քո ձախողումները ուրիշների վրա գցել: Դա մարդկային հոգեբանության մի մասն է, հատկապես, որ դու ուժեղ ու պատասխանատու մարդ չես: Թույլ մարդու համար միշտ էլ մեղավոր են ուրիշները:
Այսօրվա քո ելույթը խոսում էր նաև քո տխրահռչակ իշխանության ցայտնոտի մասին: Ոչ մի խոսք չասացիր ապագայի մասին, Արցախի մասին, հայ ժողովրդի վաղվա օրվա մասին, որովհետև դու էլ գիտես, հասկացել ես, որ ասելիք ուղղակի չունես:
Քեզ մնացել է ընդամենը ժամանակ ձգել, որն աշխատում է ի վնաս Հայաստանի»,- ֆեյսբուքյան իր էջում գրել է Արտակ Զաքարյանը:
ПОСЛЕДНИЕ ОТ АВТОРА
-
New2024-11-25 17:21Вопрос о развертывании ракет средней и меньшей дальности (РСМД) зависит от решений США, Россия не исключает, что ракеты могут появиться в Азиатско-Тихоокеанском регионе. Об этом сегодня, 25 ноября, заявил замглавы МИД РФ Сергей Рябков.
-
New2024-11-25 17:19Армения не будет участвовать в мероприятиях ОДКБ в Астане 28 ноября, однако Ереван не возражает против того, чтобы запланированные документы на этих заседаниях были приняты, сообщил РИА Новости постпред России при ОДКБ Виктор Васильев.
-
New2024-11-25 17:18Россия уведомила США о планируемом испытательном боевом пуске ракеты средней дальности "Орешник" в рамках меморандума от 1998 года. Однако после запуска американская сторона не пыталась установить контакт с Москвой. Об этом сообщил замглавы МИД РФ Сергей Рябков. Его слова приводит РИА Новости.
-
New2024-11-25 17:16Всемирный банк (ВБ) с февраля 2022 года привлек для Украины более $40 млрд на социальные и гуманитарные расходы. Об этом сообщается на едином веб-портале органов исполнительной власти Украины.