Последние новости

ՇԱՏ «ՅՈՒՐԱԺԱՄԱՆԱԿ» ԳԱՂԱՓԱՐ

Երևանի քաղաքապետարանը պատրաստվում է խստացնել պայքարը փողոցային ապօրինի առևտրի դեմ։ Ինչպես հաղորդում է գերատեսչության մամուլի ծառայությունը, շրջանառության է մտցվել մի օրինագիծ, որը նախատեսում է վաճառվող արտադրանքի առգրավում, հաղորդում է ԱՌԿԱ գործակալությունը:

Նշվում է, որ 2019-2022 թթ.կազմվել է ապօրինի առևտրի վերաբերյալ 3583 արձանագրություն, որոնցով տուգանքները գերազանցել են 80 մլն դրամը, սակայն վճարված է դրա կեսից էլ պակասը:

Փոխքաղաքապետ Սուրեն Գրիգորյանի խոսքերով, քաղաքապետարանը նախազգուշացնում է իրավախախտներին, տուգանում, սակայն մի քանի ժամ անց վաճառողներն իրենց ապրանքը կրկին դնում են փողոցներում։ Նա ընդգծել է, որ ապրանքի բռնագրավումը ծայրահեղ քայլ է, սակայն խնդրի լուծման միակ գործուն մեթոդն է:

ԲԱՅՑ ԱՆՀՆԱՐ Է ԼՌԵԼ. ՀԱՅՏՆԻ Է, ՈՐ ԱՄԵՆ ՆՈՐԸ ԼԱՎ ՄՈՌԱՑՎԱԾ ՀԻՆՆ Է։ Այս սկզբունքով մայրաքաղաքի ներկայիս աշխատակազմը պարբերաբար հիշում է նախկին քաղաքապետի օրոք ազդարարված նախաձեռնությունները։ Փողոցային առևտրի դեմ պայքարը, իհարկե, այդ շարքից է: Իսկ բացի այդ, նույն շարքից են նաև դեռևս նախընտրական քարոզարշավի ընթացքում Հայկ Մարությանի խոստացած վերելակները մայրաքաղաքի բազմահարկ շենքերում, մետրոպոլիտենի նոր կայարանների կառուցումը և էլի մի փունջ բաներ, որ 4 տարի առաջ խոստացել է իշխող կուսակցությունը, մասնավորապես՝ նախկին քաղաքապետի շուրթերով, իսկ հիմա վերհիշում է արդեն հանձին նոր քաղաքապետի։

Սկզբունքորեն, քաղաքային վարչակազմի հիշողության պարբերական թարմացման մեջ դատապարտելի ոչինչ չկա։ Թող հիշեն ու անեն։ Միայն թե հիշողությունն այստեղ բավական խտրական է։ Այ, ինչո՞ւ հիմա ոչ ոք քաղաքապետարանում բնավ չի հիշում, թե ինչպես Հայկ Մարությանը սկսեց ինքնամոռաց մաքրել է Օպերայի և բալետի թատրոնի շենքի հարակից տարածքը հանրային սննդի օբյեկտներից, ինչպես խոստացավ վերադարձնել դա ժողովրդին, իսկ այն բանից հետո, երբ քանդեցին մի քանի սրճարաններ և «ջազվեի» «հուշարձանը», բոլորը համերաշխ մոռացան այդ տարածքները կուսական վիճակի վերադարձնելու անհրաժեշտության մասին: Նշենք, որ այդ ժամանակից ի վեր անցել է արդեն մի քանի տարի, բայց Թատերական հրապարակի շրջակա տարածքն առաջվա պես գերհագեցած է բազմաթիվ սրճարաններով։ Այդտեղ ոչինչ չի փոխվել։

Թեպետ, վերադառնանք փողոցային առևտրի դեմ պայքարի պատմությանը։ Ասենք ուղղակի, այդ երևույթի դեմ քաղաքային իշխանությունները փորձել են պայքարել միշտ, թե՛ թավշե շրջանում, թե՛ թավիշից առաջ։ Դրանում առանձնակի հաջողությունների չեն հասել ո՛չ «նախկինները», ո՛չ ներկաները, ո՛չ «սևերը», ո՛չ «սպիտակները»։ Պատճառը, թերևս, մեկն է. փողոցային առևտուրը երկրի սոցիալական ծանր վիճակի արդյունք է, և քանի դեռ սոցիալական առումով ոչինչ արմատապես չի փոխվել, փողոցային առևտուրը ծաղկելու է՝ թույլ տալով քաղաքացիների որոշակի, աղքատ կատեգորիային վաստակել հանապազօրյա հացը։

Հաշվի առնելով այս պարզ, բոլորին հայտնի ճշմարտությունը՝ առնվազն տարօրինակ է թվում փողոցային վաճառասեղանների դեմ հերթական մարտը սկսելու քաղաքային աշխատակազմի ներկայիս հերթական մղումը։ Տարօրինակ է դա այն պատճառով, որ հենց հիմա, հենց այս ժամանակահատվածում նկատվում է գների մշտական աճ և երկրի բնակչության կյանքի որակի անկում։ Հենց ներկայումս բնակչությունն աղքատանում է օրըստօրե։ Բացի այդ, գրեթե ոչ ոք կասկած չունի, որ այդ գործընթացները կշարունակվեն և կուժգնանան տեսանելի հեռանկարում։ Եվ ահա սոցիալական խնդիրների սրման այս խորապատկերին քաղաքապետարանը հանկարծ հիշում է փողոցային առևտրի մասին։ Ու դեռ մի բան էլ նախաձեռնում առևտրի կարգը խախտողներին պատժելու նոր միջոց։ Դա ընդհանրապես սադիզմի է նման…

Կարելի է առանց կասկածի նշույլի կանխատեսել, որ գաղափարը կձախողվի դեռ սաղմնային վիճակում։ Քանզի բնավ լավ կյանքից չէ, որ մարդիկ ժամերով նստում են մայթերին ու վաճառում ինչ պատահի։ Այդպես նրանք գոյատևում են։ Եվ քաղաքապետարանի ոչ մի սահմանափակում ու պատժամիջոց չի վերացնի ամեն գնով գոյատևելու մարդկային ձգտումը։ Տուգանեք ու առգրավեք։ Քանի դեռ պետությունը սոցիալական ծրագրերի իրականացման փոխարեն գերադասում է կանոնավորապես պարգևավճարներ տալ որոշակի կատեգորիայի ծառայողներին, քանի դեռ կառավարությունը գերադասում է ավելացնել ոստիկանության ֆինանսավորումը ևս ավելի քան 2 մլրդ դրամով, մյուսները կփորձեն եկամուտ ստանալ «ոնց ստացվի» ռեժիմով: Ինքնապահպանման բնազդն այնուամենայնիվ գործում է։ Իսկ քաղաքապետարանի նոր նախաձեռնությունը չի գործի նաև այն պատճառով, որ չափազանց մեծ է հավանականությունը, որ դրա մասին կմոռանան շատ ավելի շուտ, քան կսկսեն կյանքի կոչել։ Այդպիսին է անմտածված, չկշռադատված բոլոր նախաձեռնությունների ճակատագիրը, այդպիսին է կառավարման թավշե ոճի ծնած բոլոր գաղափարների ճակատագիրը։

    ПОСЛЕДНИЕ ОТ АВТОРА

    • А КТО ПОСТАВИЛ НА ПАНДЕМИЮ?
      2024-03-21 15:30

      Проект партнерства государства и частного сектора по созданию авиакомпании Fly Arna провалился, заявил в среду премьер-министр Армении Никол Пашинян, отвечая на вопросы депутатов, передает АРКА.

    • И НИ СЛОВА О БЛОКАДЕ
      2024-03-11 10:10

      Армения искренне желает скорейшего открытия государственных границ, установления дипломатических отношений и расширения связей между двумя народами и культурами. Об этом заявил в интервью турецкому Anadolu глава МИД Армении Арарат Мирзоян, касаясь перспектив процесса урегулирования армяно-турецких отношений и возможности открытия границы, передает News.am. «В рамках процесса нормализации отношений между Арменией и Турцией были назначены специальные посланники, состоялись встречи и телефонные контакты. Состоялись также телефонные разговоры между президентом Турции Реджепом Тайипом Эрдоганом и премьер-министром Армении Николом Пашиняном. Имеются постоянные контакты, которые обеспечивают положительную динамику», - заявил Мирзоян. Отвечая на вопрос о преимуществах открытых границ между двумя странами, Мирзоян заявил, что они очевидны. «В первую очередь, это очень важно для людей. Развитие отношений, рост экономических отношений принесут пользу прежде всего людям, что осознает большинство граждан Армении», - сказал он.

    • ДИВЕРСИФИКАЦИЯ ПО МЕРЕ ОБРАЗОВАННОСТИ
      2024-03-06 10:01

      Согласно данным статистического комитета РА, в январе текущего года, по сравнению с тем же месяцем 2023-го, объем внешней и взаимной торговли Армении вырос на 78,8%. В принципе, цифра впечатляет. Но есть нюанс. Дело в том, что еще с прошлого года правительство Армении объявило курс на внешнеторговую диверсификацию, что в нашем случае подразумевало сокращение объемов торгового взаимодействия Армении с РФ и поиск новых и разных рынков сбыта армянской продукции.

    • ФАКТОР СПРАВЕДЛИВОСТИ
      2024-03-02 11:18

      Закон о налогообложении трудовых мигрантов был принят давно - порядка 10 лет назад. Об этом, отвечая на вопросы парламентариев в ходе правительственного часа, заявил премьер-министр Армении Никол Пашинян, передает АрмИнфо.






    ПОСЛЕДНЕЕ ПО ТЕМЕ