2022-06-24 17:58
Информагентства
Անտոնիո Գուտերեշ․ Աշխարհը բախվել է սովի աննախադեպ համաշխարհային ճգնաժամի
Այս տարի սովի իրական վտանգ կա, ուրբաթ օրը հայտարարել է ՄԱԿ-ի գլխավոր քարտուղար Անտոնիո Գուտերեշը, որը պարենային անվտանգության հարցերով հանդիպման եկած նախարարներին կոչ է արել գործնական քայլեր ձեռնարկել սննդամթերքի շուկաները կայունացնելու և հումքային ապրանքների գների անկայունությունը նվազեցնելու համար, հաղորդում է Reuters-ը։
«Մենք բախվում ենք սովի աննախադեպ համաշխարհային ճգնաժամի»,- ասել է Գուտերեշը տեսակապի միջոցով Բեռլինում կայացած հանդիպմանը: «Ուկրաինայի պատերազմը սրել է տարիներ շարունակ ծագած խնդիրները՝ կլիմայի խախտում, COVID-19 համավարակ, խորապես անհավասար վերականգնում»։
Սոմալիում, Եմենում և Հարավային Սուդանում ավելի քան 460 000 մարդ սովի է մատնված՝ համաձայն Սննդի անվտանգության փուլի ինտեգրված դասակարգման (IPC), որը ՄԱԿ-ի գործակալությունների, տարածաշրջանային մարմինների և օգնության խմբերի կողմից օգտագործվում է պարենային անապահովությունը սահմանելու համար: Սա տարածաշրջանում սով հայտարարելուց առաջ քայլ է։
IPC-ի տվյալներով՝ 34 երկրներում միլիոնավոր մարդիկ սովի շեմին են։
«Իրական վտանգ կա, որ 2022 թվականին մի քանի վայրերում սով կհայտարարվի։ Իսկ 2023 թվականը կարող է ավելի վատ լինել»,- ասել է Գուտերեշը՝ 21-րդ դարում անընդունելի անվանելով զանգվածային սովը։
ՄԱԿ-ի գլխավոր քարտուղարն ասել է, որ «ճգնաժամի արդյունավետ լուծումն անհնար է, քանի դեռ Ուկրաինան և Ռուսաստանը, որոնք արտադրում են ցորենի համաշխարհային արտահանման մոտ 29 տոկոսը, չեն գտնում առևտուրը պատշաճ կերպով վերսկսելու միջոցը»։
News.am
ПОСЛЕДНИЕ ОТ АВТОРА
-
New2025-04-07 14:11Министерство обороны Армении опровергло сообщение Баку о якобы обстреле азербайджанских позиций.
-
New2025-04-07 14:05В мире есть субъект, который периодически ссылается на документ, подписанный в Арцахе в сентябре 2023 года, не имеющий правовую силу. И этим субъектом является отнюдь не руководство Азербайджана. Об этом написал на своей странице в Facebook депутат от блока «Армения» Ишхан Сагателян.
-
New2025-04-07 13:59Родители без вести пропавших военнослужащих проводят «акцию молчания» перед зданием правительства РА.
-
New2025-04-07 13:56Россотрудничество планирует открыть контактные, информационные центры Русского дома в ряде городов Армении. Об этом глава Россотрудничества Евгений Примаков заявил на онлайн-конференции с подключением площадки мультимедийного пресс-центра Sputnik Армения.