2022-08-29 19:39
Информагентства
Արցախի օմբուդսմենը պատմեց Հայաստանից Արցախ նոր ժամանակավոր ճանապարհի մասին
Մինչ Հայաստանից Արցախ տանող և Կոռնիձորով հետադարձ հիմնական ճանապարհի շահագործման հանձնելը, կգործի ժամանակավոր ասֆալտապատ ճանապարհ, որը նոր ճանապարհը կկապի Աղավնոյի վերին հատվածի հետ։ Այս մասին NEWS.am-ի թղթակցի հետ զրույցում ասաց Արցախի մարդու իրավունքների պաշտպան Գեղամ Ստեփանյանը։
«Սկզբում նախատեսվում էր, որ կլինի 4,7 կմ երկարությամբ գրունտային ճանապարհ, հետո որոշվեց, որ ճանապարհն ամբողջությամբ կասֆալտապատվի»,- նշեց նա։
Ստեփանյանը նկարագրեց Հայաստանից Արցախ ժամանակավոր երթուղին։ Այն կանցնի Գորիսով, Տեղ գյուղով՝ մինչև Արցախի սահման։ Այն հատվածում, որտեղ ճանապարհը տանում է դեպի Աղավնո, երթուղին արդեն կանցնի ոչ թե Աղավնոյով, այլ դեպի աջ անցնող ճանապարհով, որտեղից սկսվում է նոր ճանապարհի մուտքը։
Արցախի օմբուդսմենը պարզաբանեց, որ մինչև գարուն, այսինքն մինչև նոր գլխավոր ճանապարհի շինարարության ավարտն այս ժամանակավոր ճանապարհը կգործի։
«Ժամանակավոր ճանապարհի գործարկման մասին պայմանավորվածությունը նոր չէ, այն ձեռք է բերվել օգոստոսի սկզբին, էսկալացիայի շրջանում, երբ ռուսական կողմի միջնորդությամբ բանակցություններ էին ընթանում։ Հաշվի առնելով, որ Կոռնիձոր տանող նոր ճանապարհը մինչև 2023 թվականի գարուն պատրաստ չի լինի, ձեռք է բերվել այս պայմանավորվածությունը։
Ռուս խաղաղապահները կտեղակայվեն այս ժամանակավոր ճանապարհի երկայնքով մինչև նոր հիմնական այլընտրանքային ճանապարհի ավարտը։ Իսկ շինարարական աշխատանքների ավարտից հետո խաղաղապահները կտեղափոխվեն նոր գլխավոր ճանապարհ։
Վաղը ժամը 20:00-ից, երբ գործող ճանապարհը կփակվի, ժամանակավոր ճանապարհի երկայնքով կգործեն ռուս խաղաղապահների բոլոր անցակետերը։ Այժմ այս ճանապարհի երկայնքով խաղաղապահների տեղակայման աշխատանքները ավարտական փուլում են»,- ընդգծեց Ստեփանյանը։
Նրա գնահատմամբ, Հայաստանից Արցախ ճանապարհի երկարությունը կարող է ավելանալ 3-4 կիլոմետրով։
Հիշեցնենք, որ Արցախի Անվտանգության խորհուրդն այսօրվա քննարկումների արդյունքներով օգոստոսի 30-ի ժամը 20:00-ից որոշել է Հայաստանի Հանրապետության հետ հաղորդակցությունն իրականացնել նոր երթուղով՝ Շուշիի Բերդաձոր ենթաշրջանի տարածքով։ Նախկին ճանապարհը, ինչպես նաև նրա հարևանությամբ գտնվող բնակավայրերը (Բերձոր, Աղավնո և Սուս) օրեր առաջ անցել են Ադրբեջանի վերահսկողության տակ։
ПОСЛЕДНИЕ ОТ АВТОРА
-
New2025-06-13 09:29Командующий Корпусом стражей исламской революции (КСИР) генерал-майор Хоссейн Салами подчеркнул полную готовность Ирана противостоять любой военной угрозе, предостерегая врагов от просчетов и любых актов агрессии, сообщает Mehr.
-
New2025-06-13 09:2812 июня в центре Тбилиси состоялся митинг под лозунгом «Держитесь подальше от Армянской Апостольской Церкви». Участники акции выразили обеспокоенность, глубокую тревогу и возмущение политикой властей Армении по отношению к Церкви и заявили о необходимости защиты национальных и духовных ценностей.
-
New2025-06-13 09:26Свыше 310 человек стали жертвами катастрофы самолета Boeing 787 Dreamliner авиакомпании Air India на западе Индии. Об этом сообщает газета New Indian Express.
-
New2025-06-13 09:24Совет Арагацотнской епархии, духовенство, служители и верующие выступили с заявлением, в котором выразили свою полную поддержку Первопрестольному Святому Эчмиадзину и всенародно избранному Патриарху – Его Святейшеству Гарегину II, Католикосу всех армян.