2022-09-13 08:29
Информагентства
0
CHW. Ադրբեջանը Նախիջևանում 108 հայկական եկեղեցիներ ու գերեզմանատներ է ավերել
Caucasus Heritage Watch, CHW՝ «Կովկասյան ժառանգության մոնիթորինգ» պլատֆորմը հրապարակել է հետազոտություն, որը վկայում է, որ Ադրբեջանը 1997-2011 թվականներին Նախիջևանի Ինքնավար Հանրապետությունում ամբողջությամբ ավերել է առնվազն 108 հայկական վանք, եկեղեցի և գերեզմանատուն:
CHW-ն օգտագործել է բարձր թողունակությամբ արբանյակային պատկերներ՝ հայկական մշակութային ժառանգության օբյեկտների ճակատագիրը վավերագրելու համար:
Այս թիվը ներկայացնում է հայկական մշակութային ժառանգության 98 տոկոսը, որը հետազոտողները կարողացել են բացահայտել։ Այս գտածոներն առաջին անգամ ներկայացնում են համոզիչ ապացույցներ, որ հայկական մշակույթի հետքերի լուռ ու համակարգված ջնջումը Ադրբեջանի ներքին էթնիկ քաղաքականության բնորոշ գիծն է եղել։
«Հիմքեր կան վախենալու, որ հայկական մշակութային ժառանգության ոչնչացումը սպառնում է նաև Լեռնային Ղարաբաղին։ CHW-ն արդեն փաստագրել է 6 հաստատված ավերածություններ, 7 հաստատված վնասներ և 17 սպառնալիքի տակ գտնվող օբյեկտներ՝ 2020 թվականի սեպտեմբերին Լեռնային Ղարաբաղում երկրորդ պատերազմի սկսվելուց հետո։
Այս կայքը և CHW-ի հատուկ զեկույցը իրենցից ներկայացնում են Նախիջևանի բոլոր հայկական վանքերի, եկեղեցիների և գերեզմանատների առաջին համակարգված գնահատականը, որոնք գոյություն են ունեցել դեռևս խորհրդային ժամանակաշրջանի վերջում: «Մեր աշխատանքը հիմնված է 1970-ական և 1980-ական թվականների ամերիկյան գաղտնազերծված արբանյակային պատկերների, 1930-1990 թվականներին խորհրդային տեղագրողների կողմից ստեղծված մանրամասն քարտեզների և ժամանակակից կոմերցիոն արբանյակային պատկերների վրա՝ պատմական, ճարտարապետական և եկեղեցական նշանակության հուշարձանները, այդ թվում՝ հազարավոր տապանաքարերով գերեզմանատները գտնելու և գնահատելու համար»,- նշում են զեկույցի հեղինակները։
News.am
ПОСЛЕДНИЕ ОТ АВТОРА
-
New2024-09-23 19:38В азербайджанском сегменте сети распространились утверждения о том, что в последнее время некоторые азербайджанцы, которые незаконно были заселены в оккупированном алиевским режимом армянском Арцахе, возвращаются в Баку.
-
New2024-09-23 19:34По сведениям "ФактИнфо", директор завода “Макур Еркат” Карен Акопян и бывший заместитель гендиректора ЗММК Нарек Амбарян заключены под стражу.
-
New2024-09-23 19:32IP-адреса и номера телефонов пользователей Telegram, нарушающих правила мессенджера, могут быть переданы соответствующим органам в ответ на обоснованные запросы, сообщил находящийся под следствием во Франции сооснователь Telegram Павел Дуров.
-
New2024-09-23 19:28Реализация процесса демаркации границы между Арменией и Азербайджаном в условиях отсутствия двусторонних дипломатических отношений недопустима, поскольку таким образом резко возрастает возможность агрессивных действий со стороны Баку в процессе демаркации границы. Об этом говорится в заявлении, распространенном инициативой «Айакве».
