2022-09-13 19:33
Информагентства
Քերոլայն Քոքս․ Ադրբեջանը դաժան հարձակում է գործել Հայաստանի ինքնիշխան տարածքի վրա
Ադրբեջանը նոր դաժան հարձակում է գործել Հայաստանի ինքնիշխան տարածքի վրա, հայտարարել է Մեծ Բրիտանիայի և Հյուսիսային Իռլանդիայի Միացյալ Թագավորության Լորդերի պալատի անդամ, բարոնուհի Քերոլայն Քոքսը։
«Հարձակվում են ոչ միայն ռազմաբազաների, այլև քաղաքացիական համայնքների և ենթակառուցվածքների վրա։ Հայաստանի պաշտպանության նախարարությունը հաստատել է, որ սեպտեմբերի 13-ին՝ ժամը 00:05-ին, ադրբեջանական զինված ուժերը սկսել են հայկական դիրքերի ինտենսիվ գնդակոծությունը՝ հրետանուց և խոշոր տրամաչափի զինատեսակներից՝ կիրառելով նաև ԱԹՍ-ներ։
Այս հրեշավոր գործողությունները հանգեցրել են ադրբեջանական ռազմական հանցագործությունների անպատժելիությանը և արտացոլում են նրանց ցեղասպանության քաղաքականությունը: Այս հարձակումները ցույց են տալիս Ադրբեջանի սպառնալիքների լրջությունը, և թե որքան սերտ է հակամարտությունը կապված ռուս-ուկրաինական պատերազմի հետ։
Ակնհայտ է, որ Ադրբեջանը մտադիր չէ խաղաղության գնալ։ Հայերի զոհերի թիվը դեռ հստակեցված չէ։ Տեղեկություններ կան, որ զոհվել է 49 հայ զինվոր, 25-ը անհետ կորել է, առնվազն 14-ն, ըստ երևույթին, գերի են ընկել։
Քանի որ լայնամասշտաբ հարձակումները շարունակվում են, Հայաստանը խնդրել է Ռուսաստանին, ՀԱՊԿ-ին և ՄԱԿ-ին միջամտել, հարձակման է ենթարկվում քաղաքացիակն բնակչությունը, ադրբեջանցիները նաև որոշ տարածքներ են գրավել։
Շատ հրատապ անհրաժեշտություն կա, որ միջազգային հանրությունը, այդ թվում՝ Մեծ Բրիտանիան, դատապարտի Ադրբեջանին և պատասխանատվության ենթարկի նրան ռազմական հանցագործությունների և մարդկության դեմ հանցագործությունների համար»,- ասվում է նրա հայտարարությունում:
News.am
ПОСЛЕДНИЕ ОТ АВТОРА
-
2025-06-14 15:51Верховный лидер Ирана Али Хаменеи назначил Маджида Мусави командующим военно-космическими силами Корпуса стражей исламской революции Ирана, отвечающими за ракетный потенциал республики.
-
2025-06-14 15:48Иран официально уведомил Францию, Великобританию и США о том, что он начнет очень масштабные атаки против Израиля, сообщает Telegram-канал Mehr.
-
2025-06-14 15:47Азербайджан ожидает от Армении конкретных шагов по реализации Зангезурского коридора, который имеет стратегическое значение для всего региона. об этом заявил помощник президента Азербайджана Хикмет Гаджиев, выступая на панельной дискуссии «Средний коридор: новая геополитическая и экономическая линия жизни» в рамках форума GLOBSEC-2025.
-
2025-06-14 15:44Все представители Ирана, участвовавшие в переговорах с США по ядерной сделке, были убиты в ходе ударов Израиля по иранской территории. Об этом рассказал президент США Дональд Трамп в разговоре с журналисткой CNN Даной Баш.