2022-12-16 15:23
Информагентства
Վահագն ՄԵԼԻՔՅԱՆ․ ԱՅՍՊԵՍ, ԹԵ ԱՅՆՊԵՍ ՃԱՆԱՊԱՐՀԸ ՊԵՏՔ Է ԲԱՑՎԻ.ՀԱՐՑ՝ Ի՞ՆՉ ԳԻՆ Է ՎՃԱՐՎԵԼՈՒ ԴՐԱ ՀԱՄԱՐ (ՏԵՍԱՆՅՈՒԹ)
«Տևական ժամանակ տարբեր ամբիոններից հնչեցվում են կարծիքներ՝ թե՛ մանիպուլյատիվ, թե՛ ոչ ուղղակի, որ սա ռուս խաղաղապահ կոնտինգենտի վերահսկողության գոտի է, և Հայաստանը որևէ ձևով չի կարող վերահսկողության տակ պահել այս իրավիճակը: Սա ամենամեծ սխալն է, որ թույլ ենք տվել. այսինքն, Հայաստանի հրաժարումը Արցախի անվտանգության երաշխավորից՝ նրանց թողնելով մեկուսացած վիճակում կամ 3-րդ երկրի հայեցողությանը»,- ասաց ՀՀ Արտակարգ և լիազոր դեսպան, ՀՀ ԱԳՆ նախկին գլխավոր քարտուղար Վահագն Մելիքյանը «Կյանքի ճանապարհ. Հայկական օրակարգ» քննարկման ընթացքում, ապա շեշտեց, որ դիվանագիտական հնարավորությունների պատուհաններ եղել են:
«Ճիշտ է՝ հնարավորությունները նեղ, սուղ, բայց եղել են, և չօգտվել դրանից, կարծում եմ, հենց այդ ապաշնորհ քաղաքականության արդյունք է: Մոտեցումների տարբերակումը, ամեն գնով խաղաղության հասնելու օրակարգը առաջ տանելու արդյունքում պարզ է, որ ինչ-որ գին պետք է վճարես, բայց ի՞նչ գին է սա, և որտե՞ղ է այդ գնի նշաձողը, այստեղ սկսում է ամեն ինչ խճճվել՝ վարած քաղաքականության արդյունքում: Վստահ եմ, ինչ-որ պահի պետք է բացվի ճանապարհը. հարց՝ ի՞նչ գին է վճարվելու դրա համար: Եվ երկրորդը, որևէ երաշխիք չկա, որ սա շատ անգամներ չի կրկնվելու: Օր առաջ պետք է վերանայվեն մոտեցումները, վարած քաղաքականության ուղղությունները»,- հավելեց նա:
Հիշեցնենք որ դեկտեմբերի 12-ի առավոտյան ժամը 10:30-ից մի խումբ ադրբեջանցիներ` բնապահպանական պատճառաբանություններով, փակել են Ստեփանակերտ-Գորիս մայրուղու Շուշի-Քարին տակ հատվածը։ Հարյուրավոր քաղաքացիներ, այդ թվում`անչափահասներ, չեն կարողանում տուն վերադառնալ, նրանց մի մասը ժամանակավոր մնացել է Սյունիքի մարզում։ Ընդհատված է Շուշիի շրջանի Լիսագոր, Մեծ շեն, Հին շեն և Եղցահող գյուղերի տրանսպորտային կապը մայրաքաղաք Ստեփանակերտի հետ։
ПОСЛЕДНИЕ ОТ АВТОРА
-
New2025-06-13 19:56Президент США Дональд Трамп заявил, что представители иранских властей звонят ему с просьбой заключить соглашение по ядерной программе Тегерана.
-
New2025-06-13 19:55Международный аэропорт "Звартноц" принял три рейса иностранных авиакомпаний, запросивших вынужденную посадку. Об этом Sputnik Армения сообщили в Комитете гражданской авиации.
-
New2025-06-13 19:53Совет безопасности ООН сегодня соберется на внеочередное заседание в связи с израильской атакой на Иран. Об этом сообщил постпред России при ООН Дмитрий Полянский.
-
New2025-06-13 19:48Учитывая ситуацию, сложившуюся в Иране, призываем граждан РА, находящихся на территории ИРИ, сохранять бдительность, следовать официальным инструкциям, а в случае возникновения чрезвычайной ситуации обращаться в посольство по адресу электронной почты ([email protected]), страницам в социальных сетях (Facebook, Instagram), а также по следующим телефонным номерам - +98 21 66704833, мобильный: +989053774966.