2023-01-23 15:19
Информагентства
Գլխավոր դատախազը Չարչյանի նկատմամբ քրեական հետապնդում հարուցելու միջնորդագիր է ներկայացրել
ՀՀ գլխավոր դատախազ Աննա Վարդապետյանն ԱԺ «Հայաստան» խմբակցության պատգամավոր Արմեն Չարչյանի նկատմամբ քրեական հետապնդում հարուցելուն համաձայնություն տալու մասին միջնորդագիր է ներկայացրել ԱԺ նախագահ Ալեն Սիմոնյանին։ Տեղեկությունը հրապարակվել է դատախազության կայքում։
Միջնորդագրին կցվել է նաև պատգամավորի նկատմամբ քրեական հետապնդում հարուցելուն համաձայնություն տալու մասին Ազգային ժողովի որոշման նախագիծը:
«Ա.Չ.-ն, ՀՀ հատուկ քննչական ծառայության վարույթում քննված քրգործով որպես փորձագետ ընդգրկված լինելով Ա.Ս.-ին ծանր և առանձնապես ծանր հանցագործությունների համար առաջադրված մեղադրանքների առնչությամբ նշանակված կրկնակի հանձնաժողովային դատաբժշկական փորձաքննության հանձնաժողովի կազմում, 2017-ի փետրվարի 8-ին ստորագրել է կրկնակի դատաբժշկական հանձնաժողովային փորձաքննության ակնհայտ կեղծ եզրակացությունը»,–ասված է դատախազության հաղորդագրության մեջ։
ՀՀ Սահմանադրության 96-րդ հոդվածի համաձայն՝ պատգամավորի նկատմամբ քրեական հետապնդում կարող է հարուցվել միայն Ազգային ժողովի համաձայնությամբ:
Նշենք, որ Աննա Վարդապետյանը նաև «Հայաստան» խմբակցության ղեկավար Սեյրան Օհանյանի նկատմամբ քրեական հետապնդում հարուցելուն համաձայնություն տալու մասին միջնորդագիր է ներկայացրել ԱԺ նախագահ Ալեն Սիմոնյանին։
Sputnik Արմենիա
ПОСЛЕДНИЕ ОТ АВТОРА
-
New2025-06-20 05:40Азербайджан и Турция проведут очередные учения.
-
New2025-06-20 05:37Завершился визит президента Азербайджана Ильхама Алиева в Турцию.
-
New2025-06-20 05:33Иран провел прямые переговоры с США на фоне обострения конфликта с Израилем, пишет RT со ссылкой на Reuters.
-
New2025-06-20 05:29Армянская АЭС – единственная атомная электростанция на Южном Кавказе. Об этом говорится в публикации посольства России в Армении.