2023-02-16 13:04
Информагентства
Տիգրան ԱԲՐԱՀԱՄՅԱՆ․ ՊԱՀԵՍՏԱԶՈՐԱՅԻՆՆԵՐԸ 11 ՕՐ ՆԱԽԱՊԱՏՐԱՍՏՎԵԼՈՒ ԵՆ, ՈՐՊԵՍԶԻ 2 ՇԱԲԱԹ ՄԱՐՏԱԿԱՆ ՀԵՐԹԱՊԱՀՈՒԹՅՈՒՆ ԿՐԵՆ
Ազգային ժողովի «Պատիվ ունեմ» խմբակցության քարտուղար Տիգրան Աբրահամյանի դիտարկմամբ՝ առաջիկայում սպասվող վարժական հավաքների արդյունավետությունը և նշանակությունը ճիշտ գնահատելու համար նախ պետք է հասկանալ, թե, առհասարակ, ի՞նչ է նշանակում վարժական հավաք:
«Զինվորական ծառայության և զինծառայողի կարգավիճակի մասին օրենքը հստակ սահմանում է, թե ինչի համար են վարժական հավաքներ անցկացվում:
Ըստ այդ ձևակերպման` վարժական հավաքի նպատակը պահեստազորի առաջին խմբում հաշվառված քաղաքացիների ռազմական ունակությունների կատարելագործումն ու վերապատրաստումն է:
Ի՞նչ է նախատեսված վարժական հավաքներ հայտարարելու կառավարության համապատասխան որոշմամբ, և պահեստազորից զորակոչվող քաղաքացիների ռազմական ունակությունները ինչպես են կատարելագործվելու, երկրորդ, ինչպիսի մասնագիտական վերապատրաստում են անցնելու պահեստազորայինները:
Կառավարության որոշմամբ՝ ընդամենը տեսանելի է, որ զորակոչվող պահեստազորայինները 11 օր նախապատրաստվելու են, որպեսզի 2 շաբաթ մարտական հերթապահություն կրեն:
Այսինքն` առավելագույնը պահեստազորայինը սովորելու և կատարելագործելու է մարտական հերթապահությանը վերաբերվող իր գիտելիքները, ապա պետք է առաջնագծի որևէ հատվածում դիրքապահ առաքելություն անցնի:
Օրենքով նախատեսված մասնագիտական վերապատրաստում, առհասարակ, տեսանելի չէ, իսկ ռազմական ունակությունների անվան տակ զուտ մարտական հերթապահության նախապատրաստական աշխատանքն է:
Դեռ չեմ խոսում այն մասին, որ վարժական հավաքը սահմանող օրենքը մարտական հերթապահության կրման մասին որևէ բան չի ասում:
Սա էլ վարժական հավաքներն ու դրանց հնարավոր արդյունքը», - Facebook-ում գրել է Աբրահամյանը։
ПОСЛЕДНИЕ ОТ АВТОРА
-
New2025-07-12 09:19Всемирно известный скрипач Вадим Репин выступит на международном музыкальном фестивале Kapan Fest 2025, который проходит в городе Капане с 4 июня.
-
New2025-07-12 09:1610–11 июля делегация во главе с заместителем министра иностранных дел Азербайджана Ялчыном Рафиевым приняла участие в Конференции по восстановлению Украины, прошедшей в Риме, сообщает МИД Азербайджана.
-
New2025-07-12 09:16"Рабочая партия Курдистана" потребовала освобождения своего лидера Оджалана из заключения в Турции, сообщают французские СМИ.
-
2025-07-11 19:39Антицерковная кампания властей – серьезная угроза армянской государственности и народному единству, она бьет по репутации страны и Церкви. Об этом заявил Католикос Всех армян Гарегин II на ежегодном собрании священников в Св. Эчмиадзине.