2023-05-05 17:30
Ара МЕЛИКСЕТЯН
ԻՍԿ ՄՆԱՑՅԱԼ ԱՄԵՆԸ, ՉՔՆԱՂ ՄԱՐԿԻԶՈՒՀԻ…
Ե՛վ Հայաստանը, և՛ Ադրբեջանը սկզբունքորեն համաձայնել են որոշակի պայմանների և ավելի լավ են հասկանում չլուծված մնացող հարցերի վերաբերյալ միմյանց դիրքորոշումը։ Այս մասին ասվում է ԱՄՆ պետքարտուղար Էնտոնի Բլինկենի պաշտոնական հայտարարության մեջ՝ Վաշինգտոնում Հայաստանի և Ադրբեջանի ԱԳ նախարարների բանակցությունների արդյունքներով:
«Ես առաջարկել եմ նախարարներին վերադառնալ իրենց մայրաքաղաքներ՝ իրենց կառավարությունների հետ կիսելու այն հեռանկարը, որ հավելյալ բարի կամքի, ճկունության և փոխզիջումների դեպքում համաձայնագիրը (խաղաղության - խմբ.) միանգամայն հասանելի է»։ Նրանք կշարունակեն վայելել Միացյալ Նահանգների լիակատար աջակցությունն ու ներգրավվածությունը կայուն խաղաղություն ապահովելու իրենց ջանքերում»,- ասվում է հայտարարության մեջ, հաղորդում է Նովոստի-Արմենիան։ Նրա խոսքերով՝ երկկողմ և եռակողմ մի շարք ինտենսիվ ու կառուցողական քննարկումներից հետո կողմերը զգալի առաջընթաց են գրանցել բարդ հարցերի լուծման գործում: «Երկու կողմերն էլ անկեղծ հանձնառություն են ցուցաբերել հարաբերությունների կարգավորման և իրենց երկու երկրների միջև վաղեմի հակամարտության դադարեցման հարցում»,- ասված է հայտարարության մեջ:
ԲԱՅՑ ԱՆՀՆԱՐ Է ԼՌԵԼ. թե կոնկրետ ինչ պայմանների են համաձայնել կողմերը, ով և ում առջև է դրել այդ պայմանները, բնականաբար, չի հստակեցվում։ Չի հստակեցվում նաև, թե ումից է ակնկալվում բարի կամքի լրացուցիչ չափաբաժինն ու ճկունությունը։ Կարծես թե հայկական կողմին դա ոչ մի կերպ չի կարող վերաբերել։ Բաքվի հանդեպ բարի կամքի մասով Երևանը վաղուց արդեն «գերդոզավորում» ունի։ Ճկունության առումով էլ Երևանն արդեն մեջքը ծռել է ծայրահեղության աստիճան։ Դրանից ավելի՝ էլ ո՞ւր։ Ասենք, հասկանալի է, որ պետքարտուղարին նման «մանրուքները» չեն կարող հուզել։ Կարևորը հայտարարելն է, թե հայ-ադրբեջանական բանակցային ամերիկյան մարաթոնը ինչ-որ պտուղներ տվել է։ Այլապես ստիպված կլինեն ընդունել, որ տվյալ՝ ամերիկյան բանակցային հարթակը բացարձակապես ձախողված է, անարդյունավետ և ի բնե չի կարող մրցակցել ռուսականի հետ։ Այնպես որ այս առումով Էնտոնի Բլինկենի լավատեսական գնահատականները միանգամայն բացատրելի են։ Բայց…
Մինչ պետքարտուղարը հանդես է գալիս իր՝ Բլինկենի միջնորդությամբ Հայաստանի և Ադրբեջանի արտգործնախարարների բանակցությունների արդյունքների վերաբերյալ հայտարարությամբ, Ադրբեջանի նախագահը խոսում է առանց միջնորդների հայ-ադրբեջանական բանակցությունների անհրաժեշտության մասին։ «Կարծում եմ, համաձայնության հասնելու լավագույն միջոցը ուղիղ բանակցություններն են Ադրբեջանի և Հայաստանի միջև՝ առանց որևէ միջնորդների, շփման կազմակերպիչների և խոչընդոտների։ Համարում եմ, որ երկու երկրների միջև ուղիղ բանակցություններն ավելի օգտակար և անհրաժեշտ կլինեն։ Իմ կարծիքով, մենք պետք է առաջ շարժվենք այդ ուղղությամբ, եթե, իհարկե, Հայաստանը նույնպես պատրաստ է դրան»,- հայտարարում է Ալիևը այն պահին, երբ Ամերիկայում բանակցությունները դեռ ընթացքում են։ Փաստորեն միջնորդը, շփման կազմակերպիչը և, համապատասխանաբար, խոչընդոտն այս պահին ո՞վ է։ Պարոն Բլինկենը: Հաշվի առնելով այս հանգամանքը՝ պետքարտուղարի գնահատականներն առնվազն տարօրինակ են։ Բլինկենը խոսում է կողմերի միջև համաձայնության հասնելու գործընթացում ԱՄՆ-ի ներգրավվածության մասին, մինչդեռ կողմերից մեկը՝ Ալիևը, բացահայտ հայտարարում է, որ միջնորդների կարիք չունի:
Ասենք, ԱՄՆ պետքարտուղարի լավատեսությունը չի կապակցվում նաև ամերիկյան բանակցությունների խորապատկերին Փաշինյանի արած հայտարարությունների հետ։ Այսպես, Հայաստանի վարչապետը, միջոցառման ժամանակ ելույթ ունենալով Պրահայում, պատմում է այն խոչընդոտների մասին, որոնք խանգարում են Հայաստանի և Ադրբեջանի միջև խաղաղության պայմանագրի կնքմանը։ Ընդ որում թվարկում է գործոններ, որոնք նույնիսկ ոչ թե խոչընդոտ, այլ պարզապես անհաղթահարելի պարիսպ են: Ահա թե ինչ է ասում Փաշինյանը. «Մինչ օրս անհնար է եղել համաձայնության գալ այնպիսի խոսույթի շուրջ, որը հստակ կհայտարարի, որ Ադրբեջանը ճանաչում է Հայաստանի Հանրապետության տարածքային ամբողջականությունը 29 հազար 800 քառակուսի կիլոմետր տարածքով»: Այնուհետ նա հայտնում է, թե մինչև հիմա պարզ չէ Լեռնային Ղարաբաղի հայերի իրավունքների և անվտանգության ապահովման մեխանիզմը, մինչև հիմա պարզ չէ Ստեփանակերտի և Բաքվի միջև երկխոսության մեխանիզմը, մինչև հիմա չկան խաղաղ համաձայնագրի գործնական իրականացման մեխանիզմներ, չկան Երևանի և Բաքվի միջև խաղաղության համաձայնագրի տեքստի մեկնաբանման շուրջ տարաձայնությունների հաղթահարման մեխանիզմներ: Փաստորեն, ամենասկզբունքային, ամենաառանցքային հարցերի պարագայում կողմերը մեկ քայլ անգամ չեն մոտեցել միմյանց…
ԱՄՆ պետքարտուղարին, իհարկե, անհրաժեշտ է ցույց տալ հայ-ադրբեջանական ամերիկյան բանակցությունների դրական արդյունքներ։ Բայց, ավաղ, դա անել ակնհայտորեն չի հաջողվում։ Իսկ բանակցությունների արդյունքներով նրա գնահատականները հիշեցնում են հայտնի երգը. «Իսկ մնացյալ ամենը, չքնաղ մարկիզուհի, լավ է, ամեն ինչ շատ լավ է...»:
ПОСЛЕДНИЕ ОТ АВТОРА
-
2025-05-31 09:46В настоящее время осуществляется постепенный процесс нормализации отношений Турции с Арменией. Об этом заявил президент Турции Реджеп Тайип Эрдоган, отвечая на вопросы журналистов на борту самолета по возвращении из Азербайджана, передает Анадолу. "По достижении мира и нормализации мы увидим, что наши страны выиграют от этого",- заявил политик. Эрдоган добавил, что Турция ожидает от Ирана поддержки шагов относительно так называемого Зангезурского коридора, которые, по его словам, послужат миру, стабильности и развитию в регионе.
-
2025-05-30 10:34По данным системы «Аргус-Фито», с начала 2025 года по 7 мая увеличился импорт в Россию молодого продовольственного картофеля, передает NEWS.am. Ввоз свежего картофеля вырос в 3,5 раза по сравнению с аналогичным периодом прошлого года – с 124,8 до 432,2 тысячи тонн, передает Россельхознадзор. За указанный период импортировано 5,1 тыс. тонн картофеля из Армении. При этом за тот же период 2024 года (с начала 2024 года по май прошлого года) импорт из Армении составил всего 490 тонн. Это говорит о том, что Армения увеличила поставки картошки в Россию более чем в 10 раз.
-
2025-05-29 09:51Армянская экономика медленно, но верно продолжает идти ко дну. Когда и как это дно она нащупает, сказать сложно. Но факт в том, что после пары лет относительного позитива, связанного с эффектом от российско-украинского военного конфликта, антироссийскими экономическими санкциями со стороны коллективного Запада, ставшими своеобразным спасательным кругом для армянской экономики, теперь ей не на чем держаться на плаву.
-
2025-05-27 10:09Министр экономики Армении Геворг Папоян сообщил журналистам после заседания правительства, что в настоящее время разрабатываются программы поддержки коньячных предприятий. Об этом сообщает «Арменпресс». Он отметил, что цель – обеспечить бесперебойный сбор винограда в сентябре-октябре. «Мы поддержим все компании, вовлеченные в процесс заготовки и экспорта, при условии, что будет обеспечен качественный и стабильный сбор винограда», – подчеркнул министр. Касаясь проблем с экспортом армянского коньяка и других алкогольных напитков в Россию через территорию Грузии, Папоян сообщил, что вскоре проведет встречу с производителями. Одна публичная встреча с ними уже состоялась. «У нас есть предварительные итоги обсуждений с грузинской стороной. Мы продолжим диалог с производителями. Правительство не оставило и не оставит без внимания наших виноградарей, фермеров, производителей коньячного спирта и экспортеров готовой продукции – мы предусмотрим целевые механизмы поддержки», – заверил он.