Последние новости
2023-11-17 17:05

ԱՐԴՇԻՆԲԱՆԿԸ ԲԱՑԵԼ Է «ՎԱՐԴԱՆԱՆՑ» ՄԱՍՆԱՃՅՈՒՂԸ ՓՈՔՐ ՈՒ ՄԻՋԻՆ ԲԻԶՆԵՍՆԵՐԻ ՍՊԱՍԱՐԿՄԱՆ ՆՊԱՏԱԿՈՎ

0
Telegram

Նոյեմբերի 17-ին Արդշինբանկը պաշտոնապես բացեց իր նոր «Վարդանանց» մասնաճյուղը, որը Բանկի փոքր և միջին բիզնես հանդիսացող հաճախորդների սպասարկման մասնագիտացված տարածքային ստորաբաժանում է։ Սակայն այստեղ կարող են սպասարկվել նաև ֆիզիկական անձիք, նրանց համար հասանելի է Արդշինբանկի կողմից առաջարկվող բոլոր ժամանակակից ծառայությունների ամբողջական փաթեթը:

«Վարդանանց» մասնաճյուղի հաճախորդներին առաջարկվում են ամենահասանելի և ճկուն վարկային ծառայությունները կարճաժամկետ և երկարաժամկետ կտրվածքով, վճարումների ընդունման տարբեր, այդ թվում՝ թվային POS-տերմինալներ, հասանելի են նաև աշխատավարձային նախագծերի և տարբեր տեսակի բանկային քարտերի սպասարկումը, ներսում տեղադրված բանկոմատի և վճարային տերմինալի միջոցով իրականացվող գործառույթները, բացի այդ հաճախորդները կարող են օգտվել օնլայն բանկային ծառայություններից՝ առանց բանկ այցելելու:

Փոքր և միջին բիզնեսի տնօրեն Արթուր Հակոբյանի խոսքով, «Վարդանանց» մասնաճյուղը հետաքրքիր կլինի այն ընկերություններին, որոնք ցանկանում են ֆինանսավորում ներգրավել ավելի ճկուն մեխանիզմներով և ավելի ցածր տոկոսադրույքներով, ավելի արդյունավետ կառավարել դրամական հոսքերը և ներդնել աճի մեջ:

«Արդշինբանկը հատուկ ուշադրություն է դարձնում ՓՄՁ ձեռնարկությունների հետ հարաբերություններին, մեզ համար դա բիզնեսի ռազմավարական սեգմենտ է և «Վարդանանց» մասնաճյուղի բացումը ապացուցում է դա: Այն, անկասկած, բարելավում է շուկայում մեր դիրքերը և նոր խթան է մրցակցային միջավայրի զարգացման համար, ընդ որում ինչպես ներքին, այնպես էլ արտաքին շուկայում: Բանկը մշտապես լայնացնում է ՓՄՁ ֆինանսավորման իր հնարավորությունները՝ ձեռնարկություններին առաջարկելով բազմաթիվ հետաքրքիր ծառայություններ, գործունեության ընդլայնման ու զարգացման համար ֆինանսական միջոցներ, կարճաժամկետ և երկարաժամկետ վարկեր՝ հարմարեցված ՓՄՁ-երի պահանջներին, առանձնահատկություններին։ Իհարկե, մենք զարգացնում ենք հեռահար և թվային սպասարկման գործիքները, օրինակ՝ օրերս գործարկվեց ՓՄՁ վարկավորման Օնլայն հարթակը, սակայն մեր մասնաճյուղերում ևս ուրախ կլինենք դիմավորել հաճախորդներին և մատուցել որակյալ բանկային ծառայություններ», - նշում է Ա. Հակոբյանը։

Բանկը կարևորում է սպասարկման որակը և հարմարավետությունը։ Նշենք, որ նույն շենքում է գտնվում Բանկի ՓՄՁ վարկավորման կենտրոնը, որը գործող վարկային ծրագրերի, վարկային պրոդուկտների մասին բանկի հաճախորդներին անհրաժեշտ խորհրդատվություններ կտրամադրի և կաջակցի, կուղեկցի վարկավորման ամբողջ ընթացքում։

«Վարդանանց» մասնաճյուղի ղեկավար Էդուարդ Ղուդրունցը նշում է, որ ՓՄՁ ձեռնարկությունների վարկերը տրամադրվում են Բանկի սեփական միջոցների հաշվին, ինչպես նաև միջազգային ծրագրերի շրջանակներում. «Վարկերը տրամադրվում են դրամով, դոլարով, եվրոյով և ռուբլով: Նպատակները շատ տարբեր են. հիմնական և շրջանառու միջոցների համալրման և ձեռքբերման, վարկային պարտքի մարման, այդ թվում՝ վերաֆինանսավորման, ինչպես նաև բիզնեսի զարգացման համար: Որոշ վարկային ծառայություններ մշակվել են հատուկ արտահանողներին և ներմուծողներին օգնելու համար ընթացիկ լիկվիդայնության, մաքսային ձևակերպման, հարկային պարտավորությունների կատարման, ինչպես նաև աշխատակիցների աշխատավարձի վճարման հարցերում: Ընդ որում, հիմնական գումարի մարման համար վարկառուներին տրամադրվում է լրացուցիչ շրջան 12 ամսվա չափով, իսկ հաշվի առնելով բիզնեսի սեզոնայնությունը՝ բանկը հաճախորդի համար մշակում է հիմնական գումարի մարման անհատական գրաֆիկ»:

«Վարդանանց» մասնաճյուղը գտնվում է ք. Երևան, Վարդանանց 27 հասցեով:

Աշխատանքային գրաֆիկն է երկուշաբթիից ուրբաթ 9:15-16:45:

Բանկը վերահսկվում է Կենտրոնական Բանկի կողմից:

Галерея (6 фото)

Основная тема:
Արդշինբանկ

Теги:
Արդշինբանկ

ПОСЛЕДНИЕ ОТ АВТОРА

  • АРДШИНБАНК ПРИЗНАН ЛУЧШИМ БАНКОМ АРМЕНИИ СРАЗУ В ЧЕТЫРЕХ НОМИНАЦИЯХ ПО ВЕРСИИ GLOBAL BANKING & FINANCE REVIEW
    2025-04-17 16:27

    Британский журнал Global Banking & Finance Review назвал Ардшинбанк лучшим в Армении по итогам 2025 года сразу в четырех категориях: «Лучший корпоративный банк» «Лучший банк в сфере корпоративной и социальной ответственности (КСО)» «Лучший прайвит банк» «Лучший розничный банк»

  • КНИГА 100-ЛЕТНЕГО АРМЯНСКОГО ВЕТЕРАНА
    2025-04-17 09:10

    По инициативе и при непосредственном участии Юрия Навояна, председателя организации ДИАЛОГ, в одноименной книжной серии в Москве издан сборник стихов 100-летнего ветерана Великой Отечественной войны Лачина СТЕПАНЯНА «Моё время, моя Победа».

  • Мигран АКОПЯН: ДЛЯ НАЧАЛА НУЖНО СДЕЛАТЬ ОДНУ ВЕЩЬ – НЕ БЫТЬ МАНКУРТОМ
    2025-04-16 09:58

    В Армении действует удерживаемая внешними штыками негосударственная система, своим участием в которой оппозиция легитимировала антиармянский и пожирающий армян режим, написал на своей странице в ФБ экс-депутат НС РА, кандидат исторических наук Мигран Акопян. Он убежден, что это - очевидная для всех реальность, которую надо учитывать также, как когда-то предки армян считались с реальностью оккупационной власти Кара-Коюнлу или Кызылбашей, а для начала нужно сделать одну вещь: не быть манкуртом. Публикацию полностью приводим ниже.

  • РАЗРАБОТКИ ГРИГОРЯНА - ОТ ТЕОРИИ К ПРАКТИКЕ
    2025-04-16 09:35

    Круглые года оказались главными в судьбе Самвела Григоряна, крупного ученого, члена-корреспондента АН СССР (1987) и академика РАН (2000). Родился он в марте 1930-го в с. Гиши (Мартунинский район НКАО), скончался в апреле 2015 г. в Москве. За 85 лет жизни доктор физико-математических наук исследовал различные направления в науке и оставил множество ценных работ по аэродинамике, механике сплошных сред, грунтам и горным породам, сейсмологии, материаловедении и др.

ПОСЛЕДНЕЕ ПО ТЕМЕ