2023-12-12 15:53
Информагентства
Վաղ է ասել, որ ՀՀ-ից Ադրբեջան և Թուրքիա երկաթուղու վերականգնման նախագծերը «էժանացել են»
ՀՀ-ից Ադրբեջան և Թուրքիա երկաթուղու վերականգնման նախագծերի վերաբերյալ շատ տարբեր գնահատումներ են իրականացվել, բայց վերջնական գնահատում դեռևս չկա. Aysor.am-ի հետ զրույցում ասաց ՏԿԵ նախարարի մամուլի խոսնակ Սոնա Հարությունյանը։
«Տարբեր ուսումնասիրություններ են կատարվել, տարբեր գնահատականներ են հնչել, բայց ծրագրի ամբողջական գնահատում դեռ չի արվել։ Ընդ որում՝ հենց այդ ժամանակահատվածում՝ 2021թ.-ին իրականացված ուսումնասիրությունների հիման վրա, այդ թվերը հնչեցվել են նախկինում և՛ Ֆիննախի կողմից, և՛ ՏԿԵ նախարարի, բայց դրանք տարեցտարի փոխվում են, և վերջնական հստակ գնահատական չկա»,-ասաց Սոնա Հարությունյանը։
Հիշեցնենք, որ Sputnik Արմենիան գրել էր, որ ՀՀ-ից Ադրբեջան և Թուրքիա երկաթուղու վերականգնման նախագծերը 2 տարում կտրուկ «էժանացել են»։ Հայաստանի ֆինանսների նախարար Վահե Հովհաննիսյանը հայտնել էր, որ Հայաստանի կառավարության նախաձեռնած «Խաղաղության խաչմերուկ» նախագիծը մոտ 400-500 մլն դոլար կարժենա։
Մինչդեռ 2021 թվականի դեկտեմբեր-2022 թվականի փետրվար ամիսներին երկաթգծի երեք հատվածների վերականգնումը, ՀՀ տարածքային կառավարման և ենթակառուցվածքների նախարարության գնահատականներով, շատ ավելի թանկ է գնահատվել։ Միայն Հրազդան-Իջևան-Ադրբեջանի սահման հատվածի վերականգնումը գնահատվել էր 496 մլն դոլար։
Aysor.am-ը նաև ՀՀ ֆինանսների նախարարությունից հետաքրքրվեց, թե ինչո՞վ է բացատրվում ֆինանսական հաշվարկի նման տարբերությունը։
«ՀՀ-ից Ադրբեջան և Թուրքիա երկաթուղու վերականգնման ծրագրի վերաբերյալ շատ տարբեր գնահատումներ են իրականացվել, բայց վերջնական հաշվարկները պարզ կլինեն նախագծի տեխնիկատնտեսական ուսումնասիրությունից հետո»,- ասացին Ֆինանսների նախարարությունից։
Նշենք, որ Ֆինանսների նախարար Վահե Հովհաննիսյանը թվեր ներկայացնելուց զատ՝ հայտարարել էր, որ գնահատել են՝ հաշվի առնելով տարբեր սցենարներ։
«Ամեն ինչ գնահատված է ըստ սեգմենտների, կախված է նրանից, թե ինչ ճանապարհով կգնանք, հետո ինչպիսի սցենարներ կլինեն․ օրինակ, կարող եմ ասել՝ հարցը նրանում է՝ արդյոք մենք պե՞տք է կառուցենք Նախիջևանից մինչև Ադրբեջանի արևմտյան սահմանը ճանապարհ, եթե այո՛, ապա դա արժեք ունի։ Եթե որոշենք ամենաէժան ձևով հարցը լուծել, դա կլինի Կարս-Գյումրի երկաթուղու գործարկումը, կամ կլինի Ղազախից Բերդ ճանապարհի գործակումը, դրանք ավելի էժան տարբերակներ են։ Եթե բոլոր ենթակառուցվածքները և բոլոր ճանապարհները որոնք պակասում են՝ կառուցվեն, դրա արժեքը կլինի մոտ 400-500 մլն դոլար»,-Civilnet.am-ի հետ զրույցում ասել էր նախարարը՝ նաև նշել, թե կախված է, թե որ երկրները հետաքրքրված կլինեն այս երթուղով։ Նա նշել էր, որ ի տարբերություն 2021թ.-ի գնահատկանների, այսօր ավելի լավ սցենարներ կան՝ հավելելով, որ երբ ժամանակը գա դրանց մասին խոսելու՝ կխոսեն։
ПОСЛЕДНИЕ ОТ АВТОРА
-
New2025-05-23 10:03На Земле уже происходили катастрофические события, уничтожавшие большую часть живых организмов. Как сообщает издание «РБК Тренды», нынешний процесс вымирания уникален — он спровоцирован деятельностью человека, в отличие от предыдущих природных катастроф. Нынешнюю ситуацию ученые называют шестым массовым вымиранием.
-
New2025-05-23 09:19На днях на территории Карабаха завершились масштабные военные учения Азербайджана и Ирана «Араз-2025». Маневры, направленные на боевое слаживание элитных частей двух стран, довольно быстро попали в фокус внимания мировой прессы. Правда, объектом интереса стало не столько само мероприятие, сколько развернувшаяся на его фоне дипломатическая игра. Часть комбинаций которой, к тому же, вышла далеко за пределы Закавказья.
-
New2025-05-23 09:16Создавая искусственные препятствия на пути экспорта армянского коньяка, Грузия не только нарушает законы международной торговли, но и "крадет" коммерческие секреты армянских производителей коньяка. Об этом агентству Sputnik Армения заявил председатель Республиканского союза работодателей Армении Гагик Макарян.
-
New2025-05-23 09:1522 мая в Музее-институте Геноцида армян состоялась презентация книги австрийской журналистки и бывшего дипломата Биргит Кофлер-Бетшарт «Я убил человека, но я не убийца» на армянском языке. Автор рассказывает о специальной операции «Немезис», проведенной в 1919 — 1922 годах против организаторов Геноцида армян и резни в Баку.