ՀԿ․ «Կոռուպցիայի վերացումը» և Հայաստանում հնչող այլ վերամբարձ մտքերը հաճելի չեն

«Կոռուպցիայի վերացում», «կոռուպցիայի ոչնչացում» և այլ վերամբարձ մտքեր, որոնք հնչում են Հայաստանում, հաճելի չեն, քանի որ աշխարհում ոչ մի տեղ նման բանի հասնել առայժմ չի հաջողվել։ Այս մասին լրագրողների հետ հանդիպման ժամանակ հունվարի 30-ին ասել է «Transparency International»-ի հակակոռուպցիոն կենտրոնի ծրագրերի ղեկավար Վարուժան Հոկտանյանը։

Նա նշել է, որ 2018-ից հետո երկու տարվա ընթացքում Հայաստանում ընդունվել են օրենքներ և այլ նորմատիվ-իրավական ակտեր կոռուպցիայի ոլորտում, բայց հետագայում առաջընթացը այդ երևույթի դեմ պայքարում կանգ է առել բարեփոխումների սահմանափակ իրականացման պատճառով։ Հոկտանյանն ավելացրել է, որ միայն օրենքների ընդունումը բավական չէ, դրանք պետք է կյանքի կոչել, իսկ դա համար անհրաժեշտ են ռեսուրսներ և քաղաքական կամք։ «Առանց շուկայի իրական ազատականացման, առանց իրական բազմակուսակցական քաղաքական համակարգի ձևավորման, առանց ծայրահեղ սոցիալական բևեռացման վերացման դժվար կլինի հասնել լուրջ առաջընթացի»,- ընդգծել է ՀԿ ներկայացուցիչը։

Նա նշել է, որ դա Հայաստանի կառավարության և նրա ղեկավարի խնդիրն է։ «Եթե ասվում է, որ յուրաքնաչյուր քայլի կաշառք են վերցնում, ապա որոշակի խմբերի դա շահավետ է։ Եվ մեղավոր է դրանում նաև կառավարող քաղաքական թիմը։ Հասարակությունը և ընդդիմությունն, իրենց հերթին, պետք է հետևեն, թե ինչպես են իրականացվում բոլոր բարեփոխումները։ Այս աշխատանքը Հայաստանում նույնպես թույլ է կատարվում»,- ամփոփել է Վարուժան Հոկտանյանը։

News.am