2024-03-29 08:31
Информагентства
ԱՄՆ-ը ՌԴ-ին մանրամասն տեղեկություն է տրամադրել ահաբեկչական հարձակման սպառնալիքի մասին
Կրասնոգորսկում տեղի ունեցած ողբերգության նախօրեին ԱՄՆ-ը ահաբեկչության սպառնալիքի մասին Ռուսաստանի Դաշնությանը հստակ և մանրամասն տեղեկություն է տրամադրել։ Դրա մասին լրագրողներին առցանց ճեպազրույցում հայտնել է Սպիտակ տան Ազգային անվտանգության խորհրդի ռազմավարական կապերի համակարգող Ջոն Քիրբին։
Նա նշել է, որ իրականում Միացյալ Նահանգները փորձել է օգնել կանխելու այս ահաբեկչությունը։
«Մարտի 22-ի հարձակման նախօրեին ԱՄՆ-ը հստակ և մանրամասն տեղեկություն է տրամադրել Ռուսաստանի իշխանություններին Մոսկվայում մարդկանց հոծ բազմության և համերգներում ահաբեկչական սպառնալիքի առնչությամբ»,- ասել է Քիրբին։
Մարտի 7-ին՝ Մոսկվայի ժամանակով ժամը 11:15-ին, ԱՄՆ կառավարությունը, ըստ բնականոն ընթացակարգերի, բազմիցս օգտագործվող սահմանված ուղիներով գրավոր նախազգուշացում է ուղարկել Ռուսաստանի անվտանգության ծառայություններին։
Քիրբին հավելել է, որ հաջորդ օրը՝ մարտի 8-ին, Միացյալ Նահանգների կառավարությունը հրապարակել է նախազգուշացում ԱՄՆ քաղաքացիների համար՝ հորդորելով նրանց Մոսկվայում հեռու մնալ մարդկանց կուտակումների վայրերից և չմասնակցել համերգներին:
Քիրբիի պնդմամբ՝ Միացյալ Նահագներն այս տեղեկությունը տրամադրել է Ռուսաստանին, քանի որ ԱՄՆ-ը շատ լուրջ է վերաբերվում զգուշացումներին վերաբերող իր պարտավորություններին։
«Երբեք չենք ցանկացել ահաբեկչական հարձակումների ժամանակ տեսնել անմեղ մարդկանց մահը: Եվ սա զանազան սպառնալիքների մասին բազմաթիվ նախազգուշացումներից մեկն է, որն ԱՄՆ-ը հայտնել է Ռուսաստանին 2023 թվականի սեպտեմբերից ի վեր»,- հավելել է Սպիտակ տան աշխատակիցը։
«Ու թեև մեր դեսպանատան հրապարակային հանձնարարականները կարող էին ահաբեկիչներին հետ պահել մարտի 8-ի հարձակումից՝ Ռուսաստանի կառավարությանն ու հանրությանն ուղղված մեր նախազգուշացման մեջ պարզորոշ նշված էր Մոսկվայի համերգներում ահաբեկչական սպառնալիքի մասին, այդուհանդերձ Իսլամական Պետությունն ամբողջությամբ պատասխանատու է այս հարձակման համար:
Միացյալ Նահանգներն առաջվա պես զգոն կլինի և կզգուշացնի ամբողջ աշխարհի կառավարություններին, անկախ նրանց հետ մեր հարաբերություններից, երբ իմանա նախապատրաստվող ահաբեկչությունների մասին», - հավելել է Քիրբին։
Ազգային անվտանգության ծառայության աշխատակիցը հայտարարել է, որ ռուսական կողմը «փորձում է մեղքը բարդել Ուկրաինայի, ԱՄՆ-ի և այլոց վրա»։
News.am
ПОСЛЕДНИЕ ОТ АВТОРА
-
New2025-06-28 15:30Патриархат Армянской Церкви в Иерусалиме выступил с официальным заявлением, в котором архиепископ Нурхан Манукян осудил вчерашнее вторжение в Церковь и выразил поддержку Католикосу всех армян.
-
New2025-06-28 15:00Лишенный сана архимандрит Хорен Ованнисян и причисленный к мирянам с мирским именем Ншан Ованнисян дал интервью Общественной телекомпании (Первый канал) Армении – Петросу Казаряну.
-
New2025-06-28 14:59Предстоятель Ширакской епархии Армянской Апостольской церкви архиепископ Микаел Аджапахян арестован сроком на 2 месяца, одновременно наложены ограничения на его контакты, напомнила соучредитель Международного центра развития парламентаризма, правозащитник и специалист по конституционному праву Гоар Мелоян.
-
New2025-06-28 13:34Конгрегация мхитаристов в Венеции выражает солидарность с Армянской Апостольской церковью. Об этом говорится в заявлении ордена на его официальной странице в соцсети.