2024-05-10 19:37
Информагентства
Եվրոպական ութ երկիր Վրաստանին զգուշացրել է, որ նրա եվրոպական ապագան վտանգված է
Սկանդինավյան և Բալթյան երկրները հանդես են եկել համատեղ հայտարարությամբ՝ վրացական իշխանություններին զգուշացնելով, որ ընտրել են Վրաստանի եվրոպական ապագան ոչնչացնող տագնապալի հետագիծ։ Ըստ Европейская правда-ի՝ դրա մասին ասված է ութ երկրի համատեղ հայտարարության մեջ, որը հրապարակել է Շվեդիայի ԱԳՆ-ն: Հայտարարությունը պատրաստվել է Դանիան, Էստոնիան, Ֆինլանդիան, Իսլանդիան, Լատվիան, Լիտվան, Նորվեգիան և Շվեդիան ընդգրկող տարածաշրջանային համագործակցության ձևաչափի շրջանակում։
ԵՄ երկրները հայտարարել են, որ անցյալ դեկտեմբերին Վրաստանին ԵՄ-ի թեկնածուի կարգավիճակ շնորհելով՝ Եվրամիությունը ցույց տվեց, որ աջակցում է վրաց ժողովրդի իղձերին։ «Վրաստանին ԵՄ անդամակցության շուրջ բանակցությունները սկսելու ու հետագայում՝ Եվրամիությանն անդամակցելու համար հստակ ճանապարհ տրվեց: Սակայն վրացական իշխանություններն ընտրել են Վրաստանի եվրոպական ապագան ոչնչացնող տագնապալի հետագիծ»,- ասված է հայտարարության մեջ։
Նշվում է, որ Վրաստանի խորհրդարանում քննարկվող «Արտաքին ազդեցության թափանցիկության» մասին օրինագիծը անհամատեղելի է եվրոպական նորմերին ու արժեքներին։ «Օրենքն ընդունվելու դեպքում այն կօգտագործվի լրատվամիջոցներին և քաղաքացիական հասարակության կազմակերպություններին լռեցնելու համար, որոնք կարևոր դեր են խաղում Վրաստանին ԵՄ անդամակցության ճանապարհին օգնելու գործում: Վրաստանի իշխանությունների պնդումը, թե առաջարկը ԵՄ-ի օրինագիծ է հիշեցնում, անհիմն է և ապակողմնորոշիչ։ Վրաստանի քաղաքական առաջնորդներին կոչ ենք անում վերանայելու օրինագիծը»,- ասված է հայտարարության մեջ։
Հայտարարության մեջ նշվում է, որ Վրաստանի իշխանություններից պահանջվում է կատարել նախապայմանները, եթե Թբիլիսիում ցանկանում են միանալ Եվրամիությանը: Սակայն վրացական իշխանությունների հակաարևմտյան հռետորաբանությունը լրջորեն սպառնում է Վրաստանի եվրոպական ընտրությունը:
«Եվրամիության թեկնածուի կարգավիճակը Վրաստանին տրվել է 9 քայլի պայմանով։ Այս պահի դրությամբ Վրաստանի իշխանություններն այդ քայլերն իրականացնելու ուղղությամբ ընդհանուր առաջընթաց չեն գրանցել: Հուսով ենք՝ Վրաստանի կառավարությունը կօգտագործի ԵՄ-ի աշխույժ ընդլայնման գործընթացի արդյունքում ստեղծված այս պատմական հնարավորությունների պատուհանը և կվերադառնա ԵՄ անդամակցության ճանապարհին»,- հայտարարել են Դանիան, Էստոնիան, Ֆինլանդիան, Իսլանդիան, Լատվիան, Լիտվան, Նորվեգիան և Շվեդիան:
Վրաստանի խորհրդարանը մայիսի 13-ին կքննարկի երկու ընթերցմամբ ընդունված «Օտարերկրյա ազդեցության թափանցիկության մասին» օրինագիծը, իսկ վերջնական քվեարկությունը նշանակված է մայիսի 17-ին։
News.am
ПОСЛЕДНИЕ ОТ АВТОРА
-
New2025-06-11 07:33Нынешние власти Армении с их низким рейтингом не смогут консолидировать достаточно большую общественную массу для попытки свержения Католикоса всех армян. Такое мнение в беседе со Sputnik Армения выразил богослов, преподаватель кафедры истории и теории религии Ереванского госуниверситета, историк Вардан Хачатрян.
-
New2025-06-11 06:20«Я знаю, что вы пришли, чтобы выразить свой гнев в связи с выражениями, озвученными премьер-министром в последние дни в адрес церкви и представителей церкви. Мы знаем, что эти выражения, озвученные премьер-министром, вызвали всеобщий гнев. Я верю, что милостью Божьей и с Божьей помощью мы вместе с вами смиренно и без излишней эмоциональности сумеем преодолеть это испытание». Об этом 11 июня в беседе с журналистами в аэропорту «Звартноц» сказал Католикос всех армян Гарегин Второй.
-
New2025-06-11 06:13Возмущенные нападками властей Армении тысячи граждане ночью встретили Католикоса всех армян Гарегина II в международном аэропорту «Звартноц» города Ереван. Среди них были и оппозиционные политические деятели.
-
New2025-06-11 06:09Армянские епархии Южной Америки выступили с заявлением.