2024-05-20 19:11
Информагентства
Բագրատ Սրբազանն իր աջակիցների հետ Կիրանցից վերադառնում է Երևան
Բագրատ Սրբազանը և իր համակիրները, որոնք այսօր առավոտվանից գտնվում էին Կիրանցում, վերադառնում են Երևան: Այս մասին հայտնում է NEWS.am-ի թղթակիցը:
Նշենք, որ Կիրանց տանող ճանապարհը մեծ թվով ոստիկաններ շարունակում են փակ պահել: Բագրատ Սրբազանին, սակայն, հաջողվեց հասնել Կիրանց և զրուցել գյուղացիների հետ:
Իրավիճակը փակ ճանապարհին պարբերաբար լարվում էր, պատգամավորների և լրագրողների մուտքը ոստիկաններն արգելում էին՝ նշելով, թե գյուղում գործողություններ են կատարվում։
Նշենք, որ գյուղի ճանապարհից ուժի կիրառմամբ բերման է ենթարկվել 14 քաղաքացի:
Ավելի վաղ հայտնել էինք, որ Կիրանցի հատվածում սահմանազատման աշխատանքները արդեն իսկ մոտենում են ավարտին։ Սահմանազատված հատվածում սահմանը վերահսկողության տակ են վերցնում հայկական սահմանապահ ուժերը: Գործընթացը իրականացնելու համար ժամանակավորապես փակվում է Կիրանցի մուտքը։ Գիշերը երեք սյուն է դրվել, կողքին սահմանապահներն են՝ զինված ու դիմակավորված:
Կիրանցի գյուղապետ Կամո Շահինյանը NEWS.am-ի հետ զրույցում նշել է, որ 2 տուն, 3 վագոն–տնակ-խանութ և մեկ ավտովերանորոգման կետ մնում է Ադրբեջանի վերահսկողության ներքո։ «Սակայն լուրջ խնդիրներ են առաջանում նաև այլ տների բնակիչների համար, որովհետև 6 տուն սահմանին կից է և այնտեղ ապրել հնարավոր չէ: Դպրոցն է սահմանից շատ մոտիկ լինում։ Շինարարությունը դեռ չի էլ ավարտվել, բայց որ այնտեղ երեխա հաստատ դասի չի գնա՝ դա հաստատ է։ Իսկ դա նշանակում է, որ էդ դպրոցը էլ չկա»,- նշել է բնա:
Ազգային անվտանգության ծառայությունը երեկ հայտնել է, որ Տավուշի Կիրանց գյուղի հատվածում իրականացվում են սահմանի պահպանությունը ստանձնելուն ուղղված նախապատրաստական աշխատանքներ: Թե ինչ նախապատրաստական աշխատանքներ են տարվում, ԱԱԾ-ն չի մանրամասնել:
Վարչապետի աշխատակազմից մայիսի 15-ին հայտնել էին, որ երկու երկրների սահմանապահները համաձայնեցված սահմանի վրա կանգնելու են առաջիկա 8-9 օրերի ընթացքում, իսկ Կիրանցի առավել զգայուն հատվածում` ավելի ուշ, որովհետև այդտեղ որոշ մանրամասներ ենթակա են լրացուցիչ ճշգրտման:
Վրաստան տանող միջպետական ճանապարհի Կիրանցի հատվածում ադրբեջանական կողմին է անցնում կամուրջը։ Կառավարությունը հայտարարել է, որ նոր շրջանցիկ ճանապարհ պետք է կառուցվի, 2-3 ամիս ժամկետի մասին է հայտարարվել։
ПОСЛЕДНИЕ ОТ АВТОРА
-
New2025-04-04 09:14Глава Российского фонда прямых инвестиций (РФПИ), спецпредставитель президента РФ по экономическому сотрудничеству с зарубежными странами Кирилл Дмитриев сообщил, что обсудил с ключевыми членами администрации президента США Дональда Трампа восстановление диалога между Москвой и Вашингтоном, передает ТАСС.
-
New2025-04-04 09:13Европейский парламент провел заседание, посвященное 110-й годовщине Геноцида армян, уделив при этом особое внимание принудительному выселению этнических армян из Нагорного Карабаха. Как передает Арменпресс, об этом сообщила Федерация армян Европы за справедливость и демократию (EAFJD).
-
New2025-04-04 09:11Корпус стражей исламской революции (КСИР) обеспечивает стабильную безопасность границ страны. Угроза безопасности иранского населения – красная линия для Тегерана. Об этом, как передает Fars, заявил командующий сухопутными силами КСИР Мохаммад Пакпур.
-
New2025-04-04 09:08Ожидать от Никола Пашиняна и его команды каких-либо позитивных шагов в отношении Арцаха и арцахцев бессмысленно. Об этом на своей странице в соцсети Facebook написал соучредитель партии «Страна для жизни» Месроп Аракелян.