2024-05-29 14:00
Рубен МАРГАРЯН
ՀԱՎ-ԹՈՒԹԱԿՆԵՐԻ ՄԱՍԻՆ
Երբ մարդը հանճարեղ է, դա չընդունել չես կարող: Սա վերաբերում է Վլադիմիր Վիսոցկուն՝ այծքաղին սիրահարված ընձուղտի մասին իր կատակ երգով։ Ավելի ճիշտ՝ այն փաստին, որ ոչ այնքան ընձուղտն է մեղավոր ստեղծված իրարանցման մեջ, որքան ոմն հավը, ավելի ճիշտ՝ թութակը, որը ճյուղին նստած ճղավում էր, թե ընձուղտը մեծ է, ուստի իրեն ավելի լավ է երևում՝ ինչը ոնց:
ՆԻԿՈԼ ՓԱՇԻՆՅԱՆԸ ՈՐՊԵՍ ՄԱՐԴ, ԻՀԱՐԿԵ, ԲՈԼՈՐՈՎԻՆ ՄԵԾ ՉԷ։ Կարելի է ասել՝ շա՜տ փոքր մարդուկ է։ Միայն թե նրա պաշտոնն է մեծ, ուստի մեղավոր է, իրոք, ոչ միայն նա, այլև հավի ուղեղով այն թութակները, որոնք ճղավում են, թե Նիկոլին ավելի լավ է երևում՝ ինչը ոնց։
Այդ հավերի սիրելի ճղավյունն է, թե՝ Բագրատ արքեպիսկոպոսի Շարժմանը աջակցում են «նախկինները»։ Այդ մասին են կոկորդ պատռում Նիկոլի հավերը, մեծամասամբ՝ նույնպես նախկիններ, ինչը ստորև կպարզաբանենք։ Բայց ինչպե՞ս այստեղ չհիշես այն ասացվածքը, որ մարդուն լավագույնս բնութագրում է իր ընկերների ով լինելը:
Դե, այնպես է ստացվել, որ Բագրատ արքեպիսկոպոսին սատարողների մեջ, այո, կան «նախկիններ», բայց հենց այն «նախկինները», որոնք կոնկրետ ավանդ ունեն հայոց պետականության ստեղծման ու զարգացման գործում: Իսկ Նիկոլի շուրջը նույնպես նախկիններ, բայց առավելապես նախկին թափթփուկներն են, որոնց միակ բանուգործը ինչ-որ բանում ուրիշներին մեղադրելն է, անձամբ երբեք ոչինչ արած չլինելով իրենց երկրի համար։ Բացի դատարկախոսելուց և բամբասանքներ տարածելուց:
Այո, Բագրատ արքեպիսկոպոսի կողմից են «նախկինները», նրանք դա չեն էլ թաքցնում։ Չեն թաքցնում, որովհետև անցյալում կոնկրետ ներդրում ունեն հայոց պետականության կառուցման դժվարին գործում։
Այո, Շարժմանն աջակցում են Ռոբերտ Քոչարյանն ու իր կողմնակիցները, ինչի մասին այդքան սիրում են ծղրտալ նիկոլական հավերը։ Բայց Քոչարյանը հանգիստ կարող է արձանագրել. դուք իմ մասին կարող եք ասել ինչ կամենաք, բայց, օրինակ, Հայաստան-Իրան գազատարը կառուցվել է իմ օրոք։ Շատ բան կարող է ասել, մենք բերեցինք ընդամենը մեկ օրինակ։
Նիկոլի կողմից է նույնպես նախկինը՝ զուգագուլպաներով նկարահանվող «Ռոմաշկան»։ Նիկոլի գլխավոր քարոզիչը։
Շարժման կողմից է Սերժ Սարգսյանը, որը կարող է արձանագրել. դուք կարող եք իմ մասին ասել ինչ կամենաք, բայց, օրինակ, «Իսկանդերները» ձեռք են բերվել իմ օրոք։ Շատ բան կարող է ասել, մենք բերեցինք ընդամենը մեկ օրինակ։
Նիկոլի կողմից է սերիալների նախկին աստղային դերասանիկը, որը սիրում է սելֆի անել՝ կանացի ներքնավարտիքը գլխին քաշած։ Ամեն ինչ արդար է:
Շարժման կողմից է Լևոն Տեր-Պետրոսյանը, որը կարող է հայտարարել. դուք կարող եք իմ մասին ասել ինչ կամենաք, բայց Ղարաբաղյան պատերազմում հաղթանակը եղել է իմ օրոք։
Նիկոլի կողմից է մեկ այլ նախկին կիսադերասան, որի գլխավոր դերը ակվարիումի ձկնիկն էր. հիմա նա ԱԺ թքամոլ խոսնակն է։
ՑՈՒՑԱԿԸ ԿԱՐԵԼԻ Է ՇԱՐՈՒՆԱԿԵԼ ԱՆՎԵՐՋ, ԵՎ ՊԱՏԿԵՐԸ ՆՈՒՅՆԸ ԿԼԻՆԻ:
Շարժման կողմից է Հրանտ Բագրատյանը, որը կարող է նշել. իմ մասին կարող եք ասել ինչ կամենաք, բայց իմ օրոք հաջողվեց վերագործարկել ՀԱԷԿ-ը։
Նիկոլի կողմից է սեփական մոր դեմ մատնություններ գրող նախկին դասալիքը։
Շարժման կողմից է Վազգեն Մանուկյանը, որը կարող է հայտարարել. իմ մասին կարող եք ասել ինչ կամենաք, բայց Արցախի ԶՈՒ-ի նշանավոր հաղթանակները ձեռք են բերվել որպես պաշտպանության նախարար իմ պաշտոնավարման ժամանակ։
Նիկոլի կողմից է ևս մեկ նախկին վայ-դերասան, որն ամեն օր թուքը շաղ է տալիս թքող խոսնակի ընտանիքի վերահսկողության տակ գտնվող հեռուստաալիքով։
Ահա և «ողջ տարբերությունը» Հայաստանի նախկին շինարարների և Նիկոլի օրոք պետական այրերի աստիճանի բարձրացված նախկին մասխարաբազների միջև։ Սրանք այն մարդիկ են, ովքեր պախարակում են Շարժմանը Հայաստանի հյուսիսում ջրհեղեղից հետո հանրահավաք անցկացնելու համար, այդ առիթով խրատախոսություն կարդում հենց այն օրը, երբ տարերքի հարվածի ենթարկվեծ երկրի վարչապետի կինը պարում է փակ երեկույթում... Թիկնազորի զգոն պաշտպանության ներքո, իհարկե։
Վերջապես, ևս մեկ բան: Նիկոլի այն կողմնակիցների համար, որոնց ուղեղն այնքան էլ հավի չէ, եթե այդպիսիք մնացել են։ Նրանց կողմից շատ են հնչում կանխատեսումներ, թե Շարժումը ուր որ է կմարի։ Հուսով ենք՝ ոչ։ Բայց եթե ձեր սպասումներն իրականանան, վստահ եղեք, որ մեկ շաբաթ, լավ, երկու շաբաթ անց մենք կլսենք Անկարայի և Բաքվի նոր պահանջների մասին, որոնք ձեր փոքրիկ վարչապետը կնետվի կատարելու։ Այնպես որ եթե հավ-թութակների մեջ կան Հայրենիքի շահերով անկեղծորեն մտահոգ մարդիկ (ինչում մեծ կասկածներ ունեմ, բայց ինչևէ, եթե կան այդպիսիք), նրանք պետք է ամեն օր մոմ վառեն, որ Շարժումը հաղթի:
Եվ էլի մի շատ մեծ գաղտնիք: Ի տարբերություն իրեն աջակցող հավ-թութակերի, մեր փոքրիկ ընձուղտն ինքը դա շատ լավ հասկանում է։
ПОСЛЕДНИЕ ОТ АВТОРА
-
2025-05-14 09:19С одной стороны, Пашинян поехал на Парад Победы в Москве. С другой стороны, чтобы в Европе, которая во главе с британскими спецслужбами является главной крышей Пашиняна, не обиделись, премьер развернул на своих агитационных ресурсах беспрецедентную кампанию по дискредитации роли СССР в победе стран коалиции во Второй мировой войне. Это у него называется "политикой балансирования".
-
2025-05-13 11:05Уже говорили о «гениальном открытии» Арцруна Ованнисяна, согласно которому Гитлер планировал после взятия Сталинграда, а затем Кавказа с двух сторон напасть на Турцию со стороны Болгарии и со стороны Армении. Причем на стороне Гитлера с уже независимой Армении предполагалось также участие армянских военных подразделений. В результате должна была быть создана «единая, историческая Армения», но Сталинградская битва, точнее поражение немцев в ней, помешали этому замыслу... Глупость, конечно, редкая, но, увы, не единственная выданная Арцруном 9 мая в эфире у Петроса. Пройдемся по другим "открытиям" новоявленного историографа.
-
2025-05-12 11:1515 мая в Стамбуле ожидается встреча российской и украинской делегаций. С таким предложением выступил президент РФ Владимир Путин по окончании торжественных мероприятий в связи с 80 годовщиной Великой Победы. После Парада Победы, уже за полночь, он заявил об этом российским и иностранным журналистам, отметив роль тех стран, которые стараются внести свою лепту в урегулирование украинского конфликта: от Китая и Бразилии до новой администрации США.
-
2025-05-12 10:29Плоды мероприятий в рамках программы «Обучение - это модно», в соответствии с концепцией «Реальной Армении», дают о себе знать. И вот любимчик правящей семьи Арцрун Ованнисян, который в период 44-дневной войны в каждодневном режиме рапортовал о победах армянских ВС, а сразу после подписания Трехстороннего заявления от 9.11.2020-го от греха подальше слег в больницу, а потом отправился в США, сделал сенсационное открытие, с которым поделился в эфире у… Ну а с кем он еще в первую очередь мог поделиться сенсацией, как не с мужем министра наук, образования, культуры, спорта и молодежи?