2024-06-14 15:44
Рубен МАРГАРЯН
ՆԻԿՈԼ ՓԱՇԻՆՅԱՆԻ ԱՆԿՇՏՈՒՄ ԿԱՐՄԱՆ
Չարժե հուսալ, թե Փաշինյանը կանգ կառնի փոքր արյան վրա։ Նրա կարման դեռ չի կշտացել, այն ընդհանրապես անկուշտ է. դրա ապացույցները քիչ չեն, սկսած 2008-ի մարտի 1-ից։ Այլապես վաղուց հրաժարական տված կլիներ։
ՇՈՒՇԻՆ ՀԱՆՁՆԵԼՈՒՑ ՀԵՏՈ։ 44-ՕՐՅԱ ՊԱՏԵՐԱԶՄԻՑ ՀԵՏՈ։ Արցախյան առաջին ազատամարտի հերոս Մանվել Գրիգորյանին մահվան հասցնելուց հետո։ Կորոնավիրուսի համաճարակի դեմ պայքարի ձախողումից հետո: Հղի Սոնա Մնացականյանի սպանությունից հետո: Նիկոլական դատարանի դահլիճում Արմեն Գրիգորյանի մահից հետո: Սուրմալուի հրդեհից հետո: Լաչինի միջանցքի արգելափակումից հետո։ Զորանոցում բռնկված հրդեհի հետևանքով զինծառայողների մահից հետո։
Հայ-ադրբեջանական սահմանին Ադրբեջանի հետ մարտերում 240 զինծառայողների զոհվելուց հետո։ Արցախում էթնիկ զտումներից հետո։ Ադրբեջանի պահանջած տարածքները հոժարակամ հանձնելուց հետո։ Ջրհեղեղի հետևանքներից հետո, որոնցից հնարավոր էր խուսափել:
Ռոբերտ Քոչարյանի, Սերժ Սարգսյանի, Յուրի Խաչատուրովի դեմ իր պատվերով ձեռնարկված դատավարությունների ձախողումից հետո։ Ինչպես կասեր հենց ինքը՝ Փաշինյանը, հարկատուների փողերի, «հայ ժողովրդի տառապանքների» հաշվին ձեռնարկված դատավարությունների։ Այն բանից հետո, երբ իշխող կուսակցության անդամ խուլիգանը ստորաբար հարվածեց Արցախյան առաջին ազատամարտի հերոս Սեյրան Օհանյանին։ Եվ որպես արձագանք այդպիսի սրիկայությանը՝ թքող խոսնակը մանդատը հանձնելու կոչ արեց ոչ թե իր խմբակից գործընկերոջը, այլ Սեյրան Օհանյանին…
Այն բանից հետո, երբ կոտրվածքներով հիվանդանոցում հայտնվեց Աբրահամ Գասպարյանը: Այն բանից հետո, երբ նռնակի պայթյունը դաստակից պոկեց բողոքի ակցիայի մասնակցի ձեռքը։ Երեկ խորհրդարանի պատերի տակ տեղի ունեցած ջարդից հետո։
Ոչ մի իշխանություն այսքան աղետ, այսքան մահ, այսքան ավերված օջախ չի բերել Հայաստանին։ Եթե Փաշինյանը սիրեր Հայաստանը, ինչպես վստահեցնում է, վաղուց հեռացած կլիներ։ Բայց նա և իր թիմը չեն սիրում Հայաստանը, սիրում են միայն իրենց իշխանությունը։ Իշխանություն, որն իրենց թույլ է տալիս թքել համաքաղաքացիների վրա, մինչ թիկնապահը ոլորում է քաղաքացու թևերը։ Ինչպես անկեղծորեն խոստովանեց Սասուն Միքայելյանը, իրենց իշխանության գալն իրենք ավելի կարևոր են համարում, քան Ղարաբաղյան պատերազմում տարած հաղթանակը։ Այստեղ ավելացնելու ոչինչ չկա։
Թերևս արժե միայն ընդգծել, որ բոլոր նրանք, ովքեր աջակցում են նման իշխանությանը, պետք է իմանան. իրենք կիսում են պատասխանատվությունը վերոթվարկյալի համար: Սկսած 44-օրյա պատերազմից, վերջացրած թքող խոսնակով։
ԱԺ ամբիոնից ճղավող Փաշինյանը, որը խրախուսում էր ոստիկաններին ուժ կիրառել, այսօր ոստիկանական սանձարձակության մեղավոր է նշանակում Ռոբերտ Քոչարյանին, Կաթողիկոսին, Լևոն Տեր-Պետրոսյանին և արցախցիներին, որոնք, իր հերթական զառանցանքի համաձայն, Արցախը հանձնելուց հետո ուզում են Հայաստանը հանձնել ՀԱՊԿ-ին...
ԵՎՍ ՄԵԿ ԱՆԳԱՄ՝ ԱՌԱՆՁՆԱԿԻ ԲԹԱՄԻՏՆԵՐԻ ԵՎ ՀԱՏՈՒԿ ՆԻԿՈԼ ՓԱՇԻՆՅԱՆԻ ՀԱՄԱՐ։ Հայաստանում իշխանությունը ցուցարարները ցանկանում են փոխել, որպեսզի վերջապես փակեն Հայաստանի պատմության այս խայտառակ էջը։ Քո կառավարման խայտառակ էջը։ Որպեսզի հազարավոր երիտասարդ տղաներ այլևս չզոհվեն պատերազմներում, որպեսզի տասնյակ հազարավոր մարդիկ չկորցնեն իրենց տներն ու նախնյաց շիրիմները:
Դե, իսկ Լուկաշենկոյի հասցեին Փաշինյանի բոլոր «բացահայտումները», Բելառուսում Հայաստանի դեսպանի հետկանչի ու այլևայլի նպատակը ուշադրություն շեղելն է ներքին իրավիճակից և արևմտյան հրահանգիչներին հաճոյանալը, որպեսզի նրանք աչք փակեն Նիկոլ Փաշինյանի բռնապետական ռեժիմի ոստիկանական կամայականությունների վրա։ Լուկաշենկոյի հետ շփվել մեր կեղծավորը չի ուզում, իսկ 44-օրյա պատերազմի մասնակից Էրդողանի առջև հնազանդ խոնարհվում է…
Հեռավոր Մինսկում ամեն ինչ հասկանում են, ուստի արդեն հայտարարել են, որ հանգիստ են վերաբերվում արյունից չկշտացող մեր մղձավանջի «իմպուլսիվ հայտարարություններին»։
Հատկանշական է, որ Ադրբեջանի ՊՆ-ն հայտարարել է հայկական կողմից իրենց դիրքերի իբր գնդակոծման մասին... Տրամաբանական է. նետվեցին փրկելու յուրայինին, նրան, ով դեռ 90-ականների վերջին հայտարարում էր, թե Արցախն Ադրբեջանի մասն է։ Հասկանալի է, որ պետք է փրկել արժեքավոր կադրին, որը հետևողականորեն վերածում է Հայաստանը Թուրքիայի և Ադրբեջանի վասալ պետության։
Շատ լավ հիշում ենք թքող խոսնակի հայտարարությունը, որ եթե «Քաղաքացիական պայմանագիրը» պարտվի Երևանի ավագանու ընտրություններում, Հայաստանը լուրջ խնդիրներ կունենա անվտանգության առումով։ Եվ երբ «Քաղաքացիական պայմանագիրը» փաստացի պարտվեց ընտրություններում, Ալիևը ռազմական գործողություններ սկսեց սովի մատնված ու Փաշինյանի կողմից դավաճանված Արցախի դեմ։
ПОСЛЕДНИЕ ОТ АВТОРА
-
2025-05-14 09:19С одной стороны, Пашинян поехал на Парад Победы в Москве. С другой стороны, чтобы в Европе, которая во главе с британскими спецслужбами является главной крышей Пашиняна, не обиделись, премьер развернул на своих агитационных ресурсах беспрецедентную кампанию по дискредитации роли СССР в победе стран коалиции во Второй мировой войне. Это у него называется "политикой балансирования".
-
2025-05-13 11:05Уже говорили о «гениальном открытии» Арцруна Ованнисяна, согласно которому Гитлер планировал после взятия Сталинграда, а затем Кавказа с двух сторон напасть на Турцию со стороны Болгарии и со стороны Армении. Причем на стороне Гитлера с уже независимой Армении предполагалось также участие армянских военных подразделений. В результате должна была быть создана «единая, историческая Армения», но Сталинградская битва, точнее поражение немцев в ней, помешали этому замыслу... Глупость, конечно, редкая, но, увы, не единственная выданная Арцруном 9 мая в эфире у Петроса. Пройдемся по другим "открытиям" новоявленного историографа.
-
2025-05-12 11:1515 мая в Стамбуле ожидается встреча российской и украинской делегаций. С таким предложением выступил президент РФ Владимир Путин по окончании торжественных мероприятий в связи с 80 годовщиной Великой Победы. После Парада Победы, уже за полночь, он заявил об этом российским и иностранным журналистам, отметив роль тех стран, которые стараются внести свою лепту в урегулирование украинского конфликта: от Китая и Бразилии до новой администрации США.
-
2025-05-12 10:29Плоды мероприятий в рамках программы «Обучение - это модно», в соответствии с концепцией «Реальной Армении», дают о себе знать. И вот любимчик правящей семьи Арцрун Ованнисян, который в период 44-дневной войны в каждодневном режиме рапортовал о победах армянских ВС, а сразу после подписания Трехстороннего заявления от 9.11.2020-го от греха подальше слег в больницу, а потом отправился в США, сделал сенсационное открытие, с которым поделился в эфире у… Ну а с кем он еще в первую очередь мог поделиться сенсацией, как не с мужем министра наук, образования, культуры, спорта и молодежи?